التوكيل والا مراكز الخدمة المعتمدة

[wael-mohamed]

الاخوة الافاضل ملاك الجميلة فلوانس
عربيتي وصلت ولله الحمد بالسلامة الى 30000 كيلو متر واطلب المشورة , اعمل الصيانة في التوكيل والا في مركز من مراكز الخدمة المعتمدة زي فرنش موتورز الي في الرحاب مثلا
مع العلم ان في فرق في التكلفة بين التوكيل و مركز الخدمة
لذا برجاء الافادة لاني محتار

[gym1974]

انا فى وقت من الاوقات كنت برشح فرنش موتورز لكل الناس بعد موت المهندس مصطفى الزينى المعاملة كويسة ما فيش كلام بس للاسف اغلب قطع الغيار عندهم بقت مضروبة وده والله العظيم عن تجربة فى عربيتى الكليو يعنى مثلا غيرت طقم بوجيهات قعد 5000 كيلو وباظ واتغير على حسابهم فى الضمان وجوز مساعدين قعدوا 2000 كيلو وباظوا واتغيروا برده على حسابهم فى الضمان تيل فرامل لسه مغيرة عمال يصفر بطريقة مستفزة ورحتلهم كذا مرة ولا زال نيجى بقى للمشكلة الكبيرة موبينا اتغيرت على 4000 كيلو بس للاسف شربتها انا علشان كان عدى على ميعادها اكثر من سنة وحلفت لا راح ولا جاى والله يعوض عليا بس اخدت قرار بقطع التعامل معهم ده تجربيتى الاخيرة معاهم بكل صدق والله على ما اقول شهيد

[wael-mohamed]

انا فى وقت من الاوقات كنت برشح فرنش موتورز لكل الناس بعد موت المهندس مصطفى الزينى المعاملة كويسة ما فيش كلام بس للاسف اغلب قطع الغيار عندهم بقت مضروبة وده والله العظيم عن تجربة فى عربيتى الكليو يعنى مثلا غيرت طقم بوجيهات قعد 5000 كيلو وباظ واتغير على حسابهم فى الضمان وجوز مساعدين قعدوا 2000 كيلو وباظوا واتغيروا برده على حسابهم فى الضمان تيل فرامل لسه مغيرة عمال يصفر بطريقة مستفزة ورحتلهم كذا مرة ولا زال نيجى بقى للمشكلة الكبيرة موبينا اتغيرت على 4000 كيلو بس للاسف شربتها انا علشان كان عدى على ميعادها اكثر من سنة وحلفت لا راح ولا جاى والله يعوض عليا بس اخدت قرار بقطع التعامل معهم ده تجربيتى الاخيرة معاهم بكل صدق والله على ما اقول شهيد

اولا الف شكر على سرعة الرد
ثانيا تفتكر حضرتك ممكن يعملوا الموضوع ده ويركبوا قطع مش اصلية وعربيتي لسه في ضمان الوكيل
والا ايه

[gym1974]

اولا الف شكر على سرعة الرد
ثانيا تفتكر حضرتك ممكن يعملوا الموضوع ده ويركبوا قطع مش اصلية وعربيتي لسه في ضمان الوكيل
والا ايه

والله يا استاذ وائل نصيحتى لحضرتك خليك مع التوكيل الاساسى لأن دول عمرهم ما هيركبوا الا الاصلى وغالى غالى مش مهم صدقنى انت الكسبان سؤال بقى لحضرتك كده اخبار الفلوانس معاك ايه يعنى الثبات حلوة ولا اى كلام وحلوة فى السفر ولا ايه والعفشة والتكييف علشان ان ناوى على حته مانوال بأذن الله بس بصراحة محتار جامد بينها وبين الاوبل فيكترا سى مانوال برده احسن انا بقلق قوى من موضوع الاتوماتيك ده وهو اصلا مش فارق معايا بحس ان المانوال بينك كده وبين العربية تفاهم والف شكر لذوق حضرتك تحياتى لك

[wael-mohamed]

اولا الف شكر على النصيحة وانا هاخذ بيها وهعمل الصيانةفي التوكيل بالنسبة للعربية , العربية ممتازة وانا مش من الناس الي بتحب الاتوماتك بس العربية بتعتي الفئة الثالثة اتوماتك وعلى فكرة مش وحش ولكن اكيد المانيوال منها هيبقى رائع والعربية جميلة وواسعة وثابته جدا على الطريق لان العفشة بتعتها ممتازة يعني انا كنت راجع من الاسكندرية الاسبوع الي فات صحراوي وماشي بالليل على 180 العربية كانت ممتازة
فانشاء الله اختيار موفق وربنا يديك الخير كل الخير

[gym1974]

اولا الف شكر على النصيحة وانا هاخذ بيها وهعمل الصيانةفي التوكيل بالنسبة للعربية , العربية ممتازة وانا مش من الناس الي بتحب الاتوماتك بس العربية بتعتي الفئة الثالثة اتوماتك وعلى فكرة مش وحش ولكن اكيد المانيوال منها هيبقى رائع والعربية جميلة وواسعة وثابته جدا على الطريق لان العفشة بتعتها ممتازة يعني انا كنت راجع من الاسكندرية الاسبوع الي فات صحراوي وماشي بالليل على 180 العربية كانت ممتازة
فإن شاء الله اختيار موفق وربنا يديك الخير كل الخير

الف شكر استاذ وائل وخالص تحياتى لحضرتك