ارجو المساعة من اصحاب الخبرة عندي مشكلة في دورة البنزين

[mous_mak]

عندي ميجان 1.6 بنزين شاريها زيرو من الامارات موديل 2008 فل ابشن
لحد الان العربية تمام و الحمد لله الاختيار كان موفق جدا
لكن الان المشكلة بدأت من فترة و اصبحت تزداد بشكل مقلق و التوكيل هنا بطيخ في بطيخ
اول شئ العربية ما بتشتغل من اول مرة و بتغيب احيانا لحد ما تدور
تاني شئ وده من اول ما جبت العربية و رحت بيها التوكيل و قالولي انه طبيعي ... كنت لما احتاج السرعة و اضغط على بنزين العربية بسرعة توقف و تقطع بدل ما تسرع ؟؟؟
المشكلة الكبيرة الان هي ان العربية بتمشي ذي الفل طول ما تنك البنزين مليان لكن اول ما ينقص حتي و لو ربع بس تبدأ في التقطيع و تموت في السحب و احيانا تبطل و هي ماشية

ارجو منكم المساعدة لاني غلبت مع التوكيل اللي وضحلي انهم بيخبطو و مش عارفين اي حاجة
العربية عاملة لحد الان 50 الف فقط و مفيش مسمار اتفك منها خارج التوكيل

و كل الشكر لكم جميعا

اخوكم
مصطفى
مصري مقيم بالامارات

[FAR!D]

انا شايف انها طلمبه البنزين بس محتاج رأي حد تاني يأكد كلامي

[وائل شويخ2]

أنا بردوا شايف أنها طرمبه البنزين
ولما متدورش معاك من أول مره أبئى أسند ليها سنه بنزين

[exact]

طرمبة بنزين بتودع... وانت بتغيرها ياريت لو فيه امكانية تفك التانك تنضفه

ممكن سوائل تنضيف الانجيكشان تساعد

[shawkylotfy]

غير الموتور بتاع الطرمبة

[aymanshebl]

طرمبة البنزين

[mous_mak]

شكرا لكم جميعا انا شاء الله بغير الطرمبة بس هي بتيجي بالموتور و الا الموتور مختلف عنها و لو ممكن معليش اعرف مكانه بالضبط

[وائل شويخ2]

شكرا لكم جميعا انا شاء الله بغير الطرمبة بس هي بتيجي بالموتور و الا الموتور مختلف عنها و لو ممكن معليش اعرف مكانه بالضبط

طرمبه البنزين دايما تلائيها جوه التانك وبالمره وأنك فاكك التنك أغسله

أما فى السيارات القديمه بتلائى رداخ جوه حوض المتور وده بيشتغل نفس دور الطرمبه

أتمنى لك التوفيق

[Ahmed Selim]

غالباً مش هتلاقي الطرمبة برة التوكيل بسهولة......و بما أنك مش متأكد 100% من التشخيص أنه طرمبة بنزين يبقى أعمل الأتي :

الأول حل هيعتمد على العلاقات...........جايز ينفع و جايز لأ.

هتلكم الرقم ده

0508318961

أسمه الأستاذ فادي و ده مدير الصيانة فى فرع شارع الشيخ زايد...........و تقوله أنك أخدت رقمه مني ( هو عارفني شكلاً بس) و تقوله أنك كنت ناوي تعمل شكوى علشان المشكلة اللى عندك فى رينو ميدل أيست و بعدها رينو فرنسا بس أنا قولتلك لأ.....و أديتك رقمه و قولتلك أنه هيحل لك المشكلة أكيد ( شوية نفخ في الراجل )

و إحتمال كبير إن شاء الله يحلهالك.

برضه فيه أحتمال انا ميردش على التليفون.............ساعات بيكون مسافر أو فى إجتماعات.

ده أول حل...........التاتي بقى

هيعتمد أنت بتستقبل مكالمة قياس مدى رضاء العملاء عن العربية كل ما توديها صيانة ولا لأ.

لو بتجيلك المكالمة يبقى تروح التوكيل و تشتكى من العيب ده.......و لو متحلش هتجيلك المكالمة و تقول كل اللى نفسك فيه و برضه فى النص تقول أنك هتشتكي فى رينو فرنسا.

