لمبة abs + رسالة check gearbox

[إبراهيم المصرى]

لمبة ال abs + و رسالة check gearbox كانت بتطلع فجأة وتروح لوحدها واخر حاجه كشفنا بالكمبيوتر وقال بص على بلى العجلتين الامامين وكان ادمنا حاجة من اتنين اما تغير البلى او الشمعدانين بالكامل ونفس التكلفه لان البليه ب 300 وكبسها 50 يعنى الاتنين يكلفو حوالى 700ج والشمعدانين استيراد ب 700 بالتركيب المهم ركبنا الشمعدانين وبعد التجربه والمشاوير تانى يوم نورت روحتله المهم كشفنا طلعت مسجلة عجله شمال وفى الاخر طلع المشكله فى الحساس وغيرناه وبقالها يومين منورتش ربنا يسهل ومتنورش

[Ahmed Amin]

طب كان أيه علاقة الشمعدان أول مرة بالمشكلة !!!!!!!!
مين اللي شخص لك التشخيص دا.؟!

الشمعدان دا كتلة حديد مش واصلها أي حاجة ألكترونية عشان يديك رسالة عال شاشة,
وبيركب عليه الجنط وبيمسك في المقص والمساعد ودراع التوجية عشان تلف العجل وبيعدي منه الكوبلن عشان يمشي العربية,, يعني مكنش ليه دعوة بالرسالة ولا الليلة دي.

أنهي حساس اللي غيرته ومكانه فين بالظبط ؟

[إبراهيم المصرى]

طب كان أيه علاقة الشمعدان أول مرة بالمشكلة !!!!!!!!
مين اللي شخص لك التشخيص دا.؟!

الشمعدان دا كتلة حديد مش واصلها أي حاجة ألكترونية عشان يديك رسالة عال شاشة,
وبيركب عليه الجنط وبيمسك في المقص والمساعد ودراع التوجية عشان تلف العجل وبيعدي منه الكوبلن عشان يمشي العربية,, يعني مكنش ليه دعوة بالرسالة ولا الليلة دي.

أنهي حساس اللي غيرته ومكانه فين بالظبط ؟

بص يا باشا الحساس متوصل بالبليه ولو البليه مبوشه الحساس مش بيشتغل فالعيب بيبقى نتيجة حاجة من الاتنين اما البلية او الحساس
فلو العيب فى البليه ممكن نجيب بلية جديده ونكبسها فى الشمعدان لانها بتكون راكبة فى الشمعدان واما نجيب شمعدان استيراد بالبلية بتاعته وفى الحالتين التكلفة حوالى 350ج وممكن توصل ل 400ج فى حالة البلية الجديده لان فى مصنعية خراط ومصنعية الميكانيكى
وبالنسبة لمكان الحساس هو راكب بفيشه مباشرة على البليه وسبق وجربناه والمشكله مش بتتحل وكانت الرسالة دايما بتظهر بعد مشوار اما المشكله لو فى الحساس بتظهر فوراً كل ده حسب ما انا فاهم وشوفت وشكراً على ردك والاهتمام

[odod]

حصلت معايا نفس المشكلة برده وانا ماشى بلاقى لمبة ال abs مع checkgearbox اقف وابطل وادور تفضل موجودة برده واول متحرك بالعربية الاتنين يطفوا و 5 دقايق وينورو تانى وكمان احيانا بلاقى العربية مبتنقلش او بتغيب فى النقلة
ياريت حد يقدر يساعد

[إبراهيم المصرى]

حصلت معايا نفس المشكلة برده وانا ماشى بلاقى لمبة ال abs مع checkgearbox اقف وابطل وادور تفضل موجودة برده واول متحرك بالعربية الاتنين يطفوا و 5 دقايق وينورو تانى وكمان احيانا بلاقى العربية مبتنقلش او بتغيب فى النقلة
ياريت حد يقدر يساعد

بص يا باشا من خلال تجربتى حاجة من اتنين :
1 - اما حساس ال abs
2 - بلى العجل
ولتحيد العيب بدقة اكشف بالكمبيوتر علشان تعرف انهى عجلة بالظبط مثلاً يمين ولا شمال وورا ولا ادام
وعلى فكرة ممكن اوى تكون فيشه ايه بى اس فى عجله من الاربعه مهزوزه
و ان شاء الله بسيطه ,تبقى تقولنا عملت ايه وبالتوفيق

[gym1974]

استاذ ابراهيم ازى حضرتك ممكن تقييم سريع للميجان كده من حضرتك وهل تنصح بشرائها ام لا لأنى متابع مواضيع حضرتك ومن الواضح انك عملت شغل كتير فى العربية اليومين اللى فاتوا وهل هذة السيارة لو اهتميت بيها وبمواعيد الصيانة تكون اعتمادية واخبار التكييف ايه وثبات العربية عامل ايه وهل مريحة فى السفر معلشى طولت على حضرتك

[odod]

ابراهيم باشا ... ربنا يخليك ياريس وهوه اكيد زى مانته بتقول كده ... بس معندكش فكرة بقة اسعار الحاجتين دول ايه
وإن شاء الله هروح النهارده واقولك عملت ايه ؟؟؟
ومعلش هتقل عليك لو تعرف اسعار الفتيس بتاع الميجان 2 عامل كام عندك ؟؟؟يبقى تمام

