ياوحوش في حاجة محيراني

[megane_man]

ياوحوش في حاجة محيراني هو وزن الميجان كام لأني لقيته علي أحد المنديات قايل ان وزنها 1250 ولقيت وزن الأسكود 1290 في البورشور بتاع a5 ولو حولنا الحاجات الفيبر الي في الميجان الي صاج زي الأسكود هتبقي الميجان أتقل يعني الميجان أقوي من a5 أزاي لما معظم الناس بتقول أن a5 عربية جامدة والميجان ورق حد يفهمني الموضوع ده فرق القوي جاي منين ولا هو كلام وخلاص

[Ramy_Tantawi]

السلام عليكم.

الحقيقه الاوزان اللي حضرتك حاططها حسب ما قريت ودورت شويه كده لقيتها صحيحه تقريباً وزن الميجان حوالي 1200 كيلوجرام ووزن الاوكتافيا حوالي 1290 كيلوجرام ....الغريب بس في مقياس الوزن الاجمالي للعربيات هو المعايير اللي بتتقاس بيها وزن العربيه يعني في المنظمه الاوروبيه بيكون الوزن ده شامل وزن الموتور بالزيت بمياه الريدياتير بكل المعدات كامله + تانك البنزين فول + راكب واحد فقط ( وهنا الاختلاف ) المنظمه الاوربيه عندها وزن الراكب الداخل في الحسبه الاجماليه لوزن السياره وزن موحد قدره 75 كيلو جرام ........الاختلاف بيكون هنا ان ممكن مقياس تاني حاسب عنده الراكب اتقل شويه او تانك البنزين اكبر او غيره ..........خلاصة الرغي الكتير ده هو ان الوزن في رأيي لا يعول عليه ابداً حماية العربيه لركابها ولا متانة العربيه ( رأي شخضي غير فني )

رداً على رأي قائل وكثيراً ما يقول الميجان ورق في ورق.
الاجابه / الورق اللي في الميجان هو 2 رفرف امامي فقط لا غير واحد يمين وواحد شمال غير كده مافيش اي جزء فيبر ....وطبعاً كثيراً ما كتب عن فوائد الفايبر وعن تجربه شخصيه واعضاء كتير من ملاك الميجان يعلموا قد ايه الفايبر ده مفيد ومش ورق زي ما الناس متخيله .

طيب العربيه في المجمل صاجها ضعيف ؟ كلام على مسؤوليتي الشخصيه تعالوا نقارن صاج الميجان كابوت وابواب وشنطه بعربيات تانيه كتير ونشوف متانة الصاج وهل هي ورق فعلاً ولا لأ........الصاج محمل كويس جداً في الرينو بخلاف الدعامات اللي وراه لئن في حسبه بسيطه انا لا ادعي اني اعلمها لكن مش مطلوب ان الصاج يكون حديد مطلوب درجه متانه ومرونه في نفس الوقت لامتصاص الصدمات بقدر محسوب ويأتي دور الدعامات المحيطه بالكابينه الداخليه للسياره كاملاً لحماية الركاب .

في المجمل عاوز أقول ان الاوكتافيا عربيه محترمه ولا يختلف عليها اتنين وانا اعشق هذه السياره بجد والله مش مجامله لكن مش مقتنع بصراحه انها اقوى او امتن من الميجان حتى وان كان الصاج فيها اقوى فا ده لا يعني ابداً انها اقوى من الميجان .....وعلى فكره اختبارات الامن والسلامه بتقول ان الميجان حققت 5 نجوم والاوكتافيا 4 نجوم صحيح ده لا يعيب الاوكتافيا لكن اكيد مش اقوى أو اكثر أماناُ من الميجان طالما حققت نجوم اقل .

[megane_man]

مهو ده الي انا عاوز اوصله ان الميجان أقوي من الأوكتافيا وده الي ملاك الميجان فاهمينه وياريت الناس تفهمه انتعارفين لما قلت لأصدقاء لي ان الفرق بين وزن الميجان والa5 100 كيلو مكنوش مصدقين وأظن ان في ناس كثير هتستغرب لما تعرف الموضوع ده

[Megane]

مهو ده الي انا عاوز اوصله ان الميجان أقوي من الأوكتافيا وده الي ملاك الميجان فاهمينه وياريت الناس تفهمه انتعارفين لما قلت لأصدقاء لي ان الفرق بين وزن الميجان والa5 100 كيلو مكنوش مصدقين وأظن ان في ناس كثير هتستغرب لما تعرف الموضوع ده

السلام عليكم

لو قلت الكلام دة على المنتدى العام هتتفرم و مش حتلاحق على الرد .
للأسف سمعت العربية الميجان مش حلوة الوحدين إلى بيحبوها ملاكها. :smile:

[NaderNabil]

و مين شكك في ضعف الميجان؟؟؟؟

هو عشان بعض الناس اللي مش فاهمة لما لقت ان فيها شوية حتت فبر و قالوا ان العربية بلاستيك و ضعيفة يبقي خلاص الكلام ده أكيد؟؟؟!!

مش فيه حاجة اسمها euroNcap؟؟؟

الميجان واخدة 5 نجوم....و الاوكتافيا واخدة 4 نجوم!!!!!!!!

حاجة كمان....من امتي وزن العربية بيحدد متانتها و قوتها؟؟؟ ده دلوقتي أخف سيارات هي أمتن سيارات...عشان بيستخدم فيها الالومنيوم و مركبات الكاربون...اللي بتدي متانة رهيبة و في نفس الوقت وزن خفيف جدا....و هو ده اللي الشركات بتجري وراه...مش انهم يتقلوا عربياتهم عشان المصريين ينبسطوا:)

[megane_man]

السلام عليكم

لو قلت الكلام دة على المنتدى العام هتتفرم و مش حتلاحق على الرد .
للأسف سمعت العربية الميجان مش حلوة الوحدين إلى بيحبوها ملاكها. :smile:

مانا علشان كده قلته وسط منطقتي علشان الحماية

[Ramy_Tantawi]

و مين شكك في ضعف الميجان؟؟؟؟

هو عشان بعض الناس اللي مش فاهمة لما لقت ان فيها شوية حتت فبر و قالوا ان العربية بلاستيك و ضعيفة يبقي خلاص الكلام ده أكيد؟؟؟!!

مش فيه حاجة اسمها euroNcap؟؟؟

الميجان واخدة 5 نجوم....و الاوكتافيا واخدة 4 نجوم!!!!!!!!

حاجة كمان....من امتي وزن العربية بيحدد متانتها و قوتها؟؟؟ ده دلوقتي أخف سيارات هي أمتن سيارات...عشان بيستخدم فيها الالومنيوم و مركبات الكاربون...اللي بتدي متانة رهيبة و في نفس الوقت وزن خفيف جدا....و هو ده اللي الشركات بتجري وراه...مش انهم يتقلوا عربياتهم عشان المصريين ينبسطوا:)

صحيح لم اتقابل مع حضرتك يا استاذ نادر قبل كده ولم اعرفك ولم يحدث اي احتكاك مباشر بينا قبل كده لكن اسمحلي اقول بجد انك انسان محترم والله ومهذب ولا اخفي عليك انا كنت منتظر من حضرتك رد تاني معاكس تماماً لما قمت بكتابته لكن بجد ابهرتني بحياديتك التامه الداله على فهمك الممتاز للأمور دي وان امتلاك الشخص للسياره لا يعني ابداً اننا نحطها في السما مهما كان ده ممكن يكلفنا.....................

أستاذ نادر نبيل اسمحلي اسجل اعجابي بجد والله بحيادية ردك ومراعاتك لله وجزاكم الله كل خير أخي الفاضل وجعلنا دائماً سبب لمرضاته تعالى.

[bee]

مبدئيا الميجان عربية ممتازة جداااااااااوزي ما نادر قال واخده 5 نجوم يعني منشكش في متانتها
وموضوع الرفارف الفايبر ده يعبها في ايه ؟؟
الفايبر ده مادة ممتازة والمفروض ان كلنا عارفينها كفاية انه قابل للتصليح مهما حصل فيه .. العربية فوق الممتازة
في رأيي ع الاقل

[Hosam_Optrawy]

انا رأيى برضه ان الوزن مش مقياس
على فكره انا عربيتى اوبترا والوزن بتاع الاوبترا 1240
بس لما باركب الميجان بحس انها اتقل واثبت

[NaderNabil]

صحيح لم اتقابل مع حضرتك يا استاذ نادر قبل كده ولم اعرفك ولم يحدث اي احتكاك مباشر بينا قبل كده لكن اسمحلي اقول بجد انك انسان محترم والله ومهذب ولا اخفي عليك انا كنت منتظر من حضرتك رد تاني معاكس تماماً لما قمت بكتابته لكن بجد ابهرتني بحياديتك التامه الداله على فهمك الممتاز للأمور دي وان امتلاك الشخص للسياره لا يعني ابداً اننا نحطها في السما مهما كان ده ممكن يكلفنا.....................

أستاذ نادر نبيل اسمحلي اسجل اعجابي بجد والله بحيادية ردك ومراعاتك لله وجزاكم الله كل خير أخي الفاضل وجعلنا دائماً سبب لمرضاته تعالى.

يا أستاذ رامي....كلامك بيسببلي احراج شديد....انا ماقولتش حاجة تستاهل كل ده
انا بس بحب انظر للأمور من بره الدايرة اللي انا عايش فيها...و أكيد الصورة بتبقي أوضح

شكرا علي كلامك يا أستاذ رامي و كل سنة و حضرتك طيب:)

[Abo_Lina]

مالهاش علاقة خالص بتقل و خفة العربية المهم تصميم الهيكل و طريقة انهياره في الحادث و هل البدالات تحركت و عملت اصابات للارجل و هل الدركسيون تحرك و دخل في صدر السائق و طبعا توفر الاكياس الهوائية..مالهاش علاقة خالص بوزن العربية..

[Mohd_Adel_Amin]

على فكرة صاج الميجان أقوى من معظم العربيات اللي نازلة في نفس الفئة
أنا بعد الشر عنكم حصلي حادث بعربيتي الميجان 99 مع تاكسي فيات التاكسي اتمرمط مع انه هوه اللي كان خابطني في الجنب وأنا العربية رفرفها اطبق لجوه تطبيقة بسيطة ولما جيت استعدلها السمكري قاللي الصاج متعب جدا (لأنه استعدلها على البارد) وغير ما كان متخيل من شكله انه ضعيف