إعـــــــلان

Collapse

.

,
See more
See less

تغيير شنابر ديل لجيربوكس الميجان ii...أفهم و أعرف حقك و أثبت مكانك!!!

Collapse
X
 
  • Filter
  • الوقت
  • Show
Clear All
new posts

  • تغيير شنابر ديل لجيربوكس الميجان ii...أفهم و أعرف حقك و أثبت مكانك!!!

    هذا الموضوع لأستفادة كافة الأعضاء....

    بداية من حوالى أسبوعين كده...أنا من أسكندرية أصلا و السكة كانت زحمة جدا و مش بتتحرك و بعد مسافة طويلة و بعد ما وقفت فى أشارة جاى بطلع لقيت كأن العربية محطوطة على N و الrpm بيعلى و العربية مش راضية تتحرك....و بعدين هوب هبده خفيفة و الأول عشق و نطت و طلعت عادى و الكلام ده متككرش تانى.

    من 3 أيام كنت راجع من القاهرة و السكة قبل البوابات و اقفة و درجة الحرارة كانت فوق ال37 و قوم أيه يحصل نفس الموضوع و تكرر كذا مرة فى نفس المنطقة اللى كنت فيها....المهم رجعت السكة كلها على 140 كم/ساعة و مكنش فيه مشاكل....كلمت التوكيل و أنا فى السكة و حجزت أول ميعاد صيانة بدرى، الكلام ده كان يوم الخميس، الجمعة هما أجازة و السبت صيانات دورية فقط مفيش إصلاح، حجزت الأحد 9 صباحا

    يوم الأحد قبل 9 صباحا كنت هناك 2 عربية، جه المهندس يستلم العربية، خير إيه المشكله؟ طبعا قولتله الفتيس فيه lag و عايز أغير شنابر ديل بالسلطات بالبابا غنوش...يعنى مع غيار زيت فتيس مع إعادة برمجة كنترول الفتيس مع reset لل oil aging counter....

    هو: جميل سيبها و تاخدها بكره
    أنا: بعد الصدمة...ليه ده موضوع ساهل ياخد 3 أربع ساعات...و أنا جايلك بدرى و الورشة مش زحمة

    هو: راسه و ألف سيف ما هى خالصه النهارده....طبعا لأن من طبيعتى ماخدش كلام الناس مسلمات...قولتله بعد أذنك ممكن تفهمنى ليه هتاخد يوم....الأجابة: هبعت حد بالعربية يخبط مشوار محترم علشان يسخن الجيربوكس و يشوف العيب و بعدين يصلح و بعدين يتأكد أن العيب أتصلح تمام...

    ردى كان كالأتى: هى التكلفة كام؟
    هو: فى حدود 1000 جندى
    أنا: هل فى أى خطورة لو غيرت شنابر الديل و مطلعش العيب منها؟
    هو: مفيش أى خطورة على العربية...لكن أنت هتخسر 1000 جم على الفاضى
    أنا: جميل جداً....أتكل على الله و غير و أنا مسؤول و عوضى على الله لو مش هو
    طبعا داخليا أنا متأكد أنه هو العيب...ده غير أنا مش هيزعلنى تغيير زيت جير بوكس جديد و شنابر تحكم الضغط و إعادة برمجة كمبيوتر الفتيس و reset للoil aging counter
    يعنى عملنا صيانة للجيربوكس بعد 7 سنين و دى حاجة جميلة

    لاحظ الأتى....يوجد تمن كشف 250 جم للكشف عن العيب و ده كان المفروض يتم خصمهم لأنى محددله العطل و مش طالب كشف

    و لأن الفلوس الحلال ربنا بيبارك فيها و لأنى عارف أيه هى حقوقى و واجباتى كويس كنت متذكر و أنا بشترى ميجى حبيبتى أن ضمان الجيربوكس 100 ألف كم غير محددة المدة...أيون زى ما سمعتم كده 100 ألف كم مصرى غير محددة المدة أنا فاكر كويس لأن كان ساعتها فى إشاعات كتير طالعة على الميجان و مشاكل الجيربوكس و ده طمنى لحد كبير و أنا بشتريها لأنى فى العادى بغير العربية قبل ال100 ألف كم

    طبعا أول ما قولتلهم كده و كأن عقربه لدغتهم....تتنيح فى الأول و بعدين أبتدى دور الهذيان و الأنكار....مين قال كده، مفيش الكلام ده، ده كلام مش مظبوط، الضمان 100 ألف أو 3 سنين و أنت بقالك 7 سنين (لاحظوا أن عربيتى عاملة 72 ألف فقط)....

