ميجي قطعت بنزين !

[تامر.محمد]

سلام عليكم
من كان يوم و انا على الدائري .......... كنت رايح افول بنزين , مؤشر البنزين كان في النص بالظبط بين الربع و الشرطة الحمرا
لقيت العربية بطلت و انا ماشي !
ركنت على جنب , و جربت ادور ما دارتش و ادتني Braking Fault
بقيت مش عارف العربية عطلت ولا ايه
و البنزين فيها قليل بس المؤشر ما وصلتش للشرطة الحمرا اصلا
كلمت طارق قال لي جرب تحط فيها بنزين
المهم وقف ونش يقول لي اي خدمة , خليته شالني لحد اقرب محطة بنزين و اخد مبلغ محترم :(
بس انا ما كنتش مستعد اسيب العربية لوحدها في حتة مقطوعة و سريعة كده تتخبط او تتسرق مع ان المغرب كان لسه ما دخلش

المهم وصلت البنزينة و حطيت فيها شوية بنزين و دورت , فدارت !

انا حبيت انقل التجربة للجميع من ناحية
من الناحية التانية عايز اعرف ايه قصة مؤشر البنزين دي !
انا لما قلبت في العداد الديجيتال لقيت الاستهلاك من اخر تفويلة فعلا 63 او 65 لتر , فالديجيتال قراها صح اظن

كمان مقلق على طرمبة البنزين من شوائب التانك اللي طبعا فضي خالص ده , غالبا مع التفويلة الجاية ان شاء الله هاجيب منظف دورة البنزين

[AhMeD MeTwAlY]

منظفه لدورة البنزين مع ولو بتفول 91 حطلها صفيحه 95 تنضف

[Ahmed Selim]

غريبة جداً..........أيه علاقة البنزين ب braking Fault ؟

ألا لو صدفة بحتة و دي بصراحة تبقى صدفة خير من ألف ميعاد.

شيك على العوامة لو تعرف........لو سليمة يبقى أنت عندك مشكلة تانية.

[magnam]

متحطش منظف حقن فول العربية بنزين

وراجع سلامة طرمبة البنزين .... لو صوتها عالى بتعمل ونة كدا غيرها بواحدة بوش أصلية

الرسالة اللى ظهرت دى ممكن يكون عشان لما العربية بطلت ومشيت بيها والموتور واقف كدا سيرفو الفرامل وقف ودوستين على دواسة الفرامل وبعدين مش هيبقى معاك فرامل إلا فرامل اليد

فطبيعى العربية تديك رسالة Braking fault
ولو حد قطرك هتلاقى العربية بتديك صفارة تحذير سريعة مع الرسالة دى عشان نتبهك ان مش معاك فرامل

عشان تقف

Mohammed Aladel

وقف نهائى لمخالفة القاعدة 10 الخاصة بتعدد العضويات
مع ايقاف العضوية الاساسية شهر فى حالة التكرار سيتم وقف العضوية الاساسية نهائيا
11:15pm 3/9/2013

[Ahmed Amin]

لو هتحط منظف دورة البنزين غير فلتر البنزين قبل ما تحط المنظف,
عشان مياخدلكش الوساخة اللي في الفلتر للرشاشات.
أحسن حاجة في السوق STP Complete System Fuel Cleaner
العلبة الرصاصي, كنت جايبها من بنزينة أمارات مصر, أغلي شوية من محلات الأكسسوارات بس أضمن.



أنا معرفش الميجان فيها فلتر بنزين برة الطرمبة ولا لأ, بس حبيت أقولك عال نقطة دي,

[كل دقيقة عضوية]

ميجان فيها فلتر طبعا برا الطرمبة
وملوش اى لازمة استخدام منظف الحقن دا

أهم شئ تغيير الفلتر فى ميعاده

ولو عايز تنظف الرشاشات فكها ونظفها برا العربية باستخدام السائل المخصص أو وضعها على الجهاز المخصص


غير كدامش مقتنع واللى عند الأستاذ تامر عيب فى الطرمبة نفسها

[تامر.محمد]

خليتهم بصوا عليها في التوكيل و انا باعمل الصيانة

قالوا لي جربناها و مالقيناش فيها حاجة !!

[Ahmed Amin]

حصل معايا موقف زي دا قبل كدا والعربية قطعت بيا في مشوار
وسحبتها عال بيت عشان كانت قريبة حوالي ٢ كيلو متر ومزودتش في السرعة عن ٤٠ كم في الساعة. وحاولت أدور تاني مرديتش تدور ومكنش فيه صوت من الطرمبة مع الكونتاك,
وكان كل التفكير ساعتها والناس اللي كلمتها انها طرمبة وباظت, وفكيت التانك وغيرت الموتور بواحد تاني والعربية اشتغلت تمام.
ودارت العربية,, وروحت فولت وبعد ما رجعت من البنزينة عملتها تاني. !

تخيل طلع كان أيه المشكلة الأساسية.؟ فيوز طرمبة البنزين,,
١٠ أمبير هوا كان محروق, طبعاً أضايقت جداً اني نسيت أكشف عليه الأول وفكرت انها طرمبة عشان دي أعراضها وعشان مكنتش بتطلع صوت فخمنت إنها ماتت.

