إعـــــــلان

Collapse

.

,
See more
See less

محتاج رأى وحوش الميجان ضرورى

Collapse
X
 
  • Filter
  • الوقت
  • Show
Clear All
new posts

  • محتاج رأى وحوش الميجان ضرورى

    السلام عليكم انا كنت اشتريت ميجان توب لاين 2006 بس لما روحت التوكيل قاللى على شوية حاجات فيها بصراحة عقدتنى و لأنى مافهمش فى العربيات كويس رجعتها لصاحبها و هو معرفة و قولتله على اللى فيها و اديته التقرير بتاع التوكيل ... نيجى للحاجات اللى التوكيل قال عليها :

    1- رشح للزيت أسفل الموتور

    2- صوت المارش غير طبيعى ( خشن شوية )
    3- عزم الموتور و الجير ضعيف

    دول اول 3 حاجات فى الخانة اللى ملونة احمر


    بعدها فى الخانة الصفرا


    1- الشكمان ملحوم

    2 - تغيير اربع مساعدين (مع ان العربية ماشية زى الفل و مش حاسس بمشكلة فيهم)

    و شوية حاجات كتيييييير مش فاكرها بس اول تلات حاجات قفلونى من العربية


    بينى و بينكم العربية حلوة و داخلة دماغى بس الحاجات اللى فيها قلقانى


    صاحبها قاللى انا هاخدها و اروح لميكانيكى معرفة و ارد عليك ( ده بعد ما استلمت فلوسى كاملة) الراجل محتلام جدا بصراحة .


    المهم رد عليا يومها بالتالى

    1- تغيير كويل الموتور
    2- فيشة حساس الجكمان كانت واقعة تم تركيبها
    3- فلتر البنزين اتغير و طرمبة البنزين ايضا .. قاللى انه ده سبب قلة عزم الموتور و ما لهوش علاقة بالجيربوكس

    اه نسيت اقولكم .. و احنا ماشيين العربية دايرة بس تدوس بنزين ما تطلعش جبتها على n و كاركت بنزين جمعت و رجع الفتيس على d مشيت العربية .. و لما قولتله ده جيربوكس قاللى لا ده من الموتور


    انا طولت عليكم .. بس بصراحة محتار العربية عاجبانى قوى مش عارف اعمل ايه


    أخوكوا محتار يا وحوش اعمل ايه ؟



  • #2
    هو طالب فيها كام لان ده الحكم لو طالب عالي يبقي تدور علي حاجه افضل اما لو السعر معقول تبقي حلوه و استني الوحوش برضه و ربنا يوفقك
    [CENTER][B][FONT="Comic Sans MS"]مصري و أبتكر [/FONT][/B] [/CENTER]

    Comment


    • #3
      هو طالب 63 ألف و العربية عاملة 140000

      بس ايه رأيكم بالنسبة للمشاكل الموجودة فيها ... و هل ليها علاقة بالجيربوكس علشان واحد صاحبى قاللى انها كده ممكن تجيب جيربوكس قريب

      و الله انا محتار

      Comment


      • #4
        إيه يا رجالة 65 مشاهدة و منفضين كده ليه .. ده انتم السبب انى هاجيب الميجان
        فى أول موقف تبيعونى كده !!!!!!!!!!

        Comment


        • #5
          بص من وجهه نظري المتواضعه ان كل اللي فوق ده حاجات استهلاكيه فيما عدا موضوع عزم الموتور و الفتيس ده الحاجه الوحيده اللي متعديش كده لان ده كفيل لو فعلا عيب في الفتيس انه يكرهك في العربيه انما الباقي كله حاجات استهلاكيه يعني المساعدين و الزيت و المارش وارد انه عايز شربون و في الاول و في الاخر دي حاجه ترجعلك و برضه استني رأي الوحوش و غالبا هما صايمين فهيغيبوا سيكه علي ما يردوا بس هيجيبوا من الاخر و ربنا يوفقك
          [CENTER][B][FONT="Comic Sans MS"]مصري و أبتكر [/FONT][/B] [/CENTER]

