ظهور رسالة Steering Fault للميجان II

[ahmed elhddad]

سلام عليكم
ازيكم يا شباب
من شوية كنت ركنت العربية ومافيش اى مشاكل ولما جيت امشى بيها ظهرتلي فجأة رسالة خطأ
Steering Fault
والباور طبعا حجر وتقل جدا وحسيت ان العربية هاتبطل مني
المهم بطلت العربية وبعدين شغلتها تاني وفتحت الكبوت على اساس انى اشوف لو فى حاجة مش طبيعية مالقتش .. رجعت للعربية لاقيت كل حاجة اشتغلت تمام وكأن مافيش اى مشاكل !!

طبعا انا عارف ان الباور كهربا وموضوع نقص الزيت ديه مش موجود ، بس ياترى في حد يقدر يفهمنى ايه اللى حصل ده ؟
وياترى ديه مشكلة وهاتظهر تاني ولا ايه الموضوع

الميجان اللى معايا سيدان 2005

[أحمد كمال]

مفيش طريقة هتعرف بيها بشكل قطعي (مش تخمينات) غير انك تروح لحد يكشف لك بالسكانر

[hamaka]

مفيش طريقة هتعرف بيها بشكل قطعي (مش تخمينات) غير انك تروح لحد يكشف لك بالسكانر

+111111111111

[shawkylotfy]

سلام عليكم
ازيكم يا شباب
من شوية كنت ركنت العربية ومافيش اى مشاكل ولما جيت امشى بيها ظهرتلي فجأة رسالة خطأ
steering fault
والباور طبعا حجر وتقل جدا وحسيت ان العربية هاتبطل مني
المهم بطلت العربية وبعدين شغلتها تاني وفتحت الكبوت على اساس انى اشوف لو فى حاجة مش طبيعية مالقتش .. رجعت للعربية لاقيت كل حاجة اشتغلت تمام وكأن مافيش اى مشاكل !!

طبعا انا عارف ان الباور كهربا وموضوع نقص الزيت ديه مش موجود ، بس ياترى في حد يقدر يفهمنى ايه اللى حصل ده ؟
وياترى ديه مشكلة وهاتظهر تاني ولا ايه الموضوع

الميجان اللى معايا سيدان 2005

بص يابشا الموضوع لو اسكترا ولا عفشة الموضوع ان علبة الفيوزات الى فى الكبوت تحتها فيوزات كبيرة 40 امبير فية واحد فيهم بتاع الباور مكانة بقى سايح والعلبة عايزة تتفك وتتظبط ولما يعمل الموضوع دة معاك تانى خبط كدة على العلبة وهتلاقية اشتغل معاك والموضوع دة قاااااااااااااااااااااااارف كل الى معاهم ميجان

[ahmed elhddad]

مفيش طريقة هتعرف بيها بشكل قطعي (مش تخمينات) غير انك تروح لحد يكشف لك بالسكانر

وهو ده اللى هايحصل لأني مخدود من المواضيع الأجنبية اللى اتعملت على العيب ده

+111111111111

شكرا على اهتمامك

بص يابشا الموضوع لو اسكترا ولا عفشة الموضوع ان علبة الفيوزات الى فى الكبوت تحتها فيوزات كبيرة 40 امبير فية واحد فيهم بتاع الباور مكانة بقى سايح والعلبة عايزة تتفك وتتظبط ولما يعمل الموضوع دة معاك تانى خبط كدة على العلبة وهتلاقية اشتغل معاك والموضوع دة قاااااااااااااااااااااااارف كل الى معاهم ميجان

الفيوز 70 امبير وفعلا ده احد العيوب اللى قريتها على منتديات أجنبية .. تسلم على اهتمامك

[Ahmed Selim]

انا مشوفتش الموضوع ده مع حد قبل كده بس موضوع الفيوزات و الفيش اللي بتسيح ده سمعت عنه كتير.......بس بيتحل عند حد يكون فاهم.....و حط ١٠٠ خط تحت فاهم دي.

[ahmed elhddad]

العيب فعلا ظهر تاني وكان الفيوز الموعود وتم اصلاحة وكله تمام هو أخر فيوز 70 أمبير في صف الفيوزات الكبيرة اللى تحت العلبة

[semsem85]

العيب فعلا ظهر تاني وكان الفيوز الموعود وتم اصلاحة وكله تمام هو أخر فيوز 70 أمبير في صف الفيوزات الكبيرة اللى تحت العلبة

مبروك ياباشا علي الاصلاح بس ممكن تقولني عملته فين

[ahmed elhddad]

مبروك ياباشا علي الاصلاح بس ممكن تقولني عملته فين

تسلم يا ريس .. ده عند واحد كهربائي عندنا في الاسماعيلية