مشكلة في البور للي عنده نصيحة

[أنصار السنة]

السلام عليكم
انا عندي كليو 2002 المهم للاسف اديت العربية لحد قريبي فضلت عنده 3 ايام
المهم رجعت لي السيارة والدريكسيون حركتة وكأنك بتحرك حجر كبير جدا بالكاد يتحرك يمين او شمال
المهم انا فتحت كبوت العربية بصيت كدا على السيور لقيت في سير مش موجود واعتقد انه سير التكيف لاني شغلت التكيف لقيت ولا تكيف ولا اي حاجة ،
فهل هو سير التكيف هو نفسه سير الباور وانقطاعة هو للى عمل كدا وايه ممكن يكون سبب انقطاعة رغم اني مغير قريبا جدا مع سير الكتينة ولسه يادوب معملش 3000 كم
وهل السير بالسيارة في هذه الحالة يسبب ضرر للسيارة؟



وكان في مشكلة بتحصل معي منذه فترة عند عمل يوترن شمال وألف الدريكسيون لاقصي الشمال يحدث دربكة جامدة في السيارة وكأن شيء بيخبط في الارض بقوة جدا
المهم انا ورتها لعفشجي محترم كشف على كل اللى يعرفه في العفشة والدريكسيون وقال مش ارف في ايه ؟
المهم انا استشرت عمي وهو صاحب خبرة طويلة جدااااااااااا في السيارت وبعد ما قلتهل رجعلي بعد بعض ساعات وقالى انا عمال افكر في الموضوع بتاعك وقالي العيب هيكون في البور
فهل من نصيحة او معلومة وجزاكم الله خيرااااااااااااا

[sammor_28]

طبعا سبب الثقل هو سير الباور
اللي هو سير التكييف
واعتقد لو مشيت بالعربيه كده ممكن تحرق طرمبه الباور والله أعلم
نقطه الدربكه دي مش هقدر افيدك فيها وانتظر برضه رأي باقي الأعضاء

[Mecha]

You will not burn the power steering pump
as there is no belt fitted
The drive would be heavu and unsafe

Just fit new belt and adjust tension
Check and fill atf oil
Check for any leaks or air going into the system

[Ahmed_Ramadan]

السبب فعلا السير و عدم وجوده مش بيأثر على الطلمبة لأنها مش شغالة كده ... ركب السير و شيك على زيت الباور

[medohai510]

السلام عليكم،،،
أولاً سبب ثقل الدركسيون فعلاً أن سير الباور خرج من مكانه
لكن لازم تعرف السبب أية (قطع في السير - عيب في طمبورة الدينامو أو الكمبروسير أو طلمبة الباور) علشان ما تركبش واحد جديد وتخلع من مكانه تاني
يعني تخلي الميكانيكي يراجع علي الطبابير السابقة والشدادات ويركب سير نوعه كويس علشان لو نوعه وحش ممكن تخلع من مكانة
وعلي فكرة لا تخف علي طلمبة الباور ولا يحصلها أي حاجة لانها ببساطة مش شغالة أصلاً لكن التأثير علي البطارية لأن الدينامو هو مش شغال
والله الموفق

[أنصار السنة]

الله يجزيكم خير اخواني الكرام علي سرعة استجابتكم لاستفساري

لو حد عنده اي فكرة عن الجزء الثاني من السؤال ياريت يقولي
وجزاكم الله خير ا

[Ahmed_Ramadan]

الله يجزيكم خير اخواني الكرام علي سرعة استجابتكم لاستفساري

لو حد عنده اي فكرة عن الجزء الثاني من السؤال ياريت يقولي
وجزاكم الله خير ا

الصوت اللى عندك ده دربكة و لا طقطقة ؟؟

[أنصار السنة]

[QUOTE=Ahmed_Ramadan;3875154480]الصوت اللى عندك ده دربكة و لا طقطقة ؟؟[/QUOT



دربكة جامدة جدا والعربية تقريبا مش بتتحركا إلا بالعافية زكمان احيانا الغيار بيتلغي كمان وببقي في موقف صعب لان ساعتها بقبقي قاطع الطريق بالوضو ع دا