Tweet
يا جماعه انا العربيه من فتره بدات وانا ماشى ترعش وتقطع فى السحب وانا واقف تبدا العربيه ترعش جامد ثم تبطل راحت الميكانكيون العرب اقسم بالله العربيه قعدت عندهم اكتر من 20 يوم ومعرفوش يوصلو لحل اتخنقت ورحت سحبت العربيه اخدو منى 350 جنيه ال ايه تنضيف منفل وتظبيط التكيف ثم 140 جنيه بوجيهات اتخنقت سحبت العربيه ورحت لميكانيكى تانى ولسه مش عارف بس فى واحد قالى انه العيب ده ظهر معه وطالع من حساس الكرنك لو حد ممكن يسعدنى يا جماعه ارجوكم
-
-
اه العربيه 2004 1200 سى سى عمله 83 الف -
السلام عليكمالمشاركة الأصلية كتبت بواسطة seeika مشاهدة المشاركة
غريبة أوي إنها قعدت 20 يوم في الميكانيكيون العرب ومعرفوش العيب!!؟؟؟؟؟....طيب لما روحت سحبتها قالولك إيه؟؟؟؟؟؟
سؤال...هي العربية بتغيب في الدوارة؟؟...لو عيب في حساس الكرنك هاتغيب معاك في الدوارة بس هاتمشي معاك كويس...غير كدة أكيد المركز كان إكتشفها!!؟؟
إنت الميكانيكي بتاعك متخصص رينو؟؟؟....لو مش متخصص روح بسرعة خدها ووديها للميكانيكي بتاعي...هو إسمه محمد الشرقاوي ودة موبايله 0104667284[CENTER][B]قال رسول الله صلى الله عليه وسلم " لا تزال طائفة من أمتي ظاهرة على الحق حتى تقوم الساعة "[/B] [/CENTER]Comment
-
ما هو احنا قلنا الكلام ده من قبل كده
وطلع اني مش عارف ايه وبتلكك والكلام ده
اهه واحد من ملاكها وبيقول انه راح بيها لعز العرب ومعرفوش يعملو حاجه حاجه وعشرين يوم كمان
نفس المشكلة العربيه تقطع
وانا قلتها قبل كده
ولكن انا مش من ملاك العربيه حتى لو عارف العربيه وبركبها
يبقى مينفعشي كلامي يبقى صح
للأسف الناس ساعات مبتحبش تشوف الحقيقة لنها مش عاوزاها
ربنا يكون في عونك وان شاء الله يكون خير لك بإذن الله
وربنا ييسرلك امرك بإذن الله[SIZE="5"][CENTER][COLOR="Teal"][SIZE="4"]عن أبي هريرة قال :[/SIZE][/COLOR]
[COLOR="Olive"]قال رسول الله صلى الله عليه وسلم :[/COLOR]
[COLOR="Purple"]إذا قال الرجل لأخيه :جزاك الله خيرا ، فقد أبلغ في الثناء[/COLOR][/CENTER][/SIZE]Comment
-
وحدة وحدة يا أبوعبد الله عشان الراجل مايطخدشالمشاركة الأصلية كتبت بواسطة أبو عبدالله مشاهدة المشاركة
...ربنا يسهل إن شاء الله ويحل المشكلة
[CENTER][B]قال رسول الله صلى الله عليه وسلم " لا تزال طائفة من أمتي ظاهرة على الحق حتى تقوم الساعة "[/B] [/CENTER]Comment
-
يا أبو عبد اللهالمشاركة الأصلية كتبت بواسطة أبو عبدالله مشاهدة المشاركة
الراجل راح للميكانيكيون العرب مش عز العرب ( اللى هو ملهوش دعوة أصلاً ب رينو )
الميكانيكيون العرب للى ميعرفش هو توكيل معتمد يعنى مش زى التوكيل العادى التوكيل العادى موجود فى المقطم والعبور فقط وأتحدى أن صاحب العربية يوديها هناك ويقولوله مش عارفين فيها أيه.
