الحيرة المستمرة

[mostafeno333]

بصراحه انا بدور بقالي سنه علي عربية مستعمله ترضي متطلباتي
وبالاختصار المفيد انحصرت المقارنة بين الميجان 2 و ال البروتون جين 2 خاصة ان ميزانيتي اخرها 65 الف
انا بصراحه كنت اقتنعت بالميجان بس ناس كتير جدا خوفتني منها خاصة ان بحكم شغلي هسيب العربيه للمدام اغلب الوقت وحضراتكم عارفين البنات بقي وخيبتهم
بصراحه تخوفاتي من الميجان الاتي :
1- الاعطال المفاجئة والمتكرره
2-اني من طنطا وممكن ملاقيش قطع غيارها او حد يشتغل فيها كويس في طنطا
3-اخاف لو اسافر بيها تعملها معايا زي ماقريت الجمله دي كتير في المنتدي
4- طبعا اني هسيبها للمدام ولو حصل اي عطل خفيف ممكن المشكله تزيد

الجين 2 طبعا عارف ان فيها عيوب تقفيل وخامات وصوتها عالي وصوت تكيفها عالي بس مسمعتش عن اعطال مفاجئة زي الميجان ولا مشاكل كهربا

ملحوظة دي اول عربية ليا .

ايه رأيكم ؟؟

[وائل مختار]

لا وجه للمقارنه الميجان تكسب طبعا وناس كتيره دلوقتى بتشتغل فيها الموضوع بقى سهل اوى

[eng.m7md.ali]

مثلث الرعب "رينو . بيجو . سيتروين"

اي مشكلة لو كانت تافهة فيهم بتبوظ حاجات تانية

[mbisar]

بص يا فندم انا هقولك رأيى الشخصى
اولا عشان تجيب عربيه مستعمله و تريح دماغك يبقا حاول تجيب عربيه ماشيه بالكتير اوى 40 الف كيلو عشان تاخد خير العربيه لأن العربيه على 100 الف بتبقا حاجه تانيه و بتبقا تعبت خصوصا فى الطرق المصريه و الشوارع المصريه المزدحمه
اى ميجان هتلاقيها دلوقتى على الأقل هتلاقيها ماشيه 100 الف لأن اخرها كان 2009 فهتكون العربيه متمرمطه و هتبتدى تفتح بقها معاك .. لو لقيت حاجه لقطه و ده صعب اوى دوس لكن غير كده منصحكشش
اما العربيه الجين تو عامه هى عربيه فاشله و مشاكلها كتير
لو انا شخصيا من حضرتك بالمبلغ اللى معاك ده هدور على لانوس او افيو او لوجان حاجه كسر الزيرو و هبعد تماما عن اى عربيه ماشيه كتير

[haythamkmal]

بص يا فندم انا هقولك رأيى الشخصى
اولا عشان تجيب عربيه مستعمله و تريح دماغك يبقا حاول تجيب عربيه ماشيه بالكتير اوى 40 الف كيلو عشان تاخد خير العربيه لأن العربيه على 100 الف بتبقا حاجه تانيه و بتبقا تعبت خصوصا فى الطرق المصريه و الشوارع المصريه المزدحمه
اى ميجان هتلاقيها دلوقتى على الأقل هتلاقيها ماشيه 100 الف لأن اخرها كان 2009 فهتكون العربيه متمرمطه و هتبتدى تفتح بقها معاك .. لو لقيت حاجه لقطه و ده صعب اوى دوس لكن غير كده منصحكشش
اما العربيه الجين تو عامه هى عربيه فاشله و مشاكلها كتير
لو انا شخصيا من حضرتك بالمبلغ اللى معاك ده هدور على لانوس او افيو او لوجان حاجه كسر الزيرو و هبعد تماما عن اى عربيه ماشيه كتير

اختلف تماما مع راي حضرتك ، انا ممكن امشى بعربية 20 الف كيلو مشى 200 الف والعكس صحيح ، خصوصا فى العربيات المحترمة الاوروبى واليابانى (ال100 الف دول يعتبرول تليين)
ياباشا الحاله هى اللى بتحكم مش الكيلو متر ، والحمد لله عندنا اجهزه لقياس كل حاجة دلوقتى تقدر تعرف منها حالة العربية بالظبط

بالنسبة للميجان ، على الرغم انى راكبها ومستمتع بها جدا والحمد لله ، ومعملتش مشاكل معايا (140 الف كيلو) بس منصحكش بيها بعيد عن القاهرو والاسكندريه ، عشان لازم اللي هيشتغل فيها يكون حافظها

[monamize4]

ابعد عن الميجان .

