مامعنى سولونويد فتيس ؟؟؟؟؟؟

[zadreamer]

محبس كهربا للزيت

تسلم ياوحش

[zadreamer]

http://www.nilemotors.net/Nile/362201-a.html

تسلم ياوحش

[zadreamer]

بص يا سيدى simply كدة ,,

first of all ,,
كلمة Solenoid عبارة عن Solen + oid ,, كلمة Solen يعنى انبوب و كلمة oid دا مقطع معناه (شبه) زى كلمة Alkaloid , Polypoid , virusoid ,,,,,,,,,,,,,etc



back 2 topic , ال solenoid valve دا زى جهاز



بيستخدم عشان يعمل control على flow السوائل و الغازات و هو نفسه controlled electrically خلال ملف معين (coil) لما الكهربا تعدى فيه يعمل magnetic field و دا بيأدى لتحريك ال plunger اللى هيقفل او يفتح الفالف حسب التصميم و طبعا ال plunger هيرجع مكانه لما ال current يتقطع ,,, و مش محتاج اقولك ان ليه designs كتير و طبعا ليه استخدامات كتيره



2 - inlet
3- outlet
7- plunger
و الديزاين دا 2 ports فقط و طبعا في اكتر حسب الغرض منه


نيجى بقى ل Solenoid الفتيس ,, دا بيبقى ف الفتس الاوتو و بيبقى مسئول عن ال shifting , , بيجيله signal من ال TCM (مش كل الانواع كده ) و من اعراض تلفه انك تلاقى العربية مش بتعمل shifting صح

و عايز اقولك ان مش اى مشكلة يبقى نغير ال Solenoid و خلاص لان احيانا بيكون السبب من related wiring او ال compmnents ما بين ال Solenoid و ال TCU و عايز اقولك ان التاخير ف تغيير الزيت ليه role كبير لانه بيسبب stuck plunger و ع فكرة ممكن يكون السبب اساسا من ال TCU و اسباب تانية كتيير بتعمل ال Solenoid malfunction

اه صحيح ,, forgot 2 say , ان العطل بيبان بال Scanner و check output voltages اللى رايح لل Solenoid

note اخيرة ,, الكلام اللى فوق دا مش Absolute ,, طبعا فى فروق و انا مش هقدر الم الموضوع كله

Farewell ,,

الف مليون شكر على المجهود الاكثر من رائع بجد عاش ياوحوش
بس تفتكر ليه بيقولو بعد كده انك بنسبه كبيره ممكن تغير فتيس ؟!

[proff]

الف مليون شكر على المجهود الاكثر من رائع بجد عاش ياوحوش :b4_095:
بس تفتكر ليه بيقولو بعد كده انك بنسبه كبيره ممكن تغير فتيس ؟!

عشان لو الزيت كان قديم قوي هتنزل الزيت الفلتر هيتسد والعربيه ممكن ماتمشيش
وتغيير الفلتر يعني حل للموتور
ولو الزيت محروق يبقي الكلاتشات ممكن يكون فيها مشكلهودي هتحل المجموعه
المهم الكلام ده كله بسيط بس المهم تعمله عند واحد بيفهم والا اي حد هيقولك فتيس استيراد وده عشان هما خبرتهم لحد تغيير السلةنيد والزيت واللي بعد كده مبيعرفوش يعملوا حاجه

[Shiref_mohamed]

يعني ايه سولونيد فتيس و ايه طريقة علاجه و تكلفته ؟
وهل فعلا ان ده بيكون لما يطلع رسالة شيك جير بوكس كتير من غير رسالة شيك انجن
مع العلم ان انا عندي قاعدة فتيس اصلا فهل القاعده هي السبب؟ ولا زيت الفتيس ؟
ولا فعلا سولونويد الفتيس ده ؟؟!
وماهي اعراض عطل الفتيس نفسه ربنا يكفينا شره ؟؟!

السولونويد عبارة عن صمام كهربائي يعني بيفتح وبيقفل كهرباء وده بيبقى موجود في الفتيس للتحكم في الزيت لإجراء عملية النقلات
وطريقة علاجه هيا تغييره
اما تكلفته الله اعلم بها بس شفت ناس قالو 700 او 800 مش فاكر
اعراض اعطال الفتيس كتيره حضرتك ممكن تأخر في النقلات ممكن هبده بين النقلات ممكن مينقلش خالص ممكن ينقل غيارات وغيارت لا

على العموم لو عندك مشكله وبتطلعلك تشيك جير بوكس لازم تحط العربية على سكانر عشان تحدد المشكله
واخيراً وقانا الله واياكم شر اعطال الفتيس

[MohammedAladel]

يعنى بكل بساطة نفس فكرة الاوتوماتيك بتاع مارش العربية أول ما بتدور هو بيعشق ترس البندكس فى الفلام وأول ما تدور العربية يروح يفصل يرجع الترس مكانه

[zadreamer]

يعنى بكل بساطة نفس فكرة الاوتوماتيك بتاع مارش العربية أول ما بتدور هو بيعشق ترس البندكس فى الفلام وأول ما تدور العربية يروح يفصل يرجع الترس مكانه

نهوووون !؟!
ههههههههههه
طبعا مشكور لاهتمامك

[MohammedAladel]

مش فاهم حاجة منك هههههههههههههه

لو فكيت المارش بتاع العربية هتشوف الاوتوماتيك بتاعه بيبقى فيه لسان من جوا بيطلع ويدخل مع طلعته ودخلته دى ترس المارش بيطلع لقدام عشان يعشق فى ترس الفولام ويدور العربية أول ما الموتور يقوم بالسلامة يروح الترس دا يرجع تانى مكانه لورا لما الكهرباء تفصل عن المارش لأن الموتور خلاص قام

[medohai510]

هو (صمام أو فالف) الجزء المسئول عن نقل الغيارات في الفتيس
وبيركب في مخ الفتيس وعددهم 2 فالف وهما يعملوا 700 جنية تقريباً جديد ولا يوجد منه مستعمل علشان فكه صعب ورخم ويحتاج متخصص في الفتيس الأتوماتيك

[medo99_pc]

سؤال: انا عندى نتشه بتبان ساعات وساعات لأ فى النقلات
وعندى نتشه شبه دائمه بين النقله الاولى والتانيه

ومفيش اى رسايل بتطلع على الكمبيوتر وروحت التوكيل كشف قالى كله تمام وروحت لكذا حد قالى الكمبيوتر مش مبين اى مشكله فى العربية

اعمل ايه واروح لمين؟

ارجو الرد من أصحاب الخبره فى هذه الجزئيه فقط.


وشكرا

[medo99_pc]

شكلكوا صايمين بجد :)

[jooadv]

سولونيد فتيس دا غيرتة لما كانت عربيتى بطلع Check GearBox
وكانت الرسالة دى بتطلعلى لما امشى بالعربية من غير ما اسخن
رحت غيرتة فى فرنش موتور ب 1100 جنية شاملة المصنعية وتغير الزيت
الكلام دا من 15 يوم مش من زمان