ثانياً كل العربيات بلا أستثناء بيبقى فيها مشاكل وأحياناً مشاكل غريبة
أنا كان معايا قبل الميجان أوبل فيكترا حصل فيها مشكلة فى علبة الدركسيون........عارف حضرتك غيرتلها كام علبة مستعملة ( برة التوكيل ) وكام علبة جديدة ( فى التوكيل ) ؟؟؟؟؟؟؟
3 مستعملين كل لما واحدة تركب متكملش يوم وتجيب زيت
1 جديدة وضربت برضه قبل ما يعرفو العيب كان منين ( مطلعش عيب فى العلبة أصلاً اللى كان بيخليهم يضربو )
هل ينفع كده نقول أن الأوبل دى عربية وحشة ؟؟؟؟
لو حضرتك بتتابع منتدى متسوبيشى كنت هتلاقى موضوع أو 2 أمبارح كان الناس بيشتكوا فيه من سخونية الفرامل اللى بالتالى بتأثر على أداء الفرامل
لو حضرتك بتتابع منتدى شيفورليه هتلاقى ناس بتشتكى من الأفيو أن ال RPM بتاعها بيعلى لوحده
لو حضرتك شفت برضه من كام يوم كان معانا زميل مش فاكر أسمه معاه عربية سوبارو قديمة وكان عاوز يغير العربية فقال يجرب عربية عمه الكورولا ( 2005 أو 2006) العربية عجبته جداً فى كذا حاجة بس مشكلتها معاه أنه كان ماشى على 120 كم فى طريق المطار والعربية كانت بتروح من حارة لحارة لوحدها حسب كلامه
ده طبعاً غير أن زى ما حضرتك عارف الدايهاتسو فى ناس بيشتكو من مشاكل فيها
فى حاجة ممكن تخليك تصدق أن البلد دى أصلاً بلد أشاعات وفى أغلب الأحوال اللى بيدلو بدلوهم فى حاجة مبيكونش ليهم علاقة بيها
عربية حضرتك سيريون صح ؟؟؟
كام مرة حاولت تقول للناس أن العربية واسعة والناس مفترضة أنها عربية ضيقة لمجرد أنها عربية صغيرة ؟
مع أنها فعلاً عربية واسعة
كل اللى أنا كتبته ده عشان أقولك بس أن معظم العربيات بيبقى فيها عيوب ومش معنى أن واحد ظهرت معاه مشكلة و التوكيل المعتمد معرفش يشخصها يبق العربية دى عربية وحشة و متتركبش .
ولو حضرتك عاوز أقولك على أنواع عربيات أكتر يكتيير فيهم مشاكل أنا معنديش مشكلة....بس أنت تأمر :)
كل عام و أنتم جميعاً بخير[CENTER][COLOR=Blue][B][SIZE=4]يا بلادى يا بلادى.........أنا بحبك يا بلادى[/SIZE][/B][/COLOR]
[/CENTER]Comment
-
تاااااااااااااااااني!!!!!
يا جماعة أرجوكم عايزين نحل مشكلة الراجل والحوار لم ولن ينتهي بشىء....فياريت نحاول نساعد الراجل عشان ممكن نشوفلها حل في توكيل المقطم ( كلم رجالتك يا أحمد ) لعل وعسى لو طلع نفس المشكلة الي موجودة عند قريب أبو عبدالله يستفاد بالحل هو كمان
[CENTER][B]قال رسول الله صلى الله عليه وسلم " لا تزال طائفة من أمتي ظاهرة على الحق حتى تقوم الساعة "[/B] [/CENTER]Comment
-
الف الف شكر على المشاركه يا اخونا
انا لما سحبت العربيه من الميكانيكيون العرب حسيت انهم عايزين يغورونى قاللولى روح لحد بتاع شكمانات و70 فى المايه العيب شكمان والله اكتر من عشرين يوم بالنسبه لتوكيل المقطم انا راحت بس مردوش يدخلو العربيه قالو ان التبلوه بتاع العربيه بتاع عربيه 1400 سى سى والعربيه ديه 1200 سى سى وده نظام توكيل ومش هتدخل شوفى يا اخونا والله العظيم انا اتبهدلت وطلع عينى خصوصا فى الميكانيكون العرب ده يا راجل راحت فى مره اكلم المهندس ان كده مش هينفع والعربيه طولت لقيت العربيه مركونه فى الشارع بره التوكيل ولما سالته قال لسه طالعه حالا حاجه تقرف يعنى انا وطنى جدا جدا يا جماعه انا كنت لاعب فى منتخب مصر فى احدى الالعاب الفرديه وبحب بلدى بس بجد مفيش ضمير عند كتير من الناس بس بالنسبه لحساس الكرنك واحد لسه بيقول كان عنده نفس المشكله وطلع حساس الكرنك ودفع للميكانيكى 150 جينه ميكانيكى انتو عارفينه ايمن اسعد بس العربيه مش بتغيب فى الدواره هى بترعش جامد وبتبرجل وبتقطع وتكتم احيانا وانا ماشى وبعدين تمشىComment
