تم تغيير رادياتير الفلوانس فى الضمان

[m_marmoush]

ححكيلكو اللى حصل معايا واللى إكتشفتو بالصدفة عشان الكل يشيك على عربيتة،، من كام يوم فتحت الكابوت عشان أزود مياة قربة المساحات فلفت نظرى أن قربة مياة الرادياتير فاضية تماما على الرغم أن العربية لسة عاملة صيانة فى التوكيل من شهر
قلت يمكن فى التوكيل نسيو يزدوها و نزلت أشتريت لتر مياة رادياتير من توتال و حطيتة كلة فى العربية وملا نص القربة تقريبا، و بعديها رحت مشوار و رجعت بفتح الكابوت أبص تانى لقيت القربة بردة فاضية
المهم تانى يوم طلعت على التوكيل و قلتلهم على اللى حصل، دخلو العربية يكشفوا على دورة التبريد لقوا الرادياتير فية مشكلة و غيروة فى الضمان
أنا بس بحكيلكو اللى حصل معايا عشان كل واحد يبص على مستوى المياة لأن مؤشر الحرارة ماكنش بيعلا ولا حاجة
طبعا مش شرط أن حد يلاقى حاجة لأن العربية ممتازة و فوق مستوى الشبهات بس الأحطياط واجب

[Rsarabia]

الف سلامة على عربية حضرتك و التوكيل محترم عشان بيغيرو على طول فى الضمان
سؤال لحضرتك هل قبل ما المشكلة دى تحصل كنت بتسمع صوت المروحة شغالة بالسرعة التانية كتير ؟؟
ولا صوت بسيط اللى هى السرعة الاولى ؟ و مكنش فى مشاكل فى الحرارة ؟؟

[MARTINDALE]

متابع

[m_marmoush]

الف سلامة على عربية حضرتك و التوكيل محترم عشان بيغيرو على طول فى الضمان
سؤال لحضرتك هل قبل ما المشكلة دى تحصل كنت بتسمع صوت المروحة شغالة بالسرعة التانية كتير ؟؟
ولا صوت بسيط اللى هى السرعة الاولى ؟ و مكنش فى مشاكل فى الحرارة ؟؟

ماخدتش بالى من الموضوع دة أوى لأنى بابئى مشغل التكييف على طول فطبيعى المراوح بتبقى شغالة على السرعة العالية