فيشة طرمبة البنزين .. كهربا ولا ميكانيكا !!!!!؟؟؟

[a_hmed]

صوت الصفراة بتاع طرمبة البنزين مش شغال فكدة فيشة طرمبة البنزين عايزة تتغير .. المشكلة انى هجيبلها حد يعملها فى الجراج

فمش عارف ده شغل كهربائى ولا ميكانيكى ؟؟؟ و أى حد يعملها ولا لازم حد شغال فى الميجان ؟؟

[MohammedAladel]

بص يا صديقى

انت ممكن تشوف الفيشة بنفسك لأن مش بالضرورة يكون العيب من الفيشة نفسها .... ويارب تكون الفيشة ميكونش حاجة تانى

لأن عندى الفيشة سليمة والطرمبة سليمة لكن مش رايح لها كهرباء وكل الفيوزات سليمة لدرجة أنى شكيت فى ecu

بص حضرتك الموضوع دا هيفيدك ولو عايز تعرف أى حاجة قول لى ... بالنسبة للفيشة نفسه بتتفك ولو بايظة هيبان عليها على الأقل شمها لو فيه ريحة شياط

اضغط على start لمدة 5 ثوانى بدون الضغط على الفرامل المفروض الطرمبة تحضر وتسمع صوتها

الطرمبة لما بتكون جديدة وحالتها كويسة مبيبقاش ليها صوت

معنى ان فيه صفارة ان الطرمبة نفسها ابتدت تبوظ وجايز تكون باظت عندك

الموتور البوش ب 220 من شارع دمشق لسة عضو جايبه

الموتور الصينى ب 70 جنيه جبته وزى الزفت بس أنا مشكلتى دلوقت مش فى الطرمبة

لو عايز نى أقول لك كيف تختبر الطرمبة من غير ما تفكها ممكن أقول لك

[MohammedAladel]

http://www.nilemotors.net/Nile/362746-a.html

[MohammedAladel]

هتلاقى فى الفيشة 4 سلوك 2 للعوامة و2 لموتور الطرمبة ..... ال2 بتوع موتور الطرمبة بيبقوا أتخن من ال 2 بتوع العوامة وجنب بعض على طول ..... أول سلك من السلوك التخينة من على الطرف من برا هو السلك الأ رضى
السلك اللى بعده هو السلك الكهرباء

ممكن تفك بطارية العربية وتحطها على الكنبة ورا .... وتوصلها سلكين تلفهم عليها .... وتقطع جزء بسيط من البلاستيك المغطى السلوك اللى قلتلك عليها وتحط الموجب مع الموجب والسالب مع السالب

لو الطرمبة سليمة هتشتغل وبكدا تبقى أتأكدت 100 100 أن الفيش والطرمبة سلام وان العيب من قدام بقى

[a_hmed]

طبعا شكرا على الشرح الجميل ده .. أنا لما جبت العربية الراجل كان قايلى ان الفيشة عايزة تتغير و انا كسلت

عملت معايا كام مرة متدورش اقوم رافع الكنبة و ادوس على الاسلاك تقوم دايرة

فعلشان كدة انا بقول ان ده عيب فيشة

بالنسبة للطرمبة لما كنت بفتح الكونتاكت كانت بتعمل صوت صفارة و لما اقفل بتنتهى الصفارة

هى مش بتدور من حوالى اسبوع و اخويا فك الاسلاك و ربطهم تانى ولسة مش بتدور برضه

فأعمل برضه التجربة ؟؟؟؟ ولو معرفتش اجيبلها كهربائى ولا ميكانيكى ؟؟

[MohammedAladel]

ل و معرفتش تعمل زى ما قلتلك هات كهربائى أنا شايفها بسيطة لو كانت فيشة فعلا

الفيشة نفسها كمان بتتفك

لو بصيت للفيشة من ورا من على الجنب كدا ه هتلاقى فتحة تدخل فيها مفك وتضغط هتطلع حتة بلاستيك كدا زى ما يكون باب مقفول بتفتحه

من قدام هتلاقى الفيشة لونها أصفر الجزء الأصفر دا حواليه حتة جلد اخلعها وبعدين برضه بمفك رفيع ارفع سن الحتة البلاستيك واسحبها لبرا

[Shiref_mohamed]

هتلاقى فى الفيشة 4 سلوك 2 للعوامة و2 لموتور الطرمبة ..... ال2 بتوع موتور الطرمبة بيبقوا أتخن من ال 2 بتوع العوامة وجنب بعض على طول ..... أول سلك من السلوك التخينة من على الطرف من برا هو السلك الأ رضى
السلك اللى بعده هو السلك الكهرباء

ممكن تفك بطارية العربية وتحطها على الكنبة ورا .... وتوصلها سلكين تلفهم عليها .... وتقطع جزء بسيط من البلاستيك المغطى السلوك اللى قلتلك عليها وتحط الموجب مع الموجب والسالب مع السالب

لو الطرمبة سليمة هتشتغل وبكدا تبقى أتأكدت 100 100 أن الفيش والطرمبة سلام وان العيب من قدام بقى

ازيك يا محمد
الطريقه ديه لتجربه الطلمبة غلط جدا يامحمد ..
ﻻن لو حد مش عارف في الكهربا وعكس الاسلاك يبقى الكنترول الله يرحمه لذا وجب التنويه

[MohammedAladel]

الحمد لله
أزيك انت يا أستاذ شريف

ياريت تقول لى فيوز الطرمبة فين

[MohammedAladel]

فعلا عندك حق أكيد لازم السلك الموجب اللى هو تانى سلك مع القاطش الموجب

والسلك السالب اللى هو السلك من برا على الطرف مع القاطش السالب

ولو عايز تتلاشى خطورة كدا .... اقطع السلكين خالص ووصل براحتك ولا داعى للقلق

بعدين وصلهم واعزلهم بشريط لحام