-
اهم شى عايز اقولو وربنا شاهد عليها فى مركز معتمد فى شارع فيصل عند محطه التعاون اسمه محمود عثمان والله الميكانيكى اللى عنده هو السبب فى كل اللى بيحصل فى العربيه راحت عنده عشان اظبط التكيف مع العربيه السحب بيتقل زياده شويه المهم راحت دخل على الجهاز القرع ده وقعد يلعب فى العربيه والله من بعدها على طول العربيه بدات فى القصه ديه الميكانيكى ده اسمه عبده ولما كلمته قالى هتها راحت لقيت المهندس ده محمود عثمان قالى اصل ممكن تكون عايزه ديفيره وكنستر قلت ايه رجعو قالو اه كنستر لا سليم يبقى دفيره المهم عمله الواجب الله لا يسمحهم ومشيت سواح فى الدنيا بالعربيه مفيش ضمير يا اخونا الا من رحم ربى وانا باكلام ده لا اقصد تشويه سمعه احد والله ده اللى حصلComment
-
ربنا معاك يا باشا
أنا كلمتلك واحد أعرفه فى المقطم بس للأسف مردش عليا هحاول أكلمه تانى أن شاء الله
هو أيمن مومو ممكن يحللك المشكلة دى أنا عارف أنه يعرف حد فى أمبابة بتاع رينو بس
هكلملك أيمن أعرفلك هو فين[CENTER][COLOR=Blue][B][SIZE=4]يا بلادى يا بلادى.........أنا بحبك يا بلادى[/SIZE][/B][/COLOR]
[/CENTER]Comment
-
الف شكرا يا استاذ احمد على اهتمامك بلاش بتاع امبابه لانى عارفه ورحت ليه هو اسمه الحاج محمد بليله هو معروف بس معرفش يعمل حاجه ياريت حد فى المقطم الف شكر على اهتمامك مره اخرىComment
-
هو إيه يا باشا موضوع الطبلوه بتاع عربية 1400 مش 1200 ؟؟؟؟.....في الفول أوبشن مفيش فرق بين الإتنين إلا لو أوتوماتيك طبعاً! يعني لو ركبت دي أو دي مش هاتعرف الفرق إلا من الباكيت الي على الجنب ( 1.4 16v ) أو لما تفتح الموتور
إنت جايب عربيتك من الزيرو؟؟[CENTER][B]قال رسول الله صلى الله عليه وسلم " لا تزال طائفة من أمتي ظاهرة على الحق حتى تقوم الساعة "[/B] [/CENTER]Comment
-
لا العربيه مستعمله جبتها من حوالى 7 اشهر المرعب ان في حد قالى ممكن تكون العربيه عامله حادثه بس سالت حد تانى بيفهم قال لا ده كتير بيحصل من المستوردين عشان موضيع كتير زاى الجمارك مش عارف حاجات كدهComment
-
يا أخي والله ربنا يعينك وتحل مشكلتك إن شاء الله....معلش إستحمل..أنا عارف الشعور الي إنت بتمر بيه..بس ربنا يسهل وأحمد يوصل للرجالة بتوع المقطم[CENTER][B]قال رسول الله صلى الله عليه وسلم " لا تزال طائفة من أمتي ظاهرة على الحق حتى تقوم الساعة "[/B] [/CENTER]Comment
-
بص يا اخي الموضوع دا كان بيحصل معايا بس الحمد لله وصلت للحل
أول حاجة بص علي طرمبة البنزين مكانها تحت الكنبة الخلفية شوفها شغالة ولا لا ( لف المفتاح لحد اللمبات متنور اخر تكة اللي قبل الدوارة متدوسش للاخر وتدور وحاول تسمع صوت الطرمبة او قعد حد ورا يسمعهالك )خلي بالك ساعات بتعلق يعني ممكن تكون شغالة وبعد شوية تلاقيها طفت (بتعلق يعني) فجرب كذا مرة بس سيب وقت بين المرة والتانية عشان مفيش حاجة تبوظ.
يعني مثلا العربية قعدت تعمل معايا الموضوع دا بتاع اسبوع ومقدرتش احدد العيب فين لحد ما العربية وقفت معايا في طريق سفر واضطريت اني اقطر العربية .
بص هو انا اشك ان العيب يكون فيها ومكتشفوهوش في مركز الصيانة بس جرب مش هاتخسر حاجة .
لو طلعت الطرمبة بايظة قولي عشان الطرمبة لوحدها مبتتبعش لازم تغير القلب كله غالي .
في حل رخيص بس اتاكد الاول بايظة ولا لا وهاقولك علي الحل .
كنت هاقولك تبص علي البوجيهات بس انت بتقول انهم غيروها في مركز الصيانة معلش بص عليها برض احتياطي.
جرب كدة وقولي اية النتيجة .[CENTER][SIZE=6][B][COLOR=Sienna]سبحان الله وبحمده ... سبحان الله العظيم[/COLOR][/B][/SIZE]
[/CENTER]Comment
Comment