أفيدونى لو سمحتوا أسترا 2000 ولا كليو 2003

[wolverine_egy]

يا ريت يا رجالة حد يفيدنى فى الموضوع ده أنا محتار بين الأسترا موديل 2000 أو2001 و بين الرينو كليو 2002 أو 2003 و تقريبا الأتنين فى نفس السعر حوالى 40000 بس مش عارف أننهو الأحسن
فى ناس تقول اللأوبل ألمانى و عربية محترمة بس عيبها الماتور الضعيف بالذات لما يكون التكييف شغال بتبقى بطة و فيها سينسورات كتيرة بتبوظ
و على الكليو يقولو برضو عربية فرنساوى و محترمة بس ضيقة جدا من الكنبة اللى ورا و تكييفها أى كلام فى الحر وطرمبة البنزين بتبوظ كتير
فأنا خلاص مش عارف أعمل أيه و بصراحة شايف أن دول أحسن عربيتين فى حدود الفلوس اللى معايا
ياريت حد يريحنى و يقولى بس ميبقاش بيفتى و خلاص
أسف على الإطالة

[wolverine_egy]

فى ايه يا جماعة الناس منفضالى لية :)

[dedo_ryo]

دور علي 405 بيجو بحاله حلوه موديل 2000-2004 و 1600 و قطع غيار بملاليم بمعني الكلمه و تكييييييييف تلاجه .. انا كنت بطفيه لانه بيتعبني من كتر السقوعه و اي حد بيشتغل فيها و ربنا يوفقك

[flyway3110]

قطع غيار السترا غاليه جدا و فى حجات مش موجوده انا كنت فى نفس الحيره من اسبوع ولسه جايب كليو 2004

[Mostafa.Mahran]

الاسترا عربية محترمة جدا و قوية و ثابته و حمالة اسية لاقصى درجة و حاجتها موجودة جديدة و استعمال و فيها ايرباج و abs فى مويلات 2001 و 2002 و الموتور مش بيستهلك بنزين و سحبه كويس و التكييف بيكتفه فى الطلعة من الثبات انما لو ماشى و واخد سرعة مش هيأثر جامد

[wolverine_egy]

قطع غيار السترا غاليه جدا و فى حجات مش موجوده انا كنت فى نفس الحيره من اسبوع ولسه جايب كليو 2004

طيب الكليو عاملة معاك اية دلوقتى ؟ يعنى فرحان بيها ولا ندمان و اية اخبار وس الكنبة اللى ورا ؟

[Amr_Moh]

قطع غيار الكليو متوفرة بشكل افضل من الاسترا ١٢٠٠

[ramy_gamal]

الكنبه ضيقه شويه يعنى لو اللى هيركبو ورا اطوالهم عاديه مش هيحسو بمشكله بس الشنطه ايه بحر وبالنسبه ل الطلمبه اهم حاجه متسبش البنزين للاخر والكلام دة مش على الكليو بس لا على كل الطلمبات الكهربا

[haisam ali]

بص يابرنس بالنسبه للعربيه الوبل من وجهه نظرى محترمه اوى بس خالى بالك انا كان معايا اختها زمان العربيه دى مليانه حساسات ومن الاخر ياتجيبها سليمه اوى اوى يامتجيبهاش تمام اما بالنسبه للكليو فهيا قطع غيارها واعطالها اقل ياما وهتلاقى قطع غيارها فى كل حته ورخيصه اما بقى لو بتسألنى هتشترى اى واحده فيهم هقولك الاوبل بدوووووووووووووووووون تفكير بس لازم تكون سليمه اوى وباكد عليك بكلمه سليمه