فافتح علبة الفيوزات اللي في الكبوت, واكشف عال فيوزات ال ١٠ أمبير.
وانا مكنتش طلعت عندي رسالة البريكنج فولت, فأعتقد ممكن تكون عندك مشكلة تانية سمعت في علبة الفيوزات فالعربية قطعت معاك.

بس انا قلت أقولك علي موضوع الفيوز عشان لو حصلت معاك متلفش حوالين نفسك, وتبدأ بيه
لان ناس كتير بتنساه حتي في التوكيل وهوا اول حاجة المفروض يتكشف عليها, وأكشف علي باقي الفيوزات برضه, لان ممكن يكون عندك مشكلة تانية هيا اللي عملت المشكلة دي وقطعت العربية دي ومالهاش دعوة بطرمبة البنزين.

[تامر.محمد]

الموضوع عندي كان الحمد لله مختلف , العربية دارت بمجرد ما حطيت فيها بنزين

[amgdghazy]

سلام عليكم
من كان يوم و انا على الدائري .......... كنت رايح افول بنزين , مؤشر البنزين كان في النص بالظبط بين الربع و الشرطة الحمرا
لقيت العربية بطلت و انا ماشي !
ركنت على جنب , و جربت ادور ما دارتش و ادتني Braking Fault
بقيت مش عارف العربية عطلت ولا ايه
و البنزين فيها قليل بس المؤشر ما وصلتش للشرطة الحمرا اصلا
كلمت طارق قال لي جرب تحط فيها بنزين
المهم وقف ونش يقول لي اي خدمة , خليته شالني لحد اقرب محطة بنزين و اخد مبلغ محترم :(
بس انا ما كنتش مستعد اسيب العربية لوحدها في حتة مقطوعة و سريعة كده تتخبط او تتسرق مع ان المغرب كان لسه ما دخلش

المهم وصلت البنزينة و حطيت فيها شوية بنزين و دورت , فدارت !

انا حبيت انقل التجربة للجميع من ناحية
من الناحية التانية عايز اعرف ايه قصة مؤشر البنزين دي !
انا لما قلبت في العداد الديجيتال لقيت الاستهلاك من اخر تفويلة فعلا 63 او 65 لتر , فالديجيتال قراها صح اظن

كمان مقلق على طرمبة البنزين من شوائب التانك اللي طبعا فضي خالص ده , غالبا مع التفويلة الجاية ان شاء الله هاجيب منظف دورة البنزين

الموقف ده حصل معايا بالظبط النهاردة و braking fault واتخضيت ع الآخر

روحت جبت عشرة لتر بنزين 92 فى جركن ودورت أول مرة ما دارتش تانى مرة دارت الحمد لله

ألف حمد وألف شكر لك يارب

[تامر.محمد]

الموقف ده حصل معايا بالظبط النهاردة و braking fault واتخضيت ع الآخر

روحت جبت عشرة لتر بنزين 92 فى جركن ودورت أول مرة ما دارتش تانى مرة دارت الحمد لله

ألف حمد وألف شكر لك يارب

هههههههههههههههه نفس احساسي ساعتها

[amgdghazy]

هههههههههههههههه نفس احساسي ساعتها

أنت بتضحك؟
لك حق تضحك
عايز أقولك إن الموضوع حصل الساعة تسعة صباحا وما اتحلش غير الساعة خمسة مساءا.
لك أن تتخيل قعدت كام ساعة قلقان وعمال أفرك زى الفرخة اللى عايزة تبيض ومش عارفة.

العربيات دى ح تربينا وتعلمنا الأدب
صباح الفل :)

[heldin_67]

الميجان سياره ممتازه بس ليه حاسس ان اللي راكبها دايما خايف و مستني أو متوقع أعطال
انا نفسي أجيبها لكن من كتر قرائتي عنها متردد......

[Shiref_mohamed]

الميجان سياره ممتازه بس ليه حاسس ان اللي راكبها دايما خايف و مستني أو متوقع أعطال
انا نفسي أجيبها لكن من كتر قرائتي عنها متردد......

نشنت ونشانك رشق ..فوبيا الميجان
من كتر الهري والفتي والهجايص الى بتتقال على العربية الناس جالها فوبيا الميجان
وانا نفسي كان عندي الإحساس ده اول ماجبت الميجان بس لما قريبت السرفيس مانيوال بتاعها وبدات العب فيها بايدي لاقيتها عربية عاديه جداً جداً زيها زي اي عربية مفيهاش حالجه زياده ولا حاجه ناقصة .
وربنا يهدي الشعب المصري ويركب بقى عربيات نضيفة ويرمي الكنب في الزباله

[heldin_67]

عندك حق ..... شجعتني .... فعلا الثقافه لازم تتغير ولازم نرجع تاني للسيارات المحترمه الاوروبي و كفايه كوري و صيني... يا تري دي مسئوليه توكيل السياره ..... أعتقد ان الناس بدأت تشتري تاني البيجو و الستروين و الرينو ..
أتمني ان نعود لايام الثمانينيات السيارات كلها ألماني و فرنسى و ايطالي و كله كان خايف من الكوري و ما كانش فيه سياره صيني ........