شويه مشاكل ميجان 2006

[h_e_e]

عندي كام مشكله ف ميجان 2006
1- ترس الديفيزر - العربية لو ركنتها اربع 5 ايام لما اجي ادورها بتعمل سوت كدة لسنيتين و المكانيكي بتاعي قالي دة الترس عايز يتصلح و هيكلف 300 جنية السؤال هنا ممكن اصبر عليه شهر كده و اعملو؟
2- استهلاك البنزين عالي جدا جدا لما روحت للكهرائي لقا خرطوم من عمه الهواء كان سايب لما ركبوا الاستهلاك زاد اكتر! و انا دايما بحط بنزين 92 و العربيه بسمع فيها صوت كركرة!
3- الصبح و انا بسخن العربية اجي ادوس بنزين ال rpm ينزل و يطلع تاني - دة و انا بسخن بس
4- سرعة 4 ف التكييف بتفصل و الراجل قالي السبب ان ال فيشه سايحه و عايزني اغير مقاومة - مفيش حل تاني علشان المقاومة ب 180 جنيه؟
5- عايز اعرف سعر و مصنعيه تغير اويل سيل الكرنك الخلفي علشان في ترشيح بسيط كدة و انا قولت هعملوا بعدين
الف شكر :)

[h_e_e]

و مشكله اخيره ان شاء الله اصلح شريط الايرباج فين؟ عايز الحموا و الكهربائي بيقولي يا تغيروا يا تسيبو كدة و انا ممعيش 700 جنيه علشان اغيرو بصراحه

[ecybrarian]

تصليح شريط الإيرباج ممكن لو هاتعرف تعمله بنفسك... لو رحت لحد يصلحه هايفتكس.. انا مع النصيحة دي يا تغيره يا تسيبه كدا

[shawkylotfy]

1. الترس ابقى اعملة فى اى وقت ويشتغل معاك سنتين على الحال دة
2. استهلاك البنزين : شوف حالة البوجيهات وفلتر البنزين وفلتر الهوا ومسارات البنزين وممكن يكون حساس شكمان ابقى حتها على الجهاز
3. بالنسبة لاويل سيل الكرنك الخلفى لو عربيتك اوتو المكنة والفتيس كلهم لازم يطلعوا برة ومصنعيتهم حوالى 1000 والاويل سيل نفسة 150 ج يعنى كبر دماغك

[h_e_e]

مصنعيه الف جنيه!! علشان الاويل سيل ب 100 جنيه !!! :(
بوجيهات لسه مغيرها و فلتر بنزين كويس و بردوا فلتر الهوا! ممكن اعرف تفاصيل اكتر عن موضوع مسارات البنزين دة؟
و بالنسبه ل شريط الايرباج ممكن اطلعوا عند حد و امشي من غيروا خالص لحد مظبطوا و ارجعوا تاني؟

[h_e_e]

و بالنسبه لل rpm?

[h_e_e]

اسال ميين طيب لو وحوش الميجان مبيروضوش؟

[Ahmed Selim]

عندي كام مشكله ف ميجان 2006
1- ترس الديفيزر - العربية لو ركنتها اربع 5 ايام لما اجي ادورها بتعمل سوت كدة لسنيتين و المكانيكي بتاعي قالي دة الترس عايز يتصلح و هيكلف 300 جنية السؤال هنا ممكن اصبر عليه شهر كده و اعملو؟
2- استهلاك البنزين عالي جدا جدا لما روحت للكهرائي لقا خرطوم من عمه الهواء كان سايب لما ركبوا الاستهلاك زاد اكتر! و انا دايما بحط بنزين 92 و العربيه بسمع فيها صوت كركرة!
3- الصبح و انا بسخن العربية اجي ادوس بنزين ال rpm ينزل و يطلع تاني - دة و انا بسخن بس
4- سرعة 4 ف التكييف بتفصل و الراجل قالي السبب ان ال فيشه سايحه و عايزني اغير مقاومة - مفيش حل تاني علشان المقاومة ب 180 جنيه؟
5- عايز اعرف سعر و مصنعيه تغير اويل سيل الكرنك الخلفي علشان في ترشيح بسيط كدة و انا قولت هعملوا بعدين
الف شكر :)

