تجاربكم مع علبة دركسيون الميجان

[Ahmed Selim]

السلام عليكم

كنت بعمل صيانة ال 115 النهاردة و طلبت منهم يراجعو العفشة

قالولي علبة الدركسيون فيها بوش......مش محتاجة تغيير دلوقتي بس قدام هتحتاج تتغير.

أنا كنت حاسس أن فيها حاجة لأني بسمع صوت فى النقر و الحفر.

دلوقتي مين فيكم جرب يصلح البوش و التصليح عامل أيه معاه و أتكلف كام و بقالها شغالة أد أيه و عملها فين ؟

و مين جرب يغير علبة دركسيون برة التوكيل و جابها بكام و عاملة أيه و بقالها أد أيه شغالة ؟

و أخيراً فى التوكيل بكام ؟

[Gelgel2004]

سيبها لحد ما تخلص خالص
صديق ليا غيرها بالضمان فى التوكيل مرتين و النتيجه بعد 3 شهور هيا هيا
طرق مصر موش مخصصه للميجان
ممكن تستفسر منه على التفاصيل علشان غيرها اكثر من مره و فى التوكيل
م ايمن عبد الجواد - كوول اير - 26202455

[windofchange]

بمناسبة علبة الدركسيون والكلام عنها....سؤال بسيط نصيحة بتتقال والواحد ماشي بالعربية في حته منقرة ومليانة نقر وبروزات فالطريق وهي انك تمسك الدركسيون وانت بتعدي فوق الحاجات ديه ومتسبوش ؟ الكلام ده صح؟ اعتقد ان الافضل اسيب الدركسيون ياخد ويدي مع النقر مش اثبت ايدي عليه!؟

[shawkylotfy]

البارات بس الى هتتغير اتنين جوة واتنين برة والواحدة بتعمل فى حدود 100 جنية تركى وكويسة يعنى شغالة واى عربية يعنى بتحتاج كدة كل سنتين مثلا او حسب السواق بيهبد العربية فى المطبات ولا لا على العموم هو غالبا هتغير برات خارجية (بيض طرف) وخلاص

[hossam_elwani]

استاذ احمد هو انت جيت بالسلامه مصر ؟؟

[Amr_Moh]

احمد باشا
روح لعادل حيوصفلك عفشجي بير كب حشو لعلب الميجان و يكشف

اعتقد عندك طقم بارات والعلبة سليمه

[Ahmed Selim]

سيبها لحد ما تخلص خالص
صديق ليا غيرها بالضمان فى التوكيل مرتين و النتيجه بعد 3 شهور هيا هيا
طرق مصر موش مخصصه للميجان
ممكن تستفسر منه على التفاصيل علشان غيرها اكثر من مره و فى التوكيل
م ايمن عبد الجواد - كوول اير - 26202455

يا باشا العلبة اللي فيها موجودة من الزيرو.......ماشية ١١٥ الف كيلو و ابتدت تبوظ على حسب كلامهم

كان معايا قبل الميجان فيكترا العلبة بتاعتها باظت تماماً قبل ال ١٠٠ الف

طرق مصر عموما مش مخصصة للعربيات العادية :-)

الرك على السواقة......هتلاقي سواقة صاحبك عنيفة

بمناسبة علبة الدركسيون والكلام عنها....سؤال بسيط نصيحة بتتقال والواحد ماشي بالعربية في حته منقرة ومليانة نقر وبروزات فالطريق وهي انك تمسك الدركسيون وانت بتعدي فوق الحاجات ديه ومتسبوش ؟ الكلام ده صح؟ اعتقد ان الافضل اسيب الدركسيون ياخد ويدي مع النقر مش اثبت ايدي عليه!؟

معتقدش مسكة الدركسيون هتفرق

البارات بس الى هتتغير اتنين جوة واتنين برة والواحدة بتعمل فى حدود 100 جنية تركى وكويسة يعنى شغالة واى عربية يعنى بتحتاج كدة كل سنتين مثلا او حسب السواق بيهبد العربية فى المطبات ولا لا على العموم هو غالبا هتغير برات خارجية (بيض طرف) وخلاص

لا يا باشا هي العلبة مش البارات

فيه ميكانيكي رينو ثقة قالي نفس التشخيص من حوالي ٣ أسابيع

استاذ احمد هو انت جيت بالسلامه مصر ؟؟

ياااااه يا حاج حسام..........ده انا بقالي اكتر من ٣ شهور :-)

احمد باشا
روح لعادل حيوصفلك عفشجي بير كب حشو لعلب الميجان و يكشف

اعتقد عندك طقم بارات والعلبة سليمه

هروح لعادل و اشوف بس هي غالباً العلبة مبوشة مش بارات

[medori]

البارات بس الى هتتغير اتنين جوة واتنين برة والواحدة بتعمل فى حدود 100 جنية تركى وكويسة يعنى شغالة واى عربية يعنى بتحتاج كدة كل سنتين مثلا او حسب السواق بيهبد العربية فى المطبات ولا لا على العموم هو غالبا هتغير برات خارجية (بيض طرف) وخلاص

انا متفق مع شوقى الحقيقة يا احمد، انا كان عندى الدركسيون خفيف شوية و بقيت بحس انى محتاج اكسر اكتر من الاول روحت للعفشجى اللى فى صقر اسمة محمود ، كان بعتنى لية عادل قبل كدة و ظبتلى التزييقة الغريبة اللى كانت فى العربية، المهم غيرلى بارات داخلى و خارجى (300 جم) و العربية بقت تمام و الدركسيون تقل تانى

[yalahwy2010]

انا كنت جربت الحشو ده وكان كويس جدا.........وقعد معايا مدة كويسة....وكنت حشيتها عند احمد وهانى اللى فى صقر قريش....اللى جنب ناصر الكهربائى
كان عملهم الاتنين ب 250 جنيه على ما أتذكر
والكلام ده من حوالى سنتين

[Ahmed Selim]

شاكرين مهللين يا شباب...........إن شاء الله أروح الويك إند اللى جاي أشوف أيه الأخبار.

[yalahwy2010]

انا شكلي واقع في نفس المشكلة دي يابو حميد....عندي بوش خفيف ناحية الشمال....والطارة بحس انها بترمي ناحية الشمال لوحدها.....تفتكر تكون علبة دريكسيون ولا بارات.....علما اني بتكلم علي الفلوانس اللي معايا...