أخر حل و اللى هو المفروض الطريق الرسمي....هتحضر أوامر الأستلام اللى أنت دخلت بيها العربية و أنت بتشتكي من الموضوع ده
و بعد كده هتكلم الأرقام دي

Tel +971 4 8032600
Fax +971 4 8813252

دي أرقام رينو نفسها مش الرستماني.

و هتقولهم أنك عندك شكوى من الوكيل أن فيه مشكلة فى العربية و التوكيل رحتله أكتر من مرة و و المشكلة متحلتش.....و يا ريت تقول فى النص أنك فكرت تلجألهم قبل ما تشكتي فى لرينو فرنسا.

لو لقيت تجاوب فى خلال 48 ساعة يبقى خير و بركة.....ملقتش يبقى هتشتكي لرينو فرنسا.

حاول تكلم فادي بكره........هما شغالين السبت عادي.......لو معرفتش توصل له خلال يومين يبقى أمشي فى الخطوة التانية.

و أبقى طمنا عملت أيه.

[solly1979]

نفس الأعراض الى حضرتك بتقولها كانت عندى ورحت كشفت على طلمبه البنزين ولاقيتها تمام وبعد الصيانه وتغيير الفلاتر وبردة نفس المشكله والحمد لله واحد قالى نضف الحساسات وبالأخص حساس الكرنك
والحمد لله المشكله اتحلت تماماً

[mous_mak]

الاخ الفاضل Ahmed A.Maksoud
جزاكم الله كل الخير
لكن العربية خلصت الضمان من سنتين و المشاكل ماظهرتش الا بعد نهاية الضمان
و ردهم كع اول عطل من زمان وكان ماكينةزجاج الباب الامامي ان السيارة خارج الضمان و علي ان اتحمل التكاليف كاملة
سبب لجوئي للمنتدى انهم دخلوني في مشاكل كهرباء في الاول
و بعدين كويلات الاجنشن و خفت منهم بصراحة لما قالولي طرمبة البنزين لاني حسيت انهم بيجربو و مش عارفين العطل فين
بس للاسف طبعا التجريب كان كلهعلى حسابي انا
مرة ثانية انا شاكر جدا لكم من كل قلبي و ارجو من الله ان يجزيكم كل الخير

[mous_mak]

الاخ الفاضلsolly1979
الله يجزيك كل الخير
بس هنا كل المصطلحات الي بنتعامل بيها انجليزي ياريت معليش تشرحلي فين حساس الكرنك ده ؟؟؟

[Ahmed Selim]

يا سيدي الفاضل أنا مجبتش سيرة ضمان خالص....

أنت كمالك عربية رينو هما مش عارفين يصلحوا عيب فيها على حسابك دي فى حد ذاتها مشكلة ليهم.

أنا المشكلة اللى كانت عندي كانت العربية طلعت برة الضمان من زمان...........رحت مرة و أتنين و فى الأخر طلبوا أنها تبات........قولتلهم يدوني عربية بديلة و ياخدوها.........الأول قالو مفيش و بعد الشكوى ما أتعملت أخدت عربية و أخدوا عربيتي صلحوها براحتهم.

أنت معاك حق........متسيبهوش.........أنت رحت أكتر من مرة لتصليح نفس العيب.........و مش بعيد كنت بتدفع فلوس كل مرة و العيب مش بيتصلح.......يبقى كده الغلط راكبهم.....و لو بعت لرينو سواء ميدل أيست أو فرنسا هيبهدلوهم.

[Amr_Moh]

طرمبه البنزين محتاجه متور غالبا
و ده ليه بديل بوش ألماني أصلي سعره ٢٥٠-٣٠٠ ج

[taipo]

بص يا باشا اعمل تجربه يمكن تفيدك
لا تحط الكارت وتدوس على الدواسه وانتا بتدوس ستارت شيل رجلك بسرعه من على الدواسه قبل ما المارش يشتغل كرر العمليه دى اكتر من مره ورا بعض وبعد كده دور عادى لو العربيه دارت طبيعى يبقى احتمال كبييييييير تكون اللمبه ضغفت