[odod]

تمام يا ابراهيم باشا
روحت النهارده وحتطها على الجهاز طلع الحساس اللى فى العجلة قدام شمال وعمل الفيشه بتعته كانت واسعة باين
بس تفتكر ان كده خلاص تمااام يعنى ؟؟؟
وشكرا ليك مرة تانية

[إبراهيم المصرى]

استاذ ابراهيم ازى حضرتك ممكن تقييم سريع للميجان كده من حضرتك وهل تنصح بشرائها ام لا لأنى متابع مواضيع حضرتك ومن الواضح انك عملت شغل كتير فى العربية اليومين اللى فاتوا وهل هذة السيارة لو اهتميت بيها وبمواعيد الصيانة تكون اعتمادية واخبار التكييف ايه وثبات العربية عامل ايه وهل مريحة فى السفر معلشى طولت على حضرتك

استاذ gym1974 متشكر على زوقك
بالنسبه لتقيمى للميجان من خلال تجربتى لها كعربية اخى سافرت بيها مرتين الاسماعليه وبنى سويف ومشاوير كتير فى البلد وخبراء قسم الرينو وملاك الميجان ممكن يقيموها افضل منى لكن هقولك اللى انا شايفه .
بشكل عام العربيه تحفه انا شخصياً عجبانى جداً ومن ناحية الثبات خرافى جبت بيها 170 ك 180 عادى جداً كأنك ماشى 90 ك 100ك وانا بقولك كده وانا من ملاك الاوبل وما ادراك ما ثبات الاوبل
فراملها ممتازه وابى اس ممتاز واحساس ال ابى اس بتاعها غريب
وبالنسبه للراحه حكايه واضح ان الرينو كده والميجان بالاخص ممتازه وبالاخص ورا الاولاد عجبتهم جداً فى السفر مع انهم متعودين على الاوبل والاوبل ممتازه لكن عجبتهم الميجان جداً المقاعد الخلفيه فى الميجان vip والمخدع اللى فى النص مديها فخامه غير عاديه والستاير الفابريكه اللى نازله بيهم
بالنسبه للتكيف كويس بس مش زى اليابانى والكورى بس اللى لاحظته ان المخارج الخلفيه ممتازه بتخلى اللى قاعد ورا يحس بيه قبل اللى قدام
اما بالنسبه للصيانه فهى مش سهله لان مش اى حد يشتغل فيها لانه لازم حد فاهمها اوى فلو مكنش فى التوكيل لازم مركز محترم متخصص زى فى صقر قريش او جمال القاضى فى الحرفيين السلام
بالنسبه للشراء لو مكنتش العربيه حالتها كويسة جداً وسليمه وكيلو متر قليل وصيانة محترمه يبقى بلاش
واى خدمه معنديش مشكلة

[إبراهيم المصرى]

ابراهيم باشا ... ربنا يخليك ياريس وهوه اكيد زى مانته بتقول كده ... بس معندكش فكرة بقة اسعار الحاجتين دول ايه
وإن شاء الله هروح النهارده واقولك عملت ايه ؟؟؟
ومعلش هتقل عليك لو تعرف اسعار الفتيس بتاع الميجان 2 عامل كام عندك ؟؟؟يبقى تمام

معلش انا اسف انى اتأخرت عليك فى الرد بالنسبه لبلى العجل بيكلف فى حدود 350ج لان البليه ب 300ج وكبسها عند الخراط 50ج والشمعدان كامل بالبلية استيراد 350ج اما الحساس مغيرتوش فمش عارف بكام اما سعر الفتيس كام ممكن اسألك لو تحب

[إبراهيم المصرى]

تمام يا ابراهيم باشا
روحت النهارده وحتطها على الجهاز طلع الحساس اللى فى العجلة قدام شمال وعمل الفيشه بتعته كانت واسعة باين
بس تفتكر ان كده خلاص تمااام يعنى ؟؟؟
وشكرا ليك مرة تانية

ان شاء الله تمام وميحصلش حاجه تانى بس خليك متابع ولو لاقدر حصل حاجه تانى ارجعله لحد المشكلة ما تنتهى وربنا يسترها معانا جميعاً

[gym1974]

الف شكر استاذ ابراهيم لذوق حضرتك وردك على مشاركاتى تحياتى لحضرتك

[odod]

للاسف يا استاذ ابراهيم عملتها تاني النهارده الصبح وانا رايح الشغل ...،، حاجة تقرف والله ربنا يستر بقه

[إبراهيم المصرى]

الف شكر استاذ ابراهيم لذوق حضرتك وردك على مشاركاتى تحياتى لحضرتك

العفو يا باشا بعض ما عندكم

[إبراهيم المصرى]

للاسف يا استاذ ابراهيم عملتها تاني النهارده الصبح وانا رايح الشغل ...،، حاجة تقرف والله ربنا يستر بقه

يا باشا متزعلش عادى ارجعله وخليه يغير الفيشه وجرب لو عملتها تانى غير البلى او الشمعدان وكويس ان الموضوع محدد فى عجله واحده