مشكله فى دوارة الفليونس

[hic]

اخوانى الاعزاء
عندى مشكله فى الدواره مش بتظهر على طول يعنى لما بتكون العربيه بارده او سخنه بعد مشوار و اجى ادور بتدور عادى بس لما اسيب العربيه تهدى شويه بعد مشوار كبير لمدة نص ساعه و اجى ادو ر بحس ان المارش معلق و بتدور بعد حوالى 5 ثوانى مش زى المعتاد من اول ضغطه عالى start ياريت الافاده عن ايه السبب و الف شكر

[eleanor]

ترس البندكس بتاع المارش بيعلق من السخونه وعندك حل من التنين لو العربيه فى الضمان خليهم يغيرو المارش ده
ولو الضمان خلص شوف لو المارش باين قدامك اخبطه خبطه خفيفه باى حاجه هتلاقيه اتظبط

[hic]

ترس البندكس بتاع المارش بيعلق من السخونه وعندك حل من التنين لو العربيه فى الضمان خليهم يغيرو المارش ده
ولو الضمان خلص شوف لو المارش باين قدامك اخبطه خبطه خفيفه باى حاجه هتلاقيه اتظبط

و العربيه سخنه بتدور عادى خالص لو بطلت و دورت تانى المشكله بتحصل لما اسيب العربيه تبرد شويه يعنى حوالى نص ساعه بعد مشوار كبير

[Amr_Moh]

أخبار البطارية اههههه ؟؟

[hic]

البطاريه اكيد كويسه علشان العربيه بتدور و هى بارده طبيعى جدا

[MARTINDALE]

اعتقد انها مشكله بسيطه ومش هتخرج عن مارش او بطاريه .
مش شرط ان البطاريه بتدور العربيه انها تكون كويسه , واعتقد انك لما بتكون لسه مبطل البطاريه بتكون لسه شاحنه فالعربيه بتدور بسرعه اما لما تسيبها فالبطاريه بتفقد شحنتها علشان كده بتتاخر.
لكن السؤال , هل انت بتدوس كذا مره علشان تدور ولا هي دوسه واحده والعربيه بتفضل تنازع علشان تدور ؟؟

[hic]

لا حضرتك بتدور من اول دوسه بس العربيه فعلا بتنازع لغاية ما تدور يعنى حوالى 5 ثوانى

[shawkylotfy]

الاتوماتيك بتاع المارش بيعلق
كان عندى نفس المشكلة فى الميجان وغيرت المارش
لو العربية ضمان الحق غير المارش

[eleanor]

كده يبقى ترس المارش زى ماقولت لحضرتك
لو مشيت مشوار طويل ودخلت تفول مثلا وبطلت العربيه وجيت تدور تانى بتعمل كده

[hic]

الف شكر على الاهتمام
ان شاء الله ح اروح التوكيل و اقولكم على النتيجه

[hic]

النهارده رحت التوكيل و بعد الكشف على العربيه كان السبب هو ان كابل المارش كان مفكوك و الحمد لله تم رباطه و المشكله اتحلت بفضل الله
الف شكر لكل اللى حاول يساعدنى

[eleanor]

العفو والحمد لله جت بسيطه

[ahmedbnm]

ممكن اعرف حضرتك عملتها فى انى فرع علشان انا عندى نفس المشكلة تأخير فى دوارة العربية و تم تغير ترومبة البنزين و العيب مستمر للأسف

[hic]

ممكن اعرف حضرتك عملتها فى انى فرع علشان انا عندى نفس المشكلة تأخير فى دوارة العربية و تم تغير ترومبة البنزين و العيب مستمر للأسف

فرع سموحه اسأل على المهندس شريف علشان هو شاف المشكله بنفسه و حصلت معاه لما دور العربيه انا كنت هناك يوم الاثنين الماضى و ابقى طمنى و ان شاء الله خير

[ahmedbnm]

تسلم ايدك انا رحت هناك و سألت على المهندس شريف و حكيت عن المشكلة و الحمد الله اتحلت طلع المارش كان مهوى شكرا اوى على الرد و على الأ فادة , طمنى عاملة اية معاك دلوقتى المشكلة دية و العربية انت رأيك فيها اية عموما"