    و لأن العبد لله عامل كل صياناته الدورية فى التوكيل حتى الأن فى مش قادرين يجادلوا إلا فى موضوع أنه 3 سنين فقط مش غير محدد المدة.....

    المهم و لأنى مستعجل و عايز العربية تخلص، قلت للمهندس أشتغل أنت دلوقتى و بعدين نشوف الموضوع ده بعد ما تخلص

    أنتظرت من حوالى 9 صباحا لغاية 2 مساء لغاية لما العربية خلصت و أتبرمجت و كله بقى ألصتا...

    جت المهندسةتسلمنى العربية....

    أنا: كام الحساب
    هى: 995 جندى
    أنا: بمنتهى الهدوء...حضرتك العربية فى الضمان
    هى: ضمان إيه؟

    نسيت أقول بأه أن كرم ربنا كبير....قلت أفتح الطابلوه علشان أنا محتفظ بالشنطة الجلد بتاعة العربية اللى فيها كل الورق و كتيب الصيانة.....و يشاء السميع العليم ألاقيهم كتبنلى بخط أيديهم فى التوكيل علشان أنا كنت شارى من التوكيل هذه العبارة:

    ضمان ضد عيوب الصيانة 3 سنوات أو 60 ألف كم أيهما أقرب
    ضمان على ناقل الحركة (الجيربوكس) 100 ألف كم غير محددة المدة

    و كمان إمضاء و ختم المصرية العالمية للسيارات EIM

    هى: اللى كاتب الكلام ده كاتبة على أساس أيه...ده غلط
    أنا: حضرتك الكلام ده تقوليه لزميلك مش للعميل
    أنا: العيب اللى أتغير مكانه فين؟
    هى: فى الجيربوكس
    أنا: و العربية عاملة كام كم؟
    هى: 72 ألف كم
    أنا: جميل جدا...يبقى أنا كده عدانى العيب و أزح و شروط الضمان تنطبق عليا علشان ده مش عيب إستخدام
    هى: بس ده مش مضبوط
    المهندس: أنا عمرى ما عملت ضمان بعد 7 سنين
    أنا: أهو جه الوقت اللى تعمله ....دى مش مشكلتى...أنا معايا ورق رسمى و محتفظ بحقى...زميلكم غلطان، أنتو بينكم و بين بعض بأه تصفوا الموضوع...مش قصتى أنا
    هى: مينفعش حضرتك
    أنا: جميل جداً و أنا هطلع من عندك على حماية المستهلك عدل و emails على رينو فرنسا و رينو دبى و هقول أنكم رافضين تعملولى الضمان و معايا ورق رسمى و صياناتى الدورية كلها متسجلة

    المهندس: يا باشا أتفضل معايا على المكتب

    رحنا المكتب

    هو: أيوه حضرتك؟
    أنا: شوف يا هندسه...أنا محبش أضرب على قفايا أبدا....حقى و هخده...أنا عمرى ما جادلت قبل كده فى سعر صيانة...لكن ده حقى و محدش بيدينى حاجة من جيبه و العربية هتتعمل ضمان

    طيب أنتظرنى

    5 دقائق عمل تليفون أستأذن من مديره و رجع معاه أذن خروج و فاتورة ضمان....

    الجزء المهم...ملاحظاتى على العربية بعد التغيير....

