تشجيعاً للصناعه الوطنيه

[albasha]

قررت أجرب زيت مصر للبترول
عادةً بغير شل الأصفر نزلت بنزينة مصر للبترول سألت المكافئ شاورلي علي جركن أزرق مكتوب عليه sl
المهم اللي خالاني هجرب الموضوع ده شوفت صوره في مره عن توريد القمح مرسوم فيها الفلاح المصري ومرسوم الفلاح الأمريكي ( تبعأ لإستيراد القمح سابقاً من أمريكا ) وأسفل الصوره مكتوب تم صرف كام مليار للقمح بس المره ديه للفلاح المصري مش الأمريكي بعدها أخدت قراري إن كل حاجه بتتصنع في مصر هشتريها إن شاء الله وربنا يسهل ونلاقي بدايل لمنتجات كتير إتعودنا عليها

[elpasha1]

ربنا يوفقك
وياريت تنقل التجربة

[Ahmed.Fahmy]

فكرة رائعة بس معلش سؤال بس قبل ما تغير وتتدبس..
هو الزيت اللى قصدك عليه دا بكام وبيعد قد ايه؟
يا رب الحقك قبل ما تغير

[Amr_Moh]

أخدت قراري إن كل حاجه بتتصنع في مصر هشتريها إن شاء الله

شل و موبيل بيتصنعوا في مصر أيضاً

[albasha]

فكرة رائعة بس معلش سؤال بس قبل ما تغير وتتدبس..
هو الزيت اللى قصدك عليه دا بكام وبيعد قد ايه؟
يا رب الحقك قبل ما تغير

الحمد لله لسه مغيرتش لسه قدامي 1000 كيلو
بالنسبه للزيت قاللي الجركن 4 لتر لونه أزرق مكتوب عليه sl سعره 94 جنيه هو المكافئ لشل الأصفر وقاللي ده زيت 5000 كيلو
لو عندك معلومه تانيه ياريت تفيدنا بيها

[albasha]

شل و موبيل بيتصنعوا في مصر أيضاً

معاك لكن في النهايه الربح عائد لمين لشركه أمريكيه

[Ahmed.Fahmy]

الحمد لله لسه مغيرتش لسه قدامي 1000 كيلو
بالنسبه للزيت قاللي الجركن 4 لتر لونه أزرق مكتوب عليه sl سعره 94 جنيه هو المكافئ لشل الأصفر وقاللي ده زيت 5000 كيلو
لو عندك معلومه تانيه ياريت تفيدنا بيها

شوف يا باش، بحكم انى اشتغلت فى احد الايام فى شركة حكومية وهى التعاون احب اقوللك لو فعلا عاوز تحافظ على عربيتك وفى نفس الوقت تشجع منتج بلدك يا تحط زيت ال5000 او الاضمن بكتير ال10000 غير كدا بلاش، ويستحسن ال10000 عشان دا الوحيد اللى بيتم الاهتمام بيه وازالة كل الماء منه قبل التعبئة...

خد بالك اللى بيعبى عم شوقى وعم صلاح اللى عندهم 50 و55 سنه موظفين حكومة بمعنى الكلمة وعاوزين يخلصوا واللى بيعمللهم Quality control مدام سعاد ومداد ميرفت اللى بردو عندهم 40 و50 سنه ومش قادرين يقفوا على رجليهم وماشيين بمبدأ على قد فلوسهم ومشى حالك لكن ال10000 بييجى جاهز مش بيتخلط فى مصر وبيتعبأ فى مكان غير باقى الزيوت وبيتبعت منه عينات للهيئة وهو نفس تركيبة Mobil and ....l كله Synthetic...

[albasha]

شوف يا باش، بحكم انى اشتغلت فى احد الايام فى شركة حكومية وهى التعاون احب اقوللك لو فعلا عاوز تحافظ على عربيتك وفى نفس الوقت تشجع منتج بلدك يا تحط زيت ال5000 او الاضمن بكتير ال10000 غير كدا بلاش، ويستحسن ال10000 عشان دا الوحيد اللى بيتم الاهتمام بيه وازالة كل الماء منه قبل التعبئة...

