شوية أعراض و غالبا اتحلت

[Ahmed Selim]

السلام عليكم

امبارح العربية مكنتش راضية تدور بالليل و بعد لما خبطت خبطتين على الطرمبة دارت عادي

و كان عندي شوي أعراض تانية بشتكي منها زي

١- ضعف السحب شوية
٢- لما العربية تكون هتاخد نقلة اقل مش بتاخد ها على طول و بحس بكركرة لمدة ثواني و تروح واخدة النقلة الاقل او اضغط انا دواسة البنزين على الاخر و تنزل نقلة
٣- ساعات و انا ماشي بسرعة شوية أهدي بدون فرامل احس العربية بترج لورا و قدام على خفيف قوي و كنت فاكرها قاعدة
٤- العربية ساعات كانت بتبطل لما أهدي علشان أخد مطب ( حصلت ٤ او ٥ مرات في ٤ شهور )

الميكانيكي بعتلي واحد النهاردة غير لي موتور الطرمبة و جربت بعدها حوالي ١٥ كيلو او ١٨ كيلو و مش ملاحظ العيوب دي خالص .

ده غير ان دوارة العربية بقيت حاسس انها اسرع و أهدى في الصوت.



هجرب تاني لو اسبوع كده و اقولكم على الاخبار......ده لو لسة فيه حاجة سليمة في البلد

ربنا يستر على مصر

[MohammedAladel]

أيوة الطرمبة ممكن تعمل الحاجات دى بس يارب يكون ركبلك موتور بوش أصلى لان المواتير الصينى الضغط اللى بتطلعه مش قوى

بس الرجة لما العربية تنزل غيار لوحدها راجع قاعدة الفتيس اللى تحت البطارية احتمال كبيرة لو مش مغيرها من فترة تكون باظت

وقاعدة الموتور اللى فوق هتشوفها بنفسك .... وشداد الموتور اللى من تحت
أمسك الموتور من فوق وهزه ورا وقدام شوفه بيتحرك منك ولا لأ هتعرف حالة الشداد

بس قول لى يا صديقى خبطت إزاى ع الطرمبة ؟ انت لو خبطت عليها مش هيحصل أى حاجة ... الموتور مع الوقت بيضعف ودا طبيعى

[Ahmed Selim]

القواعد مشيك عليها من شهر و كلها كويسة ما عدا واحدة حالتها مش قوي بس الميكانيكي قالي خليها شوية ﻷنها مش بايظة قوي

الطرمبة خبطت عليها بإيدي من غير ما افك حاجة

الرجة اللي بتكلم عليها بتحصل مع تهدئة السرعة بدون فرامل بعد كبس بنزين شوية......ملهاش علاقة بالنقل

[zadreamer]

القواعد مشيك عليها من شهر و كلها كويسة ما عدا واحدة حالتها مش قوي بس الميكانيكي قالي خليها شوية ﻷنها مش بايظة قوي

الطرمبة خبطت عليها بإيدي من غير ما افك حاجة

الرجة اللي بتكلم عليها بتحصل مع تهدئة السرعة بدون فرامل بعد كبس بنزين شوية......ملهاش علاقة بالنقل

انا عندي حاجه غريبه وانا داخل على المطب اجي ادوس فرامل قرب ما العربيه تيجي تقف الاقي هبده جامده في الموتور
وانا وحظي هبده وبس او هبده مع سيرفس وشك جير بوكس ؟!

[MohammedAladel]

أكشف على الفتيس .... ممكن يكون بسبب السولنويد فالف بيهيس ومحتاج يتغير والله أعلى وأعلم

[Ahmed Selim]

اولا السلام عليكم و كل سنة و انتم بخير

اليكم اخر التطورات. .....نزلت من ساعة علشان اشتري سحور. ..... بدور مش بتدور

المارش بيحاول بس مش بتلقط

نزلت خبطت على الطرمبة و حاولت ادور اخرت شويه بس دارت

تفتكروا المشكلة ممكن تكون ايه ؟

[proff]

اولا السلام عليكم و كل سنة و انتم بخير

اليكم اخر التطورات. .....نزلت من ساعة علشان اشتري سحور. ..... بدور مش بتدور

المارش بيحاول بس مش بتلقط

نزلت خبطت على الطرمبة و حاولت ادور اخرت شويه بس دارت

تفتكروا المشكلة ممكن تكون ايه ؟

طرمبه بنزيين او بطاريه

[Ahmed Selim]

طرمبه بنزيين او بطاريه

موتور الطرمبة لسه متغير من أسبوع و البطارية شاريها من شهر اتنين ده غير ان المارش بيقوم عادي و مفيش اي حاجة بتدل ان اابطارية ضعيفة

دورت العربية من شوية دارت عادي بس 5 ثواني و بطلت و بعد كده دارت تاني عادي.