    1-طبعا الفتيس بقى أهدى و أنعم من الزيرو حتى و سلاسة غير معهودة فى النقلات
    2-إحساس النقلات و حتى النتشة اللى بين الأول و التانى بقت خفيفة و ناعمة جدا جدا
    3-الengine brake بقى أنعم بمررررااااااااااحل.....الأول كان الrpm بيعلى جدا على لما تنقل لل3 بعد engine brake...
    4-كان ساعات من سنة مثلا بيحصل هبده بسيطه مع الفرامل عند الوقوف التام على فترات متباعدة....أختفت تماما
    Much much better feeling now
    الخلاصة: الفتيس أرتاح جدا و سواقة العربية بقت ممتعة بكتير عن الأول...تجميع أحسن كمان و العربية بقت فايقة قوى معايا

    نسيت أقول أن ال Life Time بتاع القطعة دى و على حسب كلام التوكيل فوق ال5 سنوات

    أسف للإطالة....و أرجو أنى أكون أفدتكم و رديت جزء من جميلكم عليا
    شكر خاص لأستاذ شوقى لطفى لأن أعراضه و مشاركته هى اللى خلتنى أعرف عندى إيه....مشكور أستاذنا الكبير
    م/هانى سعد
    Meggieboy سابقا
    [SIGPIC][/SIGPIC]

  • #2
    الله عليك يا باشا......تسلم أيدك بصراحة لأنهم بقالهم فترة بيستهبلو

    ألف مبروك عليك الصيانة و أنت بصراحة شجعتني أعملها فى أقرب وقت كصيانة وقائية خصوصاً أن عربيتي موديل 2005 و أترفعت 3 سنين.
    [CENTER][COLOR=Blue][B][SIZE=4]يا بلادى يا بلادى.........أنا بحبك يا بلادى[/SIZE][/B][/COLOR]
    [/CENTER]

    Comment


    • #3
      على كدة الضمان بيشمل سلونيد الفتيس و الجوان ولا لا

      Comment


      • #4
        معلش فيه جزء أتقطع من الموضوع مش عارف ليه

        باقى مميزات التغيير:
        3- إحساس الengine braking قل جدا و بقى ناعم ...موجود بس مش رخم زى الأول
        4-العربية تحس بيها فايقة جدا و فيه تناغم رائع بين الموتور و الفتيس....كما يجب أن يكون

        نسيت أقول أن ال EXPECTED LIFE TIME لهذه القطعة و على حسب كلام التوكيل فوق ال5 سنوات

        شكر خاص جدا للأستاذ المحترم شوقى لطفى علشان كان ليه الفضل أنى أعرف عن الموضوع و أبتدى أدرسه من هذه النقطة....مشكور أستاذ شوقى

        أسف للأطالة و أرجو الفائدة للجميع
        م/هانى سعد
        Meggieboy سابقا
        [SIGPIC][/SIGPIC]

        Comment


        • #5
          المشاركة الأصلية كتبت بواسطة fancy_man22 مشاهدة المشاركة
          على كدة الضمان بيشمل سلونيد الفتيس و الجوان ولا لا
          ضمان شامل كامل....ده الصح...أنا ليا فى ذمتهم يبقى معايا فتيس زيرو لغاية 100 ألف كم....
          م/هانى سعد
          Meggieboy سابقا
          [SIGPIC][/SIGPIC]

          Comment


          • #6
            المشاركة الأصلية كتبت بواسطة meggieboy مشاهدة المشاركة
            ضمان شامل كامل....ده الصح...أنا ليا فى ذمتهم يبقى معايا فتيس زيرو لغاية 100 ألف كم....
            اصل انا معايا موديل ٢٠٠٨ وظهرلى موضوع النطة و تجميع البنزين و الهبدة و الكلام دة كشفت على الكمبيوتر طلعلى سلونيد فتيس وروحت غيرتو هو و الجوان عند عادل الى ف صقر قريش ب ١٠٠٠ جنية والحمد للة العربية ظبطت بس حاسس انها مبتسحبش زى الاول و كمان الفتيس بيغير النقلات على ٣ ار بى ام ف انا قلت اكيد علشان انا رجلى تقيلة على البنزين و العربية اتبرمجت على رجلى ف بتجمع و الار بى ام بيعلى
            و كنت عاوز حضرتك تقلى اكشف ازاى على ضغوط الشنابر بتاعت الفتيس و اعرف ازاى نها بتسرب و محتاجة تتغير

