الى مالكى اللوجان

[mohamedesmail81]

يا جماعة ارجوكم تفيدونى انا بفكر اشترى اللوجان الهاف أوبشن بس حطيتها فى مقارنة مع الأفيو لقيت إن اللوجان تكسب ولكن فى نقطة واحدة عايز استفسر عنها
هو فعلا الفرامل بتاعتها ليست Abs زى ما سمعت ولكنها فرامل عادية
انا عايز اعرف الموضوع بالتفصيل الدقيق لأن لو هيأثر على التحكم فى العربية اثناء السرعة العالية يبئا انا ممكن أصرف نظر عنها عشان النقطة دى

[Adham]

اللي أعرفة أن ال Abs مايأثرش عالتحكم في العربية في السرعات العالية لا بالسلب و لا بالإيجاب

فايدة ال Abs هي فقط في علاج مشكلة انزلاق السيارة مع الفرامل و زيادة كفائتها, يعني يخللي العربية ما تزحفش و ماتحدفش لو كبست فرامل مفاجأة و يقصر من مسافة الفرملة

اللي بيتحكم في ثبات السيارة او بالاصح يمنع عومانها او انزلاقها هو ال Ebd

والله أعلم

[mohamedesmail81]

متشكر يا أدهم على ردك بس حابب تقولى لو عندك معلومات عن Ebd اول مرة اعرفها من ردك

[عمرو عمارة]

متشكر يا أدهم على ردك بس حابب تقولى لو عندك معلومات عن Ebd اول مرة اعرفها من ردك

الـEBD دة سيدي بيوزع قوة الفرامل على كل عجلة بإختلاف ظروف التشغيل لمنع إنزلاق أو تعويم السيارة خاصة في المنحنيات وهو مرتبط بنظام الـABS ...يعني مش هاتلاقيه في عربية مافيهاش ABS ولكن العكس صحيح

اللوجان فعلاً مافيهاش ABS وأيضاً الأفيو مافيهاش ABS

مافيش يا باشا عربية أقل من 80-85 ألف فيها ABS غير الصيني طبعاً

[mohamedesmail81]

بس يا أستاذ عمرو فى التوكيل قالو ان اللوجان قراملها فيها Ebd مش بقا كلامهم مظبوط ولا بيع وخلاص ؟؟؟

[amr123]

انا الي اعرفه يا جماعة و انا من مالكي السيارة ان فرامل اللوجان عااااااااااادية

[hesham_tawfiq]

فرامل اللوجان سيرفو مش ايه بى اس
وبالتبعيه مفهاش ايه بى دى
اعتقد ان البياع اللى حضرتك كللمته مش فاهم كويس