سي دي الفلوانس وصيانة 25000

[wael-mohamed]

الاخوة الافاضل
في مشكلة في السي دي الخاص بالعربية بيحشر السي دي ومش عارف اعمل ايه
حد حصل معاه الموضوع ده قبل كده والحل ايه علشان لما قلتلهم في التوكيل قالولي هسيب الكاسيت يومين حتي يتم الاصلاح ودي حاجة رخمة جدا .
وبعدين انا دلوقتي وصلت الحمد لله الى 26000 كيلو لازم اروح صيانة ال25000 كيلو وال ممكن اكبر دماغي واعمل صيانة ال30000 وخلاص , ارجو الافادة وشكرا

[Hany Saad]

الاخوة الافاضل
في مشكلة في السي دي الخاص بالعربية بيحشر السي دي ومش عارف اعمل ايه
حد حصل معاه الموضوع ده قبل كده والحل ايه علشان لما قلتلهم في التوكيل قالولي هسيب الكاسيت يومين حتي يتم الاصلاح ودي حاجة رخمة جدا .
وبعدين انا دلوقتي وصلت الحمد لله الى 26000 كيلو لازم اروح صيانة ال25000 كيلو وال ممكن اكبر دماغي واعمل صيانة ال30000 وخلاص , ارجو الافادة وشكرا

موضوع حشر السى دى ده وحوش الميجان ii أتهروا منه... و خصوصاً اللى بيبدلوا سى دى هات كتير.....
طبعا أول مرة نسمع عنه فى الفلوانس مش عارف هل علشان الكاسيت أصبح مختلف و أتحل الموضوع ده و لا علشان قلة مشاركة ملاك الفلوانس....

للأسف ملكش غير التوكيل علشان حضرتك لسه فى الضمان....بعد الأصلاح عايزك تقتل الكاسيت سيديهات من كل شكل و لون علشان حضرتك لو بعد التحميل عليه ظبط يبقى خير و سلام...أما لو قل عقله و علق تانى يبقى ساعتها حضرتك حتطالب بكاسيت جديد تحت الضمان و لا تدعهم يلعبوا معاك و يحاولوا إصلاحه مرة أخرى.

بالنسبة لصيانة ال25000 كم للأسف هى كل غرضها التشييك على العربية و خلق فرصة للتوكيل لتحصيل فلوس لأنه لو وجد مشكلة خفيفة بيغيرها من أولها و ممكن برده لو مفرضناش سوء النيه يكون عايز يلحق مشاكل الضمان فى أولها قبل أن تتفاقم و تؤثر على قطع أخرى و بالتالى تكلفة عليه أعلى....يعنى مثلا لو فيه مشكلة فى تيل الفرامل إكتشافها عند ال25000 كم ممكن يبقى تغيير تيل فقط أما عند ال30000 كم فممكن الموضوع يدخل فى طنابير كمان و قس على ذلك....طبعاً مفيش حد فى العالم بيعمل صيانة كل 5000 كم لأنه ببساطة الناس مش فاضية تسيب شغلها و تروح تعمل صيانة....لكن للأسف دى شروط التوكيل و علشان ميغلس عليك و يطلعك بره الضمان، حضرتك مضطر تعملها

[Amr_Moh]

في سي ديهات بتكون أكثر سمكا من غيرها .. هل ممكن تكون السبب في التعليق؟؟!

[GMakram]

الاخوة الافاضل
في مشكلة في السي دي الخاص بالعربية بيحشر السي دي ومش عارف اعمل ايه
حد حصل معاه الموضوع ده قبل كده والحل ايه علشان لما قلتلهم في التوكيل قالولي هسيب الكاسيت يومين حتي يتم الاصلاح ودي حاجة رخمة جدا .
وبعدين انا دلوقتي وصلت الحمد لله الى 26000 كيلو لازم اروح صيانة ال25000 كيلو وال ممكن اكبر دماغي واعمل صيانة ال30000 وخلاص , ارجو الافادة وشكرا

المشكله دى حصلت عندى,هى هى نفس المشكله بالضبط,بص سيب الكاسيت متقلقش بس مفتكرش انك هتستلمه بعد يومين,افتكر الموضوع هيأخد اكتر من كدا شويه,هو الموضوع فعلا بسبب انواع الاسطوانات المختلفه من سميكه لرفيعه لناعمه لخشنه
انا كنت رحت صيانه ال20000 فى يوم خميس وقالولى لازم اسيبه يومين يتصلح ميكنش داخل فيهم جمعه وسبت ويم الصيانه انا كنت زهقت فمشيت ورحت تانى يوم الجمعه وفكوا الكاسيت(فك الكاسيت بسيط اوى مش بيأخد 5 دقايق بالضبط)السخيف انهم بيسيبوا مكان الكاسيت مكشوف ولما سألت مينفعش يتقفل بحاجه علشان التراب قالولى مفيش عندهم حاجه,المهم سيبته من يوم الجمعه على وعد انهم هيكلمونى يوم الثلاثاء(بما انى سبته الجمعه واول يوم عمل هيكون الاحد والموضوع هيأخد يومين عمل فيبقى احد واتنين والمفروض كانوا يكلمونى الثلاثاء)ولما جيه الثلاثاء محدش كلمنى وانا اتصلت بمهندس الاستقبال وقالى انه هيشوف ايه الاخبار ويرجع يكلمنى وطبعا مكلمنيش,الاربعاء كلمته تانى رد عليا نفس الرد ومكلمنيش,الخميس عملت شكوى على صفحتهم على الفيس بوك,واتصلت بالمهندس بعدها قالى انى اقدر اروح استلم الكاسيت,رحت الجمعه استلمته يعنى الموضوع اخد اسبوع مش يومين زى ماكانوا قالولى وقالولك برضو واتفاجئت ان الكاسيت وانا بستلمه كان مكسور فيه حته صغيره تحت زرار اخراج السى دى فنصيحه مهمه صور الكاسيت كويس قدامهم وهما بيفوكوه,ومفتكرش انك هتأخد حاجه تثبت ان الكاسيت عندهم متقلقش من الموضوع ده,هما محترمين,السخيف انك هتحس انك مشلول من غير الكاسيت فى العربيه,مش هتعرف تعمل اى حاجه ولا حتى تشغل ال aux انا كنت بشغل الراديو على الموبيل من كتر الزهق

تانى نقطه انا لسه عامل من اسبوع صيانه ال25000,هى ممكن متعملهاش عادى بس انا عملتها زياده حرص,هى بتتعمل مجانيه فى التوكيل بشرط تكون عملت صيانه ال20000 فى التوكيل,مش بيتعمل فيها حاجه مهمه مجرد كشف على العربيه وتربيط عفشه بس للامانه انا حسيت ان العربيه مسكت نفسها شويه بعد الصيانه دى خصوصا انى من الناس اللى بتتعامل مع المطبات على انها شئ بيعطلنى فنصيحه لو عندك يوم فاضى فيه وقد 5 ساعات فاضيه يبقى روح اعملها مش هتخسر حاجه

تحياتى