            Comment


            • #7
              ودا موضوع انا كتبتة و محدش فادنى و ياريت حضرتك تقدنى فية

              Comment


              • #8
                المشاركة الأصلية كتبت بواسطة Meggieboy مشاهدة المشاركة
                معلش فيه جزء أتقطع من الموضوع مش عارف ليه

                باقى مميزات التغيير:
                3- إحساس الengine braking قل جدا و بقى ناعم ...موجود بس مش رخم زى الأول
                4-العربية تحس بيها فايقة جدا و فيه تناغم رائع بين الموتور و الفتيس....كما يجب أن يكون

                نسيت أقول أن ال EXPECTED LIFE TIME لهذه القطعة و على حسب كلام التوكيل فوق ال5 سنوات

                شكر خاص جدا للأستاذ المحترم شوقى لطفى علشان كان ليه الفضل أنى أعرف عن الموضوع و أبتدى أدرسه من هذه النقطة....مشكور أستاذ شوقى

                أسف للأطالة و أرجو الفائدة للجميع
                سؤال سريع عن ال engine braking
                انا عندى وانا بضرب فرامل مش ضعيفه ومش قويه وانا داخل على مطب العربيه بتنقل عكسى للنقله الى تحت وهكذا لغية الاول
                ديه عندى مش سلسه وبتدايئنى اوى بحس ان العربيه بتهنج وهى بتنقل وبتعملها بقوة
                كنت فى فرنش موتورز ورتها للمهندس قالى تنظيف بوابه
                وفعلا بع تنظيف البوابه طالع من عندة بقت سلسه شويه وبعد يومين رجعت تانى
                هو الى عندى دة هو ال engine braking الى حضرتك تقصده
                وهل الموضوع ليه علاقه بالفتيس مش البوابه ؟
                [CENTER][B]Mohammed Ali
                Project Manager
                K-net Egypt[/B][/CENTER]

                Comment


                • #9
                  المشاركة الأصلية كتبت بواسطة Fancy_man22 مشاهدة المشاركة
                  ودا موضوع انا كتبتة و محدش فادنى و ياريت حضرتك تقدنى فية
                  http://www.nilemotors.net/Nile/375982-a.html
                  أسف لم أشاهد موضوعك من قبل....

                  موضوع فرق الضغوط و اللى هوه حله عن طريق تغيير شنابر الديل مش بيبان غير لما العربية تسخن جامد....خلطه كده من الزحمة الرهيبة و الحرارة القاتلة على طول بيبان....

                  فرق الضغوط بيبان (على الأقل معى) فى الأول و هو بيبتدى يعشق أو من التانى للأول نزولا حتى تمام التوقف....و لكن مظهرليش حاجة من الأول للتانى خالص و لا خلال باقى الغيرات و النقلات

                  أنا تعمدت أمش كل السكة 140 كم/ساعة و دخلة الأسكندرية كانت زحمة جدا و مع ذلك كانت الأعراض كما هى....من الوقوف و أنت طالع تأخير ثم rpm يعدى 1.4 ثم تعشيق و نطة للعربية

                  و بالعكس....تفرمل حتى تمام الوقوف....العربية تقف ملحوقة بهبدة.....

                  غير كده مكنش فيه أى مشاكل و لكن للحقيقة كانت قبلها بفترة بتحصل الهبدة و لكنها كانت بتحصل فى نفس وقت الفرملة مش مأخرة زى الأعراض الأخيرة

                  أعتقد العيب عند حضرتك هيكون برمجة الفتيس لأنه محتاج شوية خبرة + هما بيمشوا على السرفيس ماوانيل صح....أنا كان عندى السرفيس مانيوال بتاع الفتيس...هحاول أدور عليه

                  أو السولونويد فالف اللى ركبه مش أد كده كقطعة غيار....
                  م/هانى سعد
                  Meggieboy سابقا
                  [SIGPIC][/SIGPIC]

                  Comment


                  • #10
                    شكرا يا باشا على الرد بس لو ممكن تدى حد بيفهم فى موضوع الفتيس اللنك بتاع الموضوع بتاعى علشان يفدنى اكون مشكور
                    وعلى فكرة كان فى سلونيد فالف ب ٣٥٠ مرضتش اجيبة و جبت الى ب ٤٥٠ علشان ميطلعش فية مشكلة تانى و يعيش

