استلمت الفلوينس الحمد لله

[ramymechanics]

الحمد لله استلمت الفلوانس الجديدة امبارح من الطارق مول العرب الفئة التالتة اللون موكا ... السعر من الوكيل 169500 جنيه والطارق قال لى 175 الف واخدتها منه ب 172 ألف فى نفس اليوم الحمد لله يعنى اوفر برايس ألفين ونص بدل الحجز والأنتظار .. انا مسافر فى شغل وواحد قريبى استلمهالى معاه كورولا 2010 بيقوللى أنت كدة بتلعب فى دماغى انطباعه عنها ممتاز واول ما انزل ان شاء الله هعملكم تقرير كامل ... للعلم هو بيقوللى فولها فى اكتوبر ب 100 جنيه وراح بيها المقطم وبعدين الرحاب ورجع ركنها فى المريوطية بيقوللى يادوبك مؤشر البنزين اتهز بس طبعا انا كنت مهتم اوى بالموضوع دة لأن الصنى كانت سفاحة بنزين وتانكها صغير

[kareem_eg]

الف الف مبروك .. ربنا يديك خيرها و يكفيك شرها .
و مستنيين التقرير ان شاء الله :)

[ahmedelfeky]

الف مبروك يا بشمهندس رامي ربنا يديك خيرها ويكفيك شرها احسنت الاختيار وماتنساش تورينا صور اللون الموكا ده عشان نشوفه اماتنزل بالسلامه من الرج

[mohamedsaber2]

الف مبروك يا باشا, الفلونس عربية محترمة والفرنساوي معروف :)

اما الصني بقه, فدي عربية هتش في الكلتش, كانت خاربه بيتي في البنزين, بس يلا راحت لحال سبيلها :)

الف مبروك وعقبالي اما استلم الكروز يوم الاحد :)

[Ahmed Amin]

جميل أوي أستهلاك البنزين علي وصفك دا,, أحب أعرف الأستهلاك هيبقي عامل ازاي معاك بعد اول 1000 كيلو
ألف مبروك علي العربية, وربنا يبارك لك فيها,
ومستنين منك أجمد تقرير عنها في أقرب فرصة.

[wahba87]

الف مبروك يا باشا ربنا يديك خيرها و يكفيك شرها :)

[cosmo]

الف مبروك وربنا يكفيك شرها

[batour]

1000 مبروك وفى انتظار تقرير مصور مفصل :)

[moh158]

الف مبروك يا باشا و ربنا يرزقك خيرها

انا كنت عايز اسأل علي حاجتين علشان ناوي اشتريها ان شاء الله

اولا هل مراية الصالون تعتيم ذاتي و لا لأ علشان انا شوفت الفئة الثانية ديه بدون علي الرغم ان التوكيل في الورقة بتاعته بيقول فيها تعتيم.

ثانيا فيها اوتو بارك و لا لا برضه

شكرا و مستني ردك بسرعة علشان نازل اخلص النهاردة ان شاء الله

[ramymechanics]

الف مبروك يا باشا و ربنا يرزقك خيرها

انا كنت عايز اسأل علي حاجتين علشان ناوي اشتريها ان شاء الله

اولا هل مراية الصالون تعتيم ذاتي و لا لأ علشان انا شوفت الفئة الثانية ديه بدون علي الرغم ان التوكيل في الورقة بتاعته بيقول فيها تعتيم.

ثانيا فيها اوتو بارك و لا لا برضه

شكرا و مستني ردك بسرعة علشان نازل اخلص النهاردة ان شاء الله

الفئة دى نازلة من غير أوتو بارك والمرايا والله مش عارف لأنى لسة مشفتهاش الصراحة ... بس صدقنى العربية سعر مقابل امكانيات تححححفة

[ramymechanics]

شكرا لكل تهانيكم الطيبة بجد وان شاء الله تجيبوا الأحسن منها ... بس عاوز خدمة منكم لو حد يقدر يجيبلى الكتالوج بتاعها بصيغة pdf يبقى كتر خيره بجد

[saint2011]

مبروك أختيار محترم جدا وربنا يديك خيرها ويكفيك شرها وياريت تدبحلها شكراا لله

[ALshahba]

^^^^^^^^^^^
الدبح لغير الله حرام شرعا ....بلاش تودي الراجل النار

الف الف مبروك لاخونا ramymechanics وان شاء الله ربنا يباركلك فيها
طبعا انا كمان عندي نفس السؤال عن البنزين ...... استهلاكه عامل ايه
وهل يوجد الكتريك بارك بدل الهاند بريك فى اعلي فئه ؟؟؟

[ramymechanics]

^^^^^^^^^^^
الدبح لغير الله حرام شرعا ....بلاش تودي الراجل النار

الف الف مبروك لاخونا ramymechanics وان شاء الله ربنا يباركلك فيها
طبعا انا كمان عندي نفس السؤال عن البنزين ...... استهلاكه عامل ايه
وهل يوجد الكتريك بارك بدل الهاند بريك فى اعلي فئه ؟؟؟

مبروك أختيار محترم جدا وربنا يديك خيرها ويكفيك شرها وياريت تدبحلها شكراا لله

يا باشا الراجل قصده أدبح لله شكرا ليه عشانيكفينا شرالعين وان شاءالله اول ما انزل هعمل كدة
بالنسبة لاستهلاك البنزين اخونا المهندس احمد الفقى المحترم اما كلمته قبل ما اشتريها أسأله قال لى ان استهلاك البنزين فى السفر حوالى 6.5 لتر لكل 100 كيلووالعهدة على الراوى وجوة البلد بيقول مش بيعدة 8.5 لتر لكل 100 كيلو .. