عايز أشترى الداستر و محتاج مساعدتكم

[محمد مطاوع]

سلام عليكم
أنا عايز أشترى عربية هتكون أول عربية ليا إن شاء الله، أنا عندى 25 سنة و هحتاج عربية للمرواح للشغل مع العلم إن مكان الشغل زحمة و الركنة فيه صعبة، و كمان عايزها للسفر للعين السخنة، و فى نفس الوقت تبقى عربية عائلية، و ثابتة و فيها إمكانيات و قطع غيارها متوفرة و اقتصادية، هل فى رأيكم الداستر تناسبنى و فيها المواصفات دى، مع العلم إنى لو هجيبها هجيب ال 2x4 إن شاء الله.
أرجو الإفادة ..

[haythamkmal]

عربية وحشة ، يعيبها موضوع الفتيس المانيوال ، لان الاوتوماتيك مهم جدا فى البلد دى خصوصا ان طريقك زحمه

انا رأى هات سيفيك / فلوانس ..... او ما شابه من هذه الفئه هيكون افضل

[محمد مطاوع]

عربية وحشة ، يعيبها موضوع الفتيس المانيوال ، لان الاوتوماتيك مهم جدا فى البلد دى خصوصا ان طريقك زحمه

انا رأى هات سيفيك / فلوانس ..... او ما شابه من هذه الفئه هيكون افضل

هو حضرتك عندك الداستر ??

[adelghanem]

ياريت حد من ملاك الداستر يرد عليه .

[rzk]

عربيه ممتازه للطرق المصريه ربنا يبارك لك فيها

ان شاء الله

[stonecoldmido5]

انا في رأيي يا فندم ان حضرتك لو فكرت في الداستر تفكر في الدفع الرباعي لان ده الميزة الاساسية فيها و خصوصا ان حضرتك تقدر تفصل الدفع الرباعي في اي وقت حضرتك عايزة , انا معايا العربية بقالها 30 الف كيلو و الحمد لله تحفة و مندمتيش ابدا اني اشتريتها و مفيش اي مقارنة بنها و بين اي عربية في فئتها في المتانة و القوة و الثبات و العفشة, بالاضافة لميزة التصفيح من اسفل السيارة ( في الدفع الرباعي بس) , بس للاسف العربية دي ينقصها كماليات كتير من جوة و تخسر لو حضرتك نافستها مع اي عربية كوري او ياباني او حتي صيني , فعلشان كده ممكن متناسبش حضرتك لو بتفكر في الكماليات و في انها مانيوال , و لكن لو حضرتك بتفكر في السفر و الارتفاع عن الارض و القوة و عفشة فوق الخيال يبقي اكيد الداستر بدون منافس في نفس السعر و اي سؤال انا في انتظار حضرتك.

[shawkylotfy]

انا في رأيي يا فندم ان حضرتك لو فكرت في الداستر تفكر في الدفع الرباعي لان ده الميزة الاساسية فيها و خصوصا ان حضرتك تقدر تفصل الدفع الرباعي في اي وقت حضرتك عايزة , انا معايا العربية بقالها 30 الف كيلو و الحمد لله تحفة و مندمتيش ابدا اني اشتريتها و مفيش اي مقارنة بنها و بين اي عربية في فئتها في المتانة و القوة و الثبات و العفشة, بالاضافة لميزة التصفيح من اسفل السيارة ( في الدفع الرباعي بس) , بس للاسف العربية دي ينقصها كماليات كتير من جوة و تخسر لو حضرتك نافستها مع اي عربية كوري او ياباني او حتي صيني , فعلشان كده ممكن متناسبش حضرتك لو بتفكر في الكماليات و في انها مانيوال , و لكن لو حضرتك بتفكر في السفر و الارتفاع عن الارض و القوة و عفشة فوق الخيال يبقي اكيد الداستر بدون منافس في نفس السعر و اي سؤال انا في انتظار حضرتك.