خد بالك اللى بيعبى عم شوقى وعم صلاح اللى عندهم 50 و55 سنه موظفين حكومة بمعنى الكلمة وعاوزين يخلصوا واللى بيعمللهم quality control مدام سعاد ومداد ميرفت اللى بردو عندهم 40 و50 سنه ومش قادرين يقفوا على رجليهم وماشيين بمبدأ على قد فلوسهم ومشى حالك لكن ال10000 بييجى جاهز مش بيتخلط فى مصر وبيتعبأ فى مكان غير باقى الزيوت وبيتبعت منه عينات للهيئة وهو نفس تركيبة mobil and ....l كله synthetic...

بشكرك علي نصيحتك بس أنا مش عايز برضه أخاطر بال 10000 عايز أجرب الأول 5000 وبعدين أشوف خاصة إن أنا أصلاً بحب أغير كل 5000 نوع من أنواع النضافه ينزل الشوائب والكربون
لكن 10000 بعتبره كتير
طيب لو حضراتك تعرف فرق الانواع ياريت تقولنا عليه ولو في فرق بين التعاون ومصر للبترول مين الأفضل ياريت برضه توضحلنا

[El Prince]

خد بالك اللى بيعبى عم شوقى وعم صلاح اللى عندهم 50 و55 سنه موظفين حكومة بمعنى الكلمة وعاوزين يخلصوا واللى بيعمللهم Quality control مدام سعاد ومداد ميرفت اللى بردو عندهم 40 و50 سنه ومش قادرين يقفوا على رجليهم وماشيين بمبدأ على قد فلوسهم ومشى حالك

مش قادر هاموت من الضحك كل م أتصور كلامك

[Ahmed.Fahmy]

بشكرك علي نصيحتك بس أنا مش عايز برضه أخاطر بال 10000 عايز أجرب الأول 5000 وبعدين أشوف خاصة إن أنا أصلاً بحب أغير كل 5000 نوع من أنواع النضافه ينزل الشوائب والكربون
لكن 10000 بعتبره كتير
طيب لو حضراتك تعرف فرق الانواع ياريت تقولنا عليه ولو في فرق بين التعاون ومصر للبترول مين الأفضل ياريت برضه توضحلنا

هو ال10000 اساسا بيعد 50000 كم فى البلاد اللى مش حارة هو مصمم لكدا فمش هيضر العربية نوهائى وعن تجربة فى 5 عربيات..

عموما لو مصمم هات زيت التعاون اسمه SJ فى جركن ازرق كدا دا بيعد 5000 كم..

بالتوفيق

مش قادر هاموت من الضحك كل م أتصور كلامك

ههههههههههه، للاسف دى الحقيقة، شفت بعيتى محدش قاللى..

عموما عشان الصورة توصل الQuality control فى الحكومة مدير المعمل بعد 20-30 سنه خبره مرتبه لا يتعدى ال3000 جنيه وبيشتغل باجهزة موديل 1970 وبيترقى بالاقدمية اما فى الشركات الخاصة زى s h e l l مثلا بيبقى شاب فى التلاتينات ومرتبه حوالى 20000 جنيه وبيشتغل باجهزة موديل السنه او بالكتير 3 سنسن فاتت وبيترقى بالPerformance بتاعه وكمان بيراجع عليه Quality assurance...

مش هنسى لما كنت اسخن عينة زيت قبل التعبئة بدقائق والاقيها بتطرقع كانك بتحمر بطاطس واقوللهم لسه فى ميه يقولولى خلاص عم محسن طفا الخلاط وبدأ يعبى.... هههههههههههههههههههههههههههههههههههههههههههههههههه هههههههههه

مين بقى اللى هيطلع من تحت ايده اختبارات موثوقه؟؟

تحياتى