          Comment


          • #6
            كده يبقى فيها مشكله فى الفتيس وده كان نتيجه الاهمال فى تغيره فابعد عنها احسن وشوف حاجه انضف علشان تبقى مرتاح وماتتبهدلش مع الصنايعيه كل شويه
            eleanor

            Comment


            • #7
              الف شكر للاخوة اللى ردوا عليا ... بس فى سؤال
              ممكن الموتور يأثر على الفتيس فى حاجة ؟

              ثانيا عزم الموتور ممكن يكون ليه اسباب تانية غير الفتيس ؟

              و شكرا مرة تانية للوحوش

              كنت هانسى .. فى حد قدامه ميجان 2006 - 2007 حالتها نضيفة توب لاين .. طبعا مش محتاج أوصيكم انا من اسكندرية .. و أكون شاكر ليكم

              Comment


              • #8
                يااااااااااااااااه ابن جيهه يعني
                ده انا علشان اجيب اللي معايا لفيت جراجات اسكندريه كلها و لقيت اللي معايا في جراج في سموحه
                و كان في كام واحده في جراجات مصطفي كامل بس انت عايز تاجر معرفه يعرف السكك بتاعت الناس دي
                و ربنا يوفقك و تلاقي حاجه محترمه و علي فكره هتلاقي اسعار اعلي سنه من سعر اللي انت كنت هتجيبها
                [CENTER][B][FONT="Comic Sans MS"]مصري و أبتكر [/FONT][/B] [/CENTER]

                Comment


                • #9
                  و الله يا أستاذ dedo أنا تعبت بس إيه حكاية الجراجات دى مش فاهمها ( أخوك جديد فى موضوع العربيات ) ؟
                  و هو فعلا فيه تاجر معرفة بس انت عارف هوة تاجر برضه . موضوع الثقة ده عاملى صداع ؟

                  وبصراحة قرت أيأس من موضوع العربية ده ... و علشان أكون واضح و من غير ضحك ...
                  لو ركبت حاجة غير الميجان مش هاتبسط .. بصراحة انا جربت العربية و حاسس فيها بفخامة و اوبشن مش موجود فى عربية تانية نفس الفئة .

                  انا بقيت مدمن ميجان و محتاج أتعالج هههههههههههههههه

                  ربنا يسهل إدعولى ألاقى حاجة نضيفة ... و من قدم شئ بيداه ألتقاه ... وكل سنة و انتم طيبيين

                  Comment


                  • #10
                    بص بيبقي تاجر ليه علاقه بالسايس بتاع الجراج و السايس من تعامله مع صاحب العربيه بيبقي عارف مين بيبيع و مين لا و دي عامله ايه و صاحبها عامل ازاي في السواقه و الصيانه و كده و بتبقي اسعارها حلوه و بتبقي مضمونه اكتر ما تاخدها من تاجر ملصمها علشان تتباع ....... و علي فكره ممكن انت لو جنبك جراجات كبيره تسأل السايس و تفهمه ان نسبته محفوظه و هو هتلاقيه يا اما بعتك لسايس عنده طلبك يا جابهولك هو و المهم لو اتو اكشف توكيل قبل ما تدفع جنيه فيها بالاتفاق مع صاحب العربيه
                    [CENTER][B][FONT="Comic Sans MS"]مصري و أبتكر [/FONT][/B] [/CENTER]

                    Comment


                    • #11
                      ألف شكر على الردود يا أستاذ dedo انت عارف ولاد الجيهة مالهمش غير بعض
                      و الاسكندرانية بيثبتوا كل مرة اننا أجدع ناس

                      رربنا يبارك لحضرتك و ألف شكر مرة تانية ...

                      ربنا يسهل بالعربية علشان الواحد يريح دماغه من رحلة البحث دى .

                      أه نسيت أقولك صاحب العربية اللى كنت رجعتها كلمنى تانى و نزل فى السعر بقيت 59000 و بيقوللى ان الفتيس بتاعها ممكن يتغير لو مضايقنى و يعمل حوالى 4000 جنيه ايه رأيك فى الموضوع ده ؟

                      Comment

                      Working...
                      X