اية اخبار تكيفها معاك فى الحر والزحمة ؟

[stonecoldmido5]

اية اخبار تكيفها معاك فى الحر والزحمة ؟

التكييف زي الفل بس هو طبعا اقل شوية من السيدان , بس هو عموما كويس و مبيأثرش نهائي علي سحب العربية

[محمد مطاوع]

انا في رأيي يا فندم ان حضرتك لو فكرت في الداستر تفكر في الدفع الرباعي لان ده الميزة الاساسية فيها و خصوصا ان حضرتك تقدر تفصل الدفع الرباعي في اي وقت حضرتك عايزة , انا معايا العربية بقالها 30 الف كيلو و الحمد لله تحفة و مندمتيش ابدا اني اشتريتها و مفيش اي مقارنة بنها و بين اي عربية في فئتها في المتانة و القوة و الثبات و العفشة, بالاضافة لميزة التصفيح من اسفل السيارة ( في الدفع الرباعي بس) , بس للاسف العربية دي ينقصها كماليات كتير من جوة و تخسر لو حضرتك نافستها مع اي عربية كوري او ياباني او حتي صيني , فعلشان كده ممكن متناسبش حضرتك لو بتفكر في الكماليات و في انها مانيوال , و لكن لو حضرتك بتفكر في السفر و الارتفاع عن الارض و القوة و عفشة فوق الخيال يبقي اكيد الداستر بدون منافس في نفس السعر و اي سؤال انا في انتظار حضرتك.

الله يكرمك و يبارك فيك ..
حضرتك ليه بتقول متتقارنش بالعربيات التانية من حيث الكماليات، حضرتك شايف ايه اللى ينقصها ؟؟ و كمان عندى سؤال تانى بعد إذنك، هل ارتفاع الداستر الكبير عن الأرض لا يؤثر على ثباتها فى السرعات العالية، لحد 150 مثلا ؟؟ يعنى ايه أخبار ثبات العربية فى رأيك ؟؟

[محمد مطاوع]

معلش و نسيت أسأل حضرتك، ايه أخبار أسعار قطع الغيار و توافرها ؟؟

[stonecoldmido5]

- ناقصها مثلا وحدة التحكم في الزجاج جنب السواق,
- بالاضافة الي ان مكان زرارير الزجاج الخلفي في النص تحت رجل الركاب ورا يعني لازم الركاب اللي ورا يوطوا علشان يفتحوا او يقفلوا الازاز يعني مفيش زراير للازاز في الابواب,
- ناقصها وحدة رفع,
- و شكل التابلوه مش قيم اوي او مبهر ,
- و الكاسيت شكله تعبان شوية (حتي الجديد)
- ناقصها اماكن زيادة للتخزين - ناقصها طبعا المخدع اللي في النص ,
دي كل عيوبها من وجهة نظري في الكماليات , و لعلم حضرتك انا شاريها و عارف ان الحاجات دي مش مؤثرة اوي بالنسبة لي لان كان يهمني العفشة لاني بسافر كتير و باخد نقر و مطبات اكتر .
الثبات ما شاء اللة تحفة لغاية 160 بالنسبة للفئة , بس للامانة اي عربية في فئة Suv او كروس اوفر مهما كان سعرها بيبقي ثباتها اقل شوية من العربيات السيدان .
بالنسبة لقطع الغيار منتشرتش بصورة كبيرة في السوق و مش حامل هم الحكاية دي اوي لان قطع الغيار موجودة في التوكيل و اسعارها مناسبة جدا لان العربية روماني مش فرنساوي .

