تسارع(سحب) العربية وحش جداااااا

[tefa_adf]

يا جماعة، مساعدة ضروري
العربية مبرجلة مني جامد جدا، النقلات بتنتش، و العربية سحبها ضعيف جدا، لما أدوس بنزين بحس ان في مقاومة ( البدال تقيل) والعربية مش يتجمع ألا بعد ثلاث اربع ثولني من الدوسة، ولما اشيل رجلي بحس ان العربية فرملت، بتخنق
والأهم من كل دا كله لو ماشي بسرعة عالية،لما اشيل رجلي من البنزين و السرعة تنزل بين 50و40 عدادا rbm بيعلى ويوطى لوحدة بين 2 و 3 من غير ما ادوس اي حاجة، والعربية تمشي وتخنق لوحدها مع العداد
في ايه بقى !!!!!!!!!!!!!!!!!؟
الميكانيكية هنا في اسكندرية في الرينو مش مضمونين ، ممكن يخلوني اغير نص العربية علشان يطلعوا العيب، فياريت لو حد عنده حاجة معينة اعملها او حصلت معاه قبل كدة او اي نصيحة يا ريت المساعدة ضروري
وشكراااااااااااااااااااااااااااا للجميع

[aldesha989]

حطها على كمبيوتر هتلاقى عندك حساس معين فيه مشكله وعايز يتغير

[a_samir2011]

بص يا سيدي اولا متقلقش ان شاء الله سليمه وتاني حاجه انا مش معايا ميجان وبفكر اشتريها وقريت كتير هنا عن مشاكل الفتيس فهنقلك اللى اتقال من كذا موضوع على اد مقدر وانت عليك انك تتأكد وتدور تاني بنفسك:
.... لو استبعدنا ان العربيه زي متكون متلته اللى هيا هيكون سببها فى البوجيهات او الكويلات يبقي احنا بنلف وندور حوالين الفتيس الاتوماتيك.

بعض الحلول بقي من المنتدي هنا:
1-راجع على الحساسات بتاعه الفتيس واكشف عليها على الاسكانر وشوف الرسايل اللى هتطلع ايه.


2- غير زيت الفتيس ونضف الفلتر علشان ممكن يكون الفلتر مكتوم او تغير الفلتر (سعره من 120 الى 250 جنيه) وممكن يكون مع الفلتر حزام عايز يتغير وده بتكلفه 200 جنيه تقريبا.

3- فى ناس بتقول انه مشكله سولونيد وتمنه حوالى 350 جنيه استيراد لو مشكله الفتيس عندك انك بتمشي فتره قليله والعربيه تطلع check gearbox وتفصل منك.

4- فى حساس اسمه ديل الشمبر تقريبا او حاجه زي كده ده بيتغير فى الفتيس.

5- اكشف على سوتش النقلات (ممكن يكون عايز يتنضف بس) وعلبه الفيوزات اللى فى الكبوت وكنترول الفتيس.

فى حل تاني بس متهيألى مش مشكلتك دي: بس من باب العلم بالشئ ان لو طلعتلك ماسج check gearbox ولمبه ال abs منوره روح اكشف على بليه العجل علشان ممكن اللى تكون راكبه عندك مفيهاش abs .

وفى الاخر خالص ربنا يستر وميكونش مشكله فتيس لان لو الفتيس اتحرق والعربيه مبتتحركش ممكن تجيب فتيس تاني استيراد من 4000 جنيه ل 6500 جنيه على حسب ما الناس بتتكلم هنا وده على حسب شطارتك وفصالك (متقلقش ان شاء الله متغيروش ولو غيرته احمد ربنا فتيس المرحومه عربيتي كان ب 70 الف جنيه D: )

والمهم ياباشا انك متشلش هم كده وتفرفش محصلش حاجه وبص بقي فى واحد اسمه عادل فى صقر قريش المعادي طبعا ده فى القاهره مش فى اسكندريه معرفش تعرف تخطف نفسك يوم كده هنا ولا لاء وهتلاقي رقم تليفونه موجود فى الارقام اللي جايه دي:

شركة المهندس : 01001010267
محمد اسماعيل : 0166757130
دول قطع غيار بس
عادل : 01001718256
طارق : 01006241474
معتز : 01283333848
ودول ميكانيكية وبيبيعوا قطع غيار عادى