                    Comment


                    • #11
                      المشاركة الأصلية كتبت بواسطة solly1979 مشاهدة المشاركة
                      سؤال سريع عن ال engine braking
                      انا عندى وانا بضرب فرامل مش ضعيفه ومش قويه وانا داخل على مطب العربيه بتنقل عكسى للنقله الى تحت وهكذا لغية الاول
                      ديه عندى مش سلسه وبتدايئنى اوى بحس ان العربيه بتهنج وهى بتنقل وبتعملها بقوة
                      كنت فى فرنش موتورز ورتها للمهندس قالى تنظيف بوابه
                      وفعلا بع تنظيف البوابه طالع من عندة بقت سلسه شويه وبعد يومين رجعت تانى
                      هو الى عندى دة هو ال engine braking الى حضرتك تقصده
                      وهل الموضوع ليه علاقه بالفتيس مش البوابه ؟
                      أى نعم.....هو ده بالظبط

                      فى الأول كان عندى نفس اللى حضرتك بتقوله بالظبط....." ديه عندى مش سلسه وبتدايئنى اوى بحس ان العربيه بتهنج وهى بتنقل وبتعملها بقوة"

                      بعد تغيير شنابر الديل....الموضوع ده مش ملحوظ نهائى و فعلا أنا أستغربت....الموضوع بقى ناعم و طبيعى و علشان كده بوصفه " كما يجب أن يكون" يعنى بيتعمل بس مفيش أى delay يعنى مش بتهنج و الفتيس بياخد معاك على طول و ينقل بدرى مش يبعد يرفع rpm عالى لغايى لما يدى الغيار اللى بعده....على طول حسيت بإختلاف كبير فى الحتة

                      نفس الشىء فى النتشة اللى بين الأول و التانى بتاعت تعشيق ال Torque Converter بقت ناعمة و جميلة و مش مضايقنى خالص....العربية بتحس أنها مستريحة و هى ماشية...مش مـتأزمة....النقلات ناعمة....الفتيس مرتاح...الموتور متناغم مع الفتيس و مش مضايقيين بعض....أنا السحب عندى و الحمد لله كان رائع و مع ذلك حاسس العربية كمان فريش أكتر و مصحصحه بزيادة

                      طبعا ده حكم يومين سواقة كذا مشوار....لكن العربية بقالها معايا 7 سنين و حاسسها كويس جدا....عشرة عمر بقى
                      م/هانى سعد
                      Meggieboy سابقا
                      [SIGPIC][/SIGPIC]

                      Comment


                      • #12
                        المشاركة الأصلية كتبت بواسطة Meggieboy مشاهدة المشاركة
                        أى نعم.....هو ده بالظبط

                        فى الأول كان عندى نفس اللى حضرتك بتقوله بالظبط....." ديه عندى مش سلسه وبتدايئنى اوى بحس ان العربيه بتهنج وهى بتنقل وبتعملها بقوة"

                        بعد تغيير شنابر الديل....الموضوع ده مش ملحوظ نهائى و فعلا أنا أستغربت....الموضوع بقى ناعم و طبيعى و علشان كده بوصفه " كما يجب أن يكون" يعنى بيتعمل بس مفيش أى delay يعنى مش بتهنج و الفتيس بياخد معاك على طول و ينقل بدرى مش يبعد يرفع rpm عالى لغايى لما يدى الغيار اللى بعده....على طول حسيت بإختلاف كبير فى الحتة

                        نفس الشىء فى النتشة اللى بين الأول و التانى بتاعت تعشيق ال Torque Converter بقت ناعمة و جميلة و مش مضايقنى خالص....العربية بتحس أنها مستريحة و هى ماشية...مش مـتأزمة....النقلات ناعمة....الفتيس مرتاح...الموتور متناغم مع الفتيس و مش مضايقيين بعض....أنا السحب عندى و الحمد لله كان رائع و مع ذلك حاسس العربية كمان فريش أكتر و مصحصحه بزيادة

