عاوز أركن صف تاني!!

[hoba3000]

السلام عليكم

هو بالظبط زي ما بيقول العنوان! ومين فينا ماحتجش يركن صف تاني أو تالت؟
دلوقت الفلوانس بعد ما تبطلها وهي علي p مابينفعش تحرك الفتيس خالص حتى لو دايس فرامل!
أنا جربت مرة أبطل العربية وهي على n علشان أركنها صف تاني وينفع تتزق
مش عارف إذا كان ده صح ولا غلط، ولو غلط ، ممكن أعمل ايه علشان أركن العربية من غير ماتعشق؟؟

أرجو الافادة من رجال المنتدى الكرام وشكرا

[Land_Cruiser]

نصيحه علي جنب : لو حضرتك نزلت بدري شويه عن ميعادك ممكن تلاقي ركنه كويسه و مش صف تاني وده هيحافظ علي عربيتك لان محدش هيقعد يزقهالك قدام وورا و يحكها في العربيات اللي حواليك و كمان هيخليك ما تاخدش مخالفات انتظار فهيوفر فلوسك و كمان مش هتعطل الطريق و لا هتتسبب في ان حد فعلا مستعجل يدعي عليك لانك قافل عليه و عنده حاجه طارئه او حتي يتشاجر معك و الحق ساعتها هيكون معاه و ممكن رد فعله يبقي أعنف فيخربش لك العربيه او يفضيلك العجل. في جميع الاحوال حضرتك هتلاقي نفسك خسران يعني بالانتظاررالخاطيء ده. معلش طولت عليك بس فعلا الواحد بيشوف الموضوع ده بيعمل مشاكل قد ايه و لذلك أردت تنبيه حضرتك له و السلام عليكم

[aly_elhawary]

انا على طول لما بسيب العربية فى الجراج وانا فى الشغل بابطلها على الـ n عادى ... ومتهيألى ان ده لايسبب مشكلة

[hoba3000]

نصيحه علي جنب : لو حضرتك نزلت بدري شويه عن ميعادك ممكن تلاقي ركنه كويسه و مش صف تاني وده هيحافظ علي عربيتك لان محدش هيقعد يزقهالك قدام وورا و يحكها في العربيات اللي حواليك و كمان هيخليك ما تاخدش مخالفات انتظار فهيوفر فلوسك و كمان مش هتعطل الطريق و لا هتتسبب في ان حد فعلا مستعجل يدعي عليك لانك قافل عليه و عنده حاجه طارئه او حتي يتشاجر معك و الحق ساعتها هيكون معاه و ممكن رد فعله يبقي أعنف فيخربش لك العربيه او يفضيلك العجل. في جميع الاحوال حضرتك هتلاقي نفسك خسران يعني بالانتظاررالخاطيء ده. معلش طولت عليك بس فعلا الواحد بيشوف الموضوع ده بيعمل مشاكل قد ايه و لذلك أردت تنبيه حضرتك له و السلام عليكم

على فكرة أنا مقتنع بكلامك تماما، بس أحيانا بتبقى رايح مشوار في حتة أصلا مافيهاش ركنة ومحتاج تسيب العربية لمدة 10 دقايق، فبتضطر انك تركن صف تاني وتخلص مصلحتك. ما بقولش ان ده صح بس هل في أماكن تكفي ركنة كل العربيات في مصر صف أول؟؟ وخصوصا في الأماكن الجماهيرية (بنوك، مصالح حكومية، إلخ)
وشكرا لردك

[hoba3000]

انا على طول لما بسيب العربية فى الجراج وانا فى الشغل بابطلها على الـ n عادى ... ومتهيألى ان ده لايسبب مشكلة

أنا عاوز بس أتأكد ان ده فعلا مش غلط على العربية وإلا ليه ما بيخليكش تنقل الفتيس والعربية مش دايرة زي السيراتو مثلا؟

[MohammedAladel]

مفيش أدنى خطورة من أنك تركن على n

انا مفتكرش مرة بركن على P إلا لما بكون فى مكان مش مطمن فيه على العربية وبكسر الدركسيون أقصى اليسار

بس خد بال حضرتك قبل ما تجيب على p شد فرامل يد كويس جدا

وبعدين هات على p عشان لو الأرض مش مستوية بعد ما تجيب على p العربية هتريح ودا حمل على الفتيس ودا غلط طبعا

عشان كدا بركن دايما على n وأشد فرامل يد


خد بالك من حاجة برضه أكيد عندك فيه زرار أمان بتضغط عليه بيفك تعشيقة الفتيس من على p والعربية مش دايرة

من غير فرامل حتى

شوف الكتالوج هتعرف