عاوز أشتري ميجان و قلقان من الاشاعات عن الفتيس

[sherifsewailm]

إلى دكاترة الميجان...رمضان كريم!

نفسي أشتري ميجان و أمامي شوية إختيارات موديلات من 2005 لغاية 2008 و بصراحة أنا بقيت متلخبط من الاشاعات اللي باسمعها عن مشكله في الفتيس و كل الناس تقولي اركب 2006 و سيبك من أي موديل قبل أو بعد...و لكن عقلي اللي على قده بيقولي يعني الخواجه اللي صنعها و عرف ان في مشكله في فتيس 2005 و صلحه في 2006 جه خاب و غلط تاني في 2007 و ما بعد.

فأصريت أعرف من أهل الخبرة و العلم الصح فين و الغلط فين ...هل فعلا في عيب في الفتيس بتاع الميجان وان أو تو أو بانوراما؟ و ياريت لو حد شايف عيب معين في حاجة يقولي العيب موجود في انهي موديلات بالظبط أو أي فئة لو كانت بالفئات.

جزاكم الله خيرا

[mostafeno333]

والله انا نفسي اشتري انا كمان بس قلقااااااااااااااااااااااااااااااااااااااااااااااا ان جدا

[amr_mabd]

يا باشا الفتيس تمام و العطل الوحيد في موديل 2005 بيبقي سلينويد فالف و بيتغير ب 700 او 800 غير كده مظهرش فيه مشاكل تاني بس اهم خاجه تكشف علي العربيه في التوكيل مش بنزينه

[sherifsewailm]

شكرا جزيلا amr_mabd

[Rsarabia]

مشكلة السولونويد فالف فى كل موديلات الميجان لانه نفس المكونات مفيش اى تغيير + فى عضو معاه فلوينس كان قال ان ظهرت المشكلة معاه و غيروله الفالف فى الضمان

[Rsarabia]

من الاّخر لو عاوز تركب فرنساوى هاتها زيرو و بيعها عند 60 الف كيلو و للأسف هتخسر كتير من فلوسها
بعد كدا بيبدأ المشاكل تظهر و كل الاوروبى كدا بلا استثناء

[Shiref_mohamed]

من الاّخر لو عاوز تركب فرنساوى هاتها زيرو و بيعها عند 60 الف كيلو و للأسف هتخسر كتير من فلوسها
بعد كدا بيبدأ المشاكل تظهر و كل الاوروبى كدا بلا استثناء

اوروبي ايه ده حضرتك الي مشاكله بتظهر بعد 60 الف ؟؟؟؟
يبقى على كده بقى وقياساً على كلام حضرتك الكوري مثلاً مشاكله بتظهر بعد 5000 كم
وكده بقى الواحد يشتري عربية ويبيعها كل شهرين