متخصص فتيس الميجان

[manooo80]

السلام عليكم

حد يا جماعه يعرف حد متخصص فى موضوع الفتيس للميجان بره التوكيل ويكون مجربه وحد ثقه لو حد يعرف حد كويس يقولى يا جماعه لو سمحتوا

[ahmedfouad]

متابع جداً
لانى عاوز بتاع فتيس كليو انا كمان
وخير ان شاء الله

[hilal]

نصيحة لله ، و من واقع تجارب مريرة
لا تحاول تصليح فتيس الميجان ، لا يوجد بجمهورية مصر العربية شخص واحد موثوق منه ، وكله بكش في بكش
أرخص لك ، وأحسن لك ، وأوفر في الوقت والمال والجهد ، هات واحد استيراد بضمان أحسن مليون مرة من البهدلة اللي ممكن تشوفها ، أوعى تصدق ان فيه واحد في مصر بيفهم في تصليح فتيس الميجان والكليو

[odod]

طيب ياباشا لو سمحت هوه سعره فى حدود كام ... لأنى حصل مشكلة فى الفتيس بتاع الميجان امبارح وشكلها كده عايزة فتيس ومنين فى الاسكندرية

[haythamkmal]

لازم تعرف الاول ايه مشكلة الفتيس وبعد كده قرر ، لانه ممكن سولونويد وده بره الفتيس وتغيره سهل

اما لو حاجة داخل الفتيس انصحك بالتغيير افضل ، سعر الفتيس من 3500 الى 5000 حسب الحالة وقدرتك على الفصال.

[odod]

شكرا لردك يا استاذ haythamkmal المشكلة بدأت لما الفتيس كان هايز طقم شنبر الميكانيكى عملة وطلعت بالعربية وفى السكة لقيت العربية بتنتش والفتيس بيفوت يعنى وانته دايس كأنها ممورة ال rpm يرفع بس العربية مبتتحركش رجعتله تانى قالى نشوف فتيس تانى لأنة صعب يتصلح