[monamize4]

تابع ردود الاعضاء و استنى استاذ MohammedAladel يرد عليك او ابعتله رساله
الراجل دا ماشاء الله عليه بيفهم ف الميجان كويس

[tefa_adf]

شكرا لجميع الردود، وبإنتظار المزيد

[shawkylotfy]

ممكن حساس اكسجين او طرمبة ينزين ضعيفة او بوابة من الاخر لازم تتحط على الجهاز

[tefa_adf]

ممكن حساس اكسجين او طرمبة ينزين ضعيفة او بوابة من الاخر لازم تتحط على الجهاز

ايوة ، انا شاكك في البوابة، بس ايه اللي يبوظها وتتصلح إزاي دي؟ وايه حساس الاكسجين دا؟ وفين مكانة
شكرا للرد

[shawkylotfy]

ايوة ، انا شاكك في البوابة، بس ايه اللي يبوظها وتتصلح إزاي دي؟ وايه حساس الاكسجين دا؟ وفين مكانة
شكرا للرد

البوابة احتمال ضعيف بس برضو وارد
حساس الاكسجين الى هو يعنى حساس الشكمان عندك اتنين واحد قبل علبة البيئة وواحد بعد علبة البيئة ومستحيل تحدد المشكلة من غير الجهاز هتلف حوالين نفسك وتعد تغير حجات على الفاضى

[medori]

اعتقد طرمبة بنزين او الthrotlle بتاع دواسة البنزين، الموضوع فى رايى ملوش علاقة بالفتيس خالص، هو بيدور حوالين البنزين، احتمال كبير تكون كويلات برضة بتهرب، فى رجرجة معاك مع البرجلة دية ولا لأ؟ و الrpm بيعلى معاك طبيعى ولا اخرة 2000 او 3000؟

[tefa_adf]

اعتقد طرمبة بنزين او الthrotlle بتاع دواسة البنزين، الموضوع فى رايى ملوش علاقة بالفتيس خالص، هو بيدور حوالين البنزين، احتمال كبير تكون كويلات برضة بتهرب، فى رجرجة معاك مع البرجلة دية ولا لأ؟ و الrpm بيعلى معاك طبيعى ولا اخرة 2000 او 3000؟

لأ مافيش رجرجة وال rbm بيعلى طبيعي

[tefa_adf]

طيب نسأل سؤال تاني، هو في طريقة نعمل ريسيت للبوابة بعد تنظيفها ؟
اصل انا قبل ما يحصل الحاجات دي كنت فكيت فلتر الهواء خرطوم الهواء ونظفت البوابة والفلتر، هل من المفروض عمل حاجة معينة لعمل ريسيت للبوابة مع الكمبيوتر بعد التنظيف ؟؟؟؟؟

[shawkylotfy]

طيب نسأل سؤال تاني، هو في طريقة نعمل ريسيت للبوابة بعد تنظيفها ؟
اصل انا قبل ما يحصل الحاجات دي كنت فكيت فلتر الهواء خرطوم الهواء ونظفت البوابة والفلتر، هل من المفروض عمل حاجة معينة لعمل ريسيت للبوابة مع الكمبيوتر بعد التنظيف ؟؟؟؟؟

هتلاقيك نظفت البوابة غلطت وهى طبعا السبب فى الى بيحصل دة

[tefa_adf]

هتلاقيك نظفت البوابة غلطت وهى طبعا السبب فى الى بيحصل دة

طيب اعمل ايه؟:):) ابيع العربية يعني،
وحوش الميجان عايز حل

[shawkylotfy]

طيب اعمل ايه؟:):) ابيع العربية يعني،
وحوش الميجان عايز حل

جرب نظفها بكرابرتير كلينر وابقى سيبها لما تنشف خالص وبعدين وانت بتنضفها ابقى شيل طرف البطارية السالب

[ALshahba]

ياريت تسارع وتحطها علي الكومبيوتر الاول قبل ماتفكر فى اي مشكله
وبعدين شوف حلول الاخوه اللي قالوها واحد ورا التاني
يعني رتب افكارك الاول وان شاء الله ربنا حيحلهالك