[mostafeno333]

كده الاغلبيه بتقول ابعد عن الميجان ....

[mohammed dodda]

ابعد عن الميجان والجين 2 لسببين :انك من الاقاليم وانها اول عربية ليك...نصيحتى ليك انك تبتدى بحاجة كورى الاول لحد ما تعرف سكك الصيانة وقطع الغيار فى بلدك وبعديها تخش بقى عالاوروبى والحاجات اللى عايزة معاملة خاصة دى..فلوسك ممكن تجبلك النترا 2006 حاجة فخمة ومحترمة وعملية

[Patrickologyy]

ابعد عن الميجان كل البعد !!
ممكن فى حدود المبلغ ده تشوف فيرنا أو لانوس استعمال خفيف أو لوجان ممكن برضه

[Ahmed Selim]

الميجان عربية كويسة و محترمة و متصدقش الكلام اللى بيتقال عليها.

المشكلة الوحيدة عندك هي أن يكون فيه حد عندك بيشتغل فيها........لأن لو فيها مشكلة و أشتغل فيها حد مش فاهم فى رينو هيخليك تكره نفسك.

أنا من كام شهر كنت بفكر أجيب عربية غير الميجان بس زيرو.........بأمانة......مش لاقي حاجة محترمة و فيها حاجات مش موجودة فى الميجان غير عربيات ب 190 و أنت طالع.......... و اللى ب 190 دي كانت الفليونس بالمناسبة........أى حاجة تانية كانت هتعدي ال 240 مستريح.

و الميجان فيها 90% من اللى في العربيات دي.........و مش تاعباني في حاجة و قررت أخليها.....على الأقل معايا من الزيرو و حافظها.

[mostafeno333]

الميجان عربية كويسة و محترمة و متصدقش الكلام اللى بيتقال عليها.

المشكلة الوحيدة عندك هي أن يكون فيه حد عندك بيشتغل فيها........لأن لو فيها مشكلة و أشتغل فيها حد مش فاهم فى رينو هيخليك تكره نفسك.

أنا من كام شهر كنت بفكر أجيب عربية غير الميجان بس زيرو.........بأمانة......مش لاقي حاجة محترمة و فيها حاجات مش موجودة فى الميجان غير عربيات ب 190 و أنت طالع.......... و اللى ب 190 دي كانت الفليونس بالمناسبة........أى حاجة تانية كانت هتعدي ال 240 مستريح.

و الميجان فيها 90% من اللى في العربيات دي.........و مش تاعباني في حاجة و قررت أخليها.....على الأقل معايا من الزيرو و حافظها.

ماهو ده اللي مجنني

[osamaos20022]

بص اولا طنطا مش مشكله
قطع الغيار الاستعمال موجوده عند البهي عندوا انصاص كامله اغلي من الحرفيين بس موجوده وموفره المشوار
قطع الغيار الجديده زي الفلاتر والكشافات موجوده عند العميد وبرده اغلي 10% تقريبا
العفشه زيها زي اي عربيه تانيه
الميكانيكا سهله وموجود اللي شغال فيها
في فرع لمركز خدمه العدوي في طنطا
بس 65 ميجبوش ميجان ممتازه

[mostafeno333]

بص اولا طنطا مش مشكله
قطع الغيار الاستعمال موجوده عند البهي عندوا انصاص كامله اغلي من الحرفيين بس موجوده وموفره المشوار
قطع الغيار الجديده زي الفلاتر والكشافات موجوده عند العميد وبرده اغلي 10% تقريبا
العفشه زيها زي اي عربيه تانيه
الميكانيكا سهله وموجود اللي شغال فيها
في فرع لمركز خدمه العدوي في طنطا
بس 65 ميجبوش ميجان ممتازه

انت كده جبت من الاخر ياباشا تشكر جدا
هو حضرتك من طنطا ؟؟

[osamaos20022]

انا من طنطا

[mostafeno333]

طيب ياباشا البهي ده اللي عند الكوبري اللي بيطلعك علي الطريق السريع صح ؟
وبخصوص الميكانيكي ممكن الميكانيكي اللي عند المرشحه يشتغل فيها ؟
والكهربائي هيبقي في مركز الصيانه بتاع العدوي مثلا اللي علي الطريق السريع ولا فيه حد تاني ؟
العميد ده موجود فين بقي ؟
معلش قارفك معايا