سير الكاتينه للفلونس ؟؟

[mah_khourshid]

السلام عليكم وحوش الرينو
عربيتي رينو فلونس بقالها 3 سنين و 4 شهور
وانا بعمل صيانه ال 55 كم المهندس قالي المفروض تغير السيور عشان عدا عليها 3 سنين (60000 كم او 3 سنين) كلام منطقي بس طبعا زي مانتو عارفين الصيانه هتكلف فوق 2500 جنيه
المهم قلتلو هعملها بعدين قالي متتأخرش
سؤالي هنا هل اقدر اسافر الساحل من القاهره لمده اسبوع وارجع اغير السيور
ولا بلاش مغامره انا بصراحه بستمتع بالسفر بيها ومش متخيل اني اركب عربيه غيرها الفلونس ملهاش بديل
انا محتاج نصيحتكم في اقرب وقت ميعاد السفر بكره ان شاء الله

[aldesha989]

الافضل حتى تغير سير التقسيمه لان لو اتقطع لا قدر الله مش هيبقى فى اى عربيه تستمع بيها نهائى فبلاش افضل وغيره

[M I D O]

انا هقول لحضرتك الي حصل معا خالي معاة اسبرانزا 516 وكان المفروض يغير سير الكاتينة برضو تقريبا علي 40 الف علي ما اتذكر وخالي كان ماشي بالعربية 23 الف وشوية ورفض ان التوكيل يغير السير المهندس قالة كدة هيخرج برة الضمان خالي قالة انا مهندس وشايف ان السير لسة سليم ومفيهوش حاجة وغيرة بعدها في صيانة ال 50 الف بس برضو خليك في المضمون وغيرة احسن المثل بيقول حرص ولا تخونش

[hamaka]

غيره أامن قبل ما تسافر ، 3 سنين كتير على السير ، ده فى الاخر كوتش

[Hany Saad]

متقلقش خالص.....اطلع اجازتك واستمتع و متفكرش فى الموضوع نهائى....٣ سنين أو ٦٠ ألف ده أمان الأمان......يعنى قدامك على الأقل كمان سنة أو لغاية ال٦٠ ألف و كمان تبقى فى الأمان.......

مواعيد التغيير بره لنفس السيارة أعلى من كده بكتير......

أنا فى الميجان ii غيرته على ٥٠ ألف و كان مر ٥ سنين على السيارة......لا تقلق.

[Shiref_mohamed]

توكل على الله واطلع اجازتك وماتخافش ولما ترجع ابقى غير

[mah_khourshid]

شاكر جدا باجماعه
انا بصراحه اتشجعت واتكلت علي الله ولسه واصل الساحل
والحمد لله عديت علي خير في الذهاب عقبال العوده ان شاء الله
شكرا تاني

[ALshahba]

ياريت ماتهملهاش وتغيرها اول ما نرجه بالسلامه

[dedo_ryo]

هي مش الفلوينس كاتينه جنزير و سير مجموعه كاوتش ولا ايه

[i_Am_Legend]

هي مش جنزير

[Hany Saad]

الفلوانس 2013 الface lift الجديدة هى اللى الكاتينه جنزير و الفتيس CVT II Xtronic أما الموديل القديم زى بتاع صاحب الموضوع فده سير كاتينه كاوتش و فتيس إستيب ترونيك DP2

[mah_khourshid]

بصراحه سير الكاتينه الجنزير فكره عمليه وموفره جدا جدا


ياريت لو حد عمل صيانه ال 60000 كم يقول دفع كام

وكمان انا من ساعه ماشتريت العربيه وانا بروح التوكيل العبور

ياتري لو روحت عملت صيانه ال 60000 في الميكانيكيون العرب هيكون ارخص وبنفس الدقه ولا ملهاش لازمه

شكرا جدا