ميكانيكية صقر قريش

[yasserelshakwe]

السلام عليكم
هل الأخوة الميكانيكية أصحاب الورش في حي صقر قريش بالمعادي متخصصين بالفعل في تصليح البيجو والرينو الحديث وهل قطع الغيار اصلية أم مضروبة
ولكم جزيل الشكر والتقدير

[amr elsisi]

انا ساكن هناك
وبصراحة بشوف صنعية كتير ومحلات قطع الغيار للرينو
بس ما اعرفش حد فيهم

[poppops]

بالنسبة للرينو فى عادل ده على الاوتوستراد ممتاز عن تجربه وعنده استىراد ممتاز

السلام عليكم
هل الأخوة الميكانيكية أصحاب الورش في حي صقر قريش بالمعادي متخصصين بالفعل في تصليح البيجو والرينو الحديث وهل قطع الغيار اصلية أم مضروبة
ولكم جزيل الشكر والتقدير

[amr_mabd]

و في مصطفي في سقر عنده قطع غيار أصليه و كويس و بيشتغل في صيانه الرينو

[hilal]

اتلسعت منهم ، اوعى تسيب عربيتك ليلة واحدة عندهم
كانت عربيتي الميجان بتسخن
رحت لهم ، صرفت 1000 جنيه بدون نتيجة
قاللك منظفات للدورة وتغيير زيت وتغيير طلمبة (كسروا لي العوامة ومعرفتش إلا لما فكيتها بنفسي في البيت) وتغيير فلاتر وبوجيهات (رغم اني كنت لسه مغيرهم من اسبوع)
ولقيت الكوريك الاصلي بتاع العربية ضايع ، وصاج العربية متطبق (يظهر العربية وقعت من على الكوريك بتاعي)
في النهاية اكتشفت السبب بنفسي ، عارف إيه؟
السرعة التانية للمروحة كانت مبتشتغلش ، والطبيعي انها تشتغل لما العربية تسخن قوي
وهما مش فاضيين يصبروا على العربية لما تسخن أوي (بيجرب كده أول 5 دقايق بس)
الخلاصة ، شوف حد عنده ضمير وخبرة أولا من خلال المنتدى

[lad]

فعلا اوعى تسيب العربية هناك عربية صاحبى اوبل كورسة ودناها عشان مش عوزة تدور اقسم بالله اسبوع مش عارفين يدوروها و غيرو ميت حاجة عقبال مادارت و دفع مبلغ محترم جدا متوديهاش الا لو تعرف حد هناك كان مركز اسمه اليسر او التيسير حاجة كدا

[imust]

. كلو نصابين من أول عادل زوايا ومحمد الكهربائي و مصطفى و المصري وناصر .. حرامية عن تجربة

[imust]

والله متعامل معهم كلهم

[yasserelshakwe]

كلام صحيح

والله كلام مظبوط فعلاً
اكثر من مصدر موثوق به قال لي نفس الكلام
اعتقد ممكن الواحد يدفع فلوس اكثر وزيادة ويروح التوكيل افضل له
بدل ما نروح وندفع فلوس على الفاضي ويطلع الشغل في العربية أي كلام

[yasserelshakwe]

إذن من هوا الأفضل لصيانة وتصليح السيارات الفرنساوي في القاهرة

[abdelshafy85]

. كلو نصابين من أول عادل زوايا ومحمد الكهربائي و مصطفى و المصري وناصر .. حرامية عن تجربة

انا اتعاملت مع أحمد المصرى وكرم المصرى حوالى مرتين أو تلاتة ,
انا مش خبير ومعلوماتى محدودة وحاسس ان شغلهم كويس بس مش عارف الأسعار غالية ولا لاء, هيا طبعاً بالمقارنة بالتوكيل أقل بكتير .
بس أنا ملاحظ انهم بعد ما بدءوا يشتغلوا فى قطع الغيار الموضوع بقى أسوأ من الأول .
يا ريت لو فى مواقف محددة تدل على انهم حرامية زى ما قلت توضحها للعلم
مشكور.

[Rsarabia]

يا جميل لو فى مشكلة كبيرة او عربية مش بتدور او الكلام عليك و عالتوكيل و بلاش الصنايعية اللى برة دول
خليهم على قد تغيير فلتر او سيور او فرامل كدا يعنى

[sherif.eldaly]

مركز المصطفى ممتاز عن تجربه ( 3 مرات ) .. ممكن أسعاره غاليه شويه .. لكن مصطفى ( إبن صاحب المكان ) شاطر وأمين ويستاهل.

مفيش داعي للمبالغه .. فيه الحلو وفيه السيء في أي مكان.

شكراً.

[kekofox]

وش مصطفى فهمى انا بتعامل معااه بقالى سنتين مشوفتش منو حاجه وحشه و الراجل فى منتهى الامانه بصراحه

[engwalaa]

السلام عليكم ,
فى واحد فى عين شمس أسمه أحمد على فى شارع متفرع من شارع المتحف يمين
أمين قوى ما شاء الله و بيهتم بكل التفاصيل المسامير اللى أتفكت كلها تتركب فى مكانها عشان القصير و الطويل انا بتعلم منه صراحه ....
بس رقمه مش معايا دلوقتى للاسف هبقى أخدو منو وأحطو إن شاء الله