[MohammedAladel]

بغض النظر عن مشكلتك ...انت عربيتك ماشية كتير ... لو مفكتش المارش عشان تعمله صيانة قبل كدا ... أنصحك تفكه وتخلى كهربائى ينضفه ببنزين ويشيك على أجزاؤه كلها

المارش ليه 3 مسامير بس مكانه رخم جدا ولو أول مرة يتفك المسامير بتبقى ماسكة قوى .... دى شغلانة الميكانيكى بقى


المارش لما بيبقى تعبان ممكن لما تيجى تدور تلاقيه لف لفة بطئ كدا كأنه مش قادر يقوم العربية وبعدين تلاقيه سرع والعربية تلقط .

البطارية لو تعبانة ... المفروض ان المارش يدور بس بطئ خالص وميدورش العربية ... او لو نايمة خالص ... هيحصل معاك نفس اللى حصل معايا انك تسمع تكة الأوتوماتيك بتاع المارش والشاشات قدامك فى التابلوه تنور وتفصل خالص مع كل مرة تدور فيها وبعدين ترجع تنور تانى

لكن لو المارش بيدور سريع والبطارية سليمة .... أول حاجة تبص على طرمبة البنزين

غير الفلتر لو كان قديم عشان بيأثر على الضغط اللى طالع من الطرمبة

انت متأكد ان الموتور اللى ركب عندك بوش ألمانى ؟ مش موتور صينى ؟

وعلى العموم ممكن تفك خرطوم الطرمبة عند الموتور وتحطه بق لتر بيبسى فاضى وتدور وتشوف البنزين طالع بقوة ولا لأ ... بعدين حطهم تانى فى التانك

عشان بس تتأكد من عمل الطرمبة .... خلى حد يدورلك وبص انت على البنزين .....


انت لما بتخبط على طرمبة البنزين مش هيحصل أى حاجة

ولو عايز تتأكد مبدئيا من عمل الطرمبة دور العربية على النظام الوهمى المفروض تسمع صوت ونة الموتور بتاعها لثوانى وبيفصل

لو كل دا سليم

يبقى كشف كمبيوتر

وشوفها بسرعة عشان ميجان لو وقفت منك ع الطريق متزعلش

[MohammedAladel]

ورمضان مبارك يا صديقى العزيز

[MohammedAladel]

خد بالك من حاجة ... لو المارش بيقطع يبقى دا عيب شربون تآكل وهيطلع شرز وممكن يحرق الحتت البلاستيك اللى عند المخدات من جوا اللى ملفوف عليها لسلوك ا فخد بالك من النقطة دى واكشف على المارش لو مكنتش كاشف عليه قريب

بعد ما فكيت المارش عندى اكتشفت انه شئ ضرورى الكشف عليه كل فترة ... معرفش فى التوكيل بيكشفوا عليه ولا لأ

ولو الشربون خلص خالص يعنى الفردتين قطعوا هيقف خالص المارش

[Ahmed Selim]

كل سنة و أنت طيب يا حمادة

بص هو المارش شغال عادي..........مفيش أن حاجة بتقول أنها مشكلة كهرباء.

المارش بيحاول يدور العربية و الأنوار شغالة بدون ما تضعف و الكاسيت شغال و كله تمام.

هو غالباً موتور الطرمبة ده فيه مشكلة أو حساس كرنك

النهاردة و أنا رايح الشغل دارت عادي.......5 ثواني و بطلت.....عليت ال rpm لحد 3 لمدة دقيقة ظبطت شوية.

مشيت عادي......بس لما أهدي علشان مطب مثلاً تبطل و لو مبطلتش بتحس العربية تقييييلة جداً بعد المطب و أنت بتحاول تاخد سرعة.......تفضل تقيلة كده لمدة ثانية أو أتنين و بعد كده تفتح عادي.

المشكلة أن كله قافل النهاردة.

[MohammedAladel]

ما هو كشف الأعطال عشان الحساسات

على العموم حساس الكرنك ورا من تحت عند المارش تحت الفرن مباشرة هتلاقى رايح ليه سلكين ... هو مكانه رخم شوية .... ممكن تنضفه وتشوف

وبرضه فك المارش واعمل له صيانة
الموتور دا حتى لو صينى وجديد مش هيعمل كدا إلا لو الفلتر مسدود

[byada10]

انا عندى حالة تهييس اليومين دول

الميجى بتيجى فى رمضان و تعملها :(

[Ahmed Selim]

الحمد لله المشكلة اتحلت بتغيير ال camshaft sensor
و ده احتار في ترجمت للغة العربية العلماء :-)

هو حساس السرعة عند الميكانيكية و حساس الكامة في العادي