ايهما الافضل

[muhammadghunaim]

سلام الله عليكم ورحمته وبركاته
كان عندي استفسار بخصوص شراء سيارة جديدة أنا معايا في حدود 90 سؤالي بقى انا كنت بختار بين 1- رينو لوجان اوتومتك او 2- هيونداي فيرنا اوتومتك او 3- شيفرليه افيو اتومتك
كنت عايز اعرف ايهم افضل في الاداء العام واداء التكييف واقتصاديات استهلاك البنزين و خدمة مابعد البيع والصيانة وسعر اعادة البيع
ولو في حاجه افضل من التلاته دول وفي حدود المبلغ المذكور ممكن تكون ايه
افيدوني جزاكم الله خير

[karezzzma]

Aveo

[mhkorayem]

مستعمل نضيف

[إبراهيم المصرى]

اوبترا 2011 بالسعر ده ممكن تبقى حاله ممتازه كسر زيرو او ماتريكس او النترا وممكن سيراتو

[إبراهيم المصرى]

[color="rgb(160, 82, 45)"]وفى اعتقادى لو هختار واحده من التلاته اللى حضرتك بتفاضل بينهم يبقى اللوجان اكييييد هى احسن بس اعاده البيع معتقدش الصيانه سامع التوكيل عامل شغل حلو والعربية بدأت تنتشر وقطع الغيار تتوفر هى اغلى شويه بس اكثر اعتماديه[/color]

[muhammadghunaim]

شاكر لكم اهتمامك وتقديركم وجزاك الله الف خير
انا بحاول ادور على المستعمل لكن خايف يتنصب عليه لان بقي في مسروق كتير في السوق

[mhkorayem]

شاكر لكم اهتمامك وتقديركم وجزاك الله الف خير
انا بحاول ادور على المستعمل لكن خايف يتنصب عليه لان بقي في مسروق كتير في السوق

ياباشا لما تشتري مستعمل هتشتريها من صاحبها
معاه الرخصه باسمه
غير انه هيجبلك بيانات العربيه من المرور وفيه تاريخ العربيه واصحابها من اول يد لحد ما هتوصلك
المهم متدفعش اي فلوس لحد ما صاحب العربيه يجبلك البيان ده من المرور
وبخصوص الحاله انت هتكشف عليها حتى لو هتكشف عليها في التوكيل اللي هتدفعه هيبقى احسن من انك تشتري العربيات الزيرو بالسعر ده حرام الفلوس
وربنا يعملك اللي فيه الخير

[إبراهيم المصرى]

البائع هيجبلك شهادة مخالفات والرخصه باسمه وتكون ساريه ويسجلك فى الشهر العقارى وعشان تتطمن حاول تتأكد ان العنوان فالرخصه هو العنوان فى البطاقه وابعد عن التوكيلات والاقاليم واكشف على العربية كويس وفى مراكز صيانة معتمده