                        طبعا ده حكم يومين سواقة كذا مشوار....لكن العربية بقالها معايا 7 سنين و حاسسها كويس جدا....عشرة عمر بقى
                        ربنا يبركلك فى العربيه انا عندى العربيه 2006 وعامله 75 الف
                        شكلى هفكر اعمل الموضوع دة فى الضمان بردة بس استف فواتيرى الاول بتاعة الصيانات
                        بس انا الحمدلله معنديش اى مشاكل تانى فى الفتيس السحب ممتاز التسارع والسحب على السريع
                        كله تمام
                        هل ال engine braking دة التوكيل ممكن يعتبروا عيب ولا لازم حاجه تانيه تكون ظاهرة معاة ؟
                        [CENTER][B]Mohammed Ali
                        Project Manager
                        K-net Egypt[/B][/CENTER]

                        Comment


                        • #13
                          المشاركة الأصلية كتبت بواسطة solly1979 مشاهدة المشاركة
                          ربنا يبركلك فى العربيه انا عندى العربيه 2006 وعامله 75 الف
                          شكلى هفكر اعمل الموضوع دة فى الضمان بردة بس استف فواتيرى الاول بتاعة الصيانات
                          بس انا الحمدلله معنديش اى مشاكل تانى فى الفتيس السحب ممتاز التسارع والسحب على السريع
                          كله تمام
                          هل ال engine braking دة التوكيل ممكن يعتبروا عيب ولا لازم حاجه تانيه تكون ظاهرة معاة ؟
                          للأسف مش هيرضى يعمل حاجة لو الشكوى هى ال engine braking فقط.....ده حتى و أنا عندى موضوع التأخير و مكنش لسه يعرف موضوع الضمان و مش عايز يركبلى غير لما يجرب بنفسه و يشوف عيب التأخير.....أعتقد صعب شوية

                          نصيحتى كمان بلاش تلعب في الفتيس دلوقتى طالما هى دى فقط المشكلة....و الحمد لله لسه معاك 25 ألف كم علشان ضمان الفتيس يخلص.....لو حصل حاجة تانية لا قدر الله يبقى كله مع بعض علشان تبقى خناقة واحدة على الضمان :) :)
                          م/هانى سعد
                          Meggieboy سابقا
                          [SIGPIC][/SIGPIC]

                          Comment


                          • #14
                            المشاركة الأصلية كتبت بواسطة meggieboy مشاهدة المشاركة
                            للأسف مش هيرضى يعمل حاجة لو الشكوى هى ال engine braking فقط.....ده حتى و أنا عندى موضوع التأخير و مكنش لسه يعرف موضوع الضمان و مش عايز يركبلى غير لما يجرب بنفسه و يشوف عيب التأخير.....أعتقد صعب شوية

                            نصيحتى كمان بلاش تلعب في الفتيس دلوقتى طالما هى دى فقط المشكلة....و الحمد لله لسه معاك 25 ألف كم علشان ضمان الفتيس يخلص.....لو حصل حاجة تانية لا قدر الله يبقى كله مع بعض علشان تبقى خناقة واحدة على الضمان :) :)
                            تسلم يا باشا على النصيحه و ان شاء الله على تواصل على طول
                            [CENTER][B]Mohammed Ali
                            Project Manager
                            K-net Egypt[/B][/CENTER]

                            Comment


                            • #15
                              المشاركة الأصلية كتبت بواسطة meggieboy مشاهدة المشاركة
                              للأسف مش هيرضى يعمل حاجة لو الشكوى هى ال engine braking فقط.....ده حتى و أنا عندى موضوع التأخير و مكنش لسه يعرف موضوع الضمان و مش عايز يركبلى غير لما يجرب بنفسه و يشوف عيب التأخير.....أعتقد صعب شوية

                              نصيحتى كمان بلاش تلعب في الفتيس دلوقتى طالما هى دى فقط المشكلة....و الحمد لله لسه معاك 25 ألف كم علشان ضمان الفتيس يخلص.....لو حصل حاجة تانية لا قدر الله يبقى كله مع بعض علشان تبقى خناقة واحدة على الضمان :) :)
                              ممكن اعرف انت عملت الموضوع ده امتي؟؟؟ يعني قريب ولا من فتره و عملته في اي فرع للتوكيل؟؟

                              Comment

                              Working...
                              X