العربيه خشنه

[medo99_pc]

سلام عليكم

العربيه خشنه تحت رجلي مع اني لسه مغير فلتر هوا وبوجيهات من التوكيل
وده من فتره كبيره

وكمان بسمع صوت وانا بدوس فرامل مره واحده وكان ترس بيلف وصوته خشن والصوت في الفرامل ده مش بسمعه لو دوست فرامل بالراحه مع العلم اني مغير تيل فر التوكيل برده

ممكن بلية عجل ؟؟

[aldesha989]

خشنه فى المشى ؟

فى صوت من اول 40 ؟ افتح الشباك وامشى من 40 ل 60 ومور العربيه وحاول تسمع لو العربيه صوتها عالى عن المعتاد ممكن يكون بلى عجل

انا كان عندى بلى العجل مش خشن ده ماكنش فيه اساسآ كنت بسمع جرار بيتحرك لما بوصل 60 ولما تحاول تجيب 80 يا سلام كنت بتتعذب اصلآ

بصراحه موضوع الفرامل مش قادر اجمع من ايه ان شاء الله الشباب يفيدوك

[medo99_pc]

الخشونه في العربيه علي اي سرعه بدايه من وانا ماشي علي الاول لاحد ما فوق ال ١٢٠ مفيش فرق بالعكس انا بحسها خشنه تحت رجلي اوي علي سرعه منخفضه اكتر،

[medohai510]

مور العربية وحاول تمشيها بقوة يد واحدة لو أتحركت من مكانها يبقي الفرامل مفيهاش حاجة ولو سمعت صوت وأنت ممورها وهي ماشية يبقي بلي العجل

[Hany Saad]

سلام عليكم

العربيه خشنه تحت رجلي مع اني لسه مغير فلتر هوا وبوجيهات من التوكيل
وده من فتره كبيره

وكمان بسمع صوت وانا بدوس فرامل مره واحده وكان ترس بيلف وصوته خشن والصوت في الفرامل ده مش بسمعه لو دوست فرامل بالراحه مع العلم اني مغير تيل فر التوكيل برده

ممكن بلية عجل ؟؟

ممكن تكون ريجة فى الطنابير يعنى عالى و واطى و خصوصاً أن حضرتك بتقول فيه صوت مش حلو مع الفرامل....راجع منظومة التيل و الطنابير مرة أخرى حتى لو كنت مغير تيل فى التوكيل و أبقى طمنا عليك

[medo99_pc]

بصوا يا شباب.

العربيه لسه خشنه بس تم الأتي:


-- تيل الفرامل الخلفي كان خالص على الاخر وتم تغييره, مما ادى الي ظبط صوت الفرامل
-- شداد الفتيس كان مبوش شويه وتم تغييره مما ادي الى ظبط صوت العربيه ونقلات الفتيس
-- زيت الفتيس كان زياده شويه تم تقليله مما ادى الي ظبط نقلات الفتيس واصبحت اكتر نعومه
-- اكتشفت النهارده ان الجنط عندى اصبح بيضاوى مش دائري من كتر التكسيير اللى فى شوارعنا بس لسه بدور على حد يصلحه

المحصله ان صوت العربيه اتظبط شويه بس بعد ما اصلج الجنط ان شاء الله تبقى تمام دعواتكم.

[Ahmed Amin]

-- شداد الفتيس كان مبوش شويه وتم تغييره مما ادي الى ظبط صوت العربيه ونقلات الفتيس
-- زيت الفتيس كان زياده شويه تم تقليله مما ادى الي ظبط نقلات الفتيس واصبحت اكتر نعومه

شداد الفتيس دا تقصد بيه قاعدة الفتيس اللي تحت البطارية ؟
وزيت الفتيس كان زيادة أزاي, انت كنت حاطة او مزودة عن حد برة التوكيل ؟
كشفت عليه فين ؟

[كل دقيقة عضوية]

أيوة هى قاعدة الفتيس ومكانها تحت البطارية لسة مغيرها بنفسى من يومين

[كل دقيقة عضوية]

أنا معرفش بيقيسوا الزيت منين بالضبط

بس فى الفتيس من فوق فيه زى حتة عصا كدا بلاستيك من فوق وجسمها جلد شدتها لقيت ماسورة مفتوحة معرفش دى مكان تزويد الزيت ... واحتمال كبير يكون الزيت بيتقاس منها والله أعلم

[medo99_pc]

الشداد ده تحت العربيه مش تحت البطاريه, معرفش بالظبط اسمه ايه بس هو بيمسك الفتيس من تحت

اما الزيت انا كنت مغيره بالكامل بره من فتره كبيره مع سولونيد فالف

بس حاليا النتشه لسه موجوده مش عارف اعمل ايه :):)

[أبوحميض]

دا شداد الموتور .... وبيمسك الموتور فى جسم السيارة بيمتص الحركة الاهتزازية للموتور لورا ولقدام

شداد الفتيس بيبقى تحت البطارية وبرضه بيمتص اهتزازات الفتيس وهو بيبقى شادد الفتيس لفوق عن طريق عصا بتعدى وسط ا لشداد محاطة بالجلد لتشتيت الصدمات

[saddam]

العصاية البلاستك دي يا مواطن هي دي مقاس زيت الفتيس وبيتفحص تكون العربية سخنة شوية تجيب كل النقلات وبعدين ترجعه على بارك وتنزل تفحص وهي دايرة مش تفحصه والعربية مبطلة أما النتشة فليها أسباب كتير من سلوك البوجيهات للبوجيهات لشوية حاجات تانية جمبها مخدتش بالي أنا هي عربيتك إيه وموديلها مش باين عندي عشان فاتح من موبايل ودمتم للنضال