[محمد مطاوع]

- ناقصها مثلا وحدة التحكم في الزجاج جنب السواق,
- بالاضافة الي ان مكان زرارير الزجاج الخلفي في النص تحت رجل الركاب ورا يعني لازم الركاب اللي ورا يوطوا علشان يفتحوا او يقفلوا الازاز يعني مفيش زراير للازاز في الابواب,
- ناقصها وحدة رفع,
- و شكل التابلوه مش قيم اوي او مبهر ,
- و الكاسيت شكله تعبان شوية (حتي الجديد)
- ناقصها اماكن زيادة للتخزين - ناقصها طبعا المخدع اللي في النص ,
دي كل عيوبها من وجهة نظري في الكماليات , و لعلم حضرتك انا شاريها و عارف ان الحاجات دي مش مؤثرة اوي بالنسبة لي لان كان يهمني العفشة لاني بسافر كتير و باخد نقر و مطبات اكتر .
الثبات ما شاء اللة تحفة لغاية 160 بالنسبة للفئة , بس للامانة اي عربية في فئة suv او كروس اوفر مهما كان سعرها بيبقي ثباتها اقل شوية من العربيات السيدان .
بالنسبة لقطع الغيار منتشرتش بصورة كبيرة في السوق و مش حامل هم الحكاية دي اوي لان قطع الغيار موجودة في التوكيل و اسعارها مناسبة جدا لان العربية روماني مش فرنساوي .

طيب حضرتك الكماليات دى مش موجودة حتى فى الموديل الجديد 2013 ??

[stonecoldmido5]

طيب حضرتك الكماليات دى مش موجودة حتى فى الموديل الجديد 2013 ??

للاسف مفيش اي تعديل في 2013 الا في شكل الكاسيت

[محمد مطاوع]

طيب أنا عندى سؤال لحضرتك، هى مقارنة غريبة شوية بس يمكن حضرتك اللى تقدر تفيدنى فيها ..
انهى عربية تبقى أفضل بالنسبالى، الداستر ولا البيجو 301 الجديدة مثلا ?!
طبعا دى فئة و دى فئة تانية خالص، بس حضرتك شايف السيدان عموما أفضل ولا الدفع الرباعى ?! لأن الحقيقة أنا محتار جدا بينهم و مش عارف أشترى الداستر المتجربة و اللى الناس بتشكر فيها بس اللى ناقصها كماليات كتير و هتبقى ضخمة قوى عليا، ولا السيدان الجديدة اللى مش متجربة بس فيها كماليات و ليها اسم البيجو و على قدى ?!

[stonecoldmido5]

بالنسبة لي انا بعشق حاجة اسمها دفع رباعي, فانا طبيعي هختار الداستر حتي لو مفيهاش كماليات خالص و حتي لو حضرتك قارنتها بالاسبورتاج الهاي لاين او القاشقاي لان احساس الدفع الرباعي بالنسبة لي احسن كتيرو خصوصا في الايام اللي احنا فيها دي العربيات العالية احسن كتير من السيدان لان الداستر و الله انقذتني من كذا موقف قطع طريق و كنت هتثبت بيها لولا ان العربية عالية مكنتش عديت لاني خرجت بيها برة الطريق , و لو العائلة عند حضرتك كبيرة يبقي لازم عربية عالية علشان حضرتك عارف المطبات عندنا شكلها ايه , و بصراحة احساس العربية العالية نسبيا احسن كتير من السيدان , و غير كده حتي لو حضرتك اخدت مطب او نقرة لا قدر الله يبقي مع حضرتك عربية محترمة تقدر تستحمل , اما بالنسبة للبيجو فهي طبعا محترمة و جميلة بس انا في مصر بفضل فئة الكروس اوفر او suv حتي لوقلت الكماليات فيها شوية.
وطبعا الموضوع متوقف علي طبيعة شغل حضرتك يعني لو جوه البلد يبقي البيجو احسن كتير خصوصا لو فئة الاوتوماتيك اما لو حضرتك بتحب تسافر كتير و العائلة ماشاء الله كبيرة يبقي حضرتك تضحي بالكمالية و الاوتوماتيك في مقابل العفشة القوية و علي فكرة الداستر مش كبيرة اوي من جوة يعني عندي الاسبيرانزا 516 اكبر منها , و اسف لحضرتك علي الاطالة