1- أعمله فى أقرب فرصة........حصلت مع عضو معانا هنا و كبر دماغه شوية و بعد كده أضطر يقطر العربية علشان حصل مشكلة بسبب عدم تغيير أو تصليح الترس ( مش فاكر التفاصيل)
2- ممكن يكون بسبب الترس.........و هل أنت مغير سير الكاتينة قبل كده و مغيره فين ؟
3- مش عارف
4- معتقدش فيه حل تاني.
5- الفتيس و الموتور بيتحلو بس معتقدش المصنعية توصل ل 1000 جم.........الفكرة أن الترشيح مع الوقت بينزل زيت على حساس و يخلي العربية متدورش من أول مرة بعد مشوار طويل شوية....بس تدور عادي لو باردة.

[h_e_e]

انا شاري العربيه مستعمله بس الراجل قاللي انو لسه عامل صيانة ال 120 و فعلا سير المجموعه كان باين عاليه انو جديد.
طيب انا لو عايز اتاكد ان مش سنسور الاكسيجين هو اللي بايظ؟

[amr_mabd]

بلاش حوار تصليح الترس ده يا باشه انا عملتو قبل كده و بعد كده لغيته و جبت ترس استيراد لان التصليح بيلغي وظيفه الترس خالص

[h_e_e]

الراجل قالي انا هصلحهولك مش هلغيه و هو ركز عل حته دي و قالي اوعي تلغيه

[MohammedAladel]

بص يا باشا شوف الموضوع دا متصلحوش بنفسك بس على الأقل فكه وشيله عندك وركب الدركسيون تانى عشان الشريط مع الاستعمال بعد ما بيبوظ التراكات اللى جواه هتفصل وهيبقى مينفعش تصلحه

فياريت تفكه وتشيله وركب الدركسيون مكانه تانى
www.nilemotors.net/Nile/304678-a.html
على العموم تأثيره هو إن الايرباج بتاعتك مش شغالة ومثبت السرعة لو عندك مش هيشتغل برضه

وياريت توصف لى أكثر الخرطوم اللى هو وصله دا فين .... قصدك خرطوم فايص الزيت ؟؟؟

بالنسبة للاستهلاك ممكن يكون ترس الديفيزر ليه لأ ؟ مهو متعلق بفتح وغلق الصمامات ( بس مش متأكد )
ممكن بوجيهات أو كويل لا يعمل بكفاءة بس احتمال صعب يكون كويل
ممكن حساس شكمان اللى عند الفرن او اللى بعد علبة ا لبيئة ولو اللى بعد علبة البيئة ممكن يكون بسبب تلف أو بداية تلف علبة البيئة

أفضل شئ وضعها على كاشف الأعطال

[h_e_e]

حلو جدا موضوع شريط الايرباج دة . هو لسه متقطعش هو مثبت السرعة بس الي مش شغال. بس السؤال لو انا الي عملتو بنفسي و دي سهله هيبوظ عليطول ولا هيستحمل و يقعد؟
و اسلم حل فعل احطها علي جهاز و حضرتك تقصد انهو خرطوم؟

[MohammedAladel]

ينفع تعمله بنفسك بس الدقة فى اللحام عايزه حد بيعرف يلحم كويس عنده مكواة سنها رفيع لأنه هيلحم 7 تراكات نحاس فى مسافة سم أو أقل فى كل طرف

وبعدين هو ليه طريقة فى اللف مشروحة فى الموضوع

بس لو تقدر تفكه وتطلعه وتركنه على جنب يبقى تمام ومش مهم تصلحه دلوقت صلحه على رواقة منين ما تفضى

لأن لو سبته هيتقطع من جوا وهيبقى صعب تصلحه وصعب تلاقى نفس الشريط دا أنا دورت كتير ملقتش زيه أبداااااااااااااااا فى نفس السمك بتاعه ملقتش للأسف

ولو اتصلح واتركب صح صعب يتقطع تانى إن شاء الله

لو اشتريت واحد استيراد هيقعد معاك شوية وهيقطع برضه
أنا قصدى على خرطوم فايص الزيت اللى بيبقى عند السيرفو بتاع الفرامل هل هو دا اللى حضرتك تقصده ؟

بالنسبة للشريط مرة أخرى الشريط عندك مقطوع

[h_e_e]

لآ هو خرطوم من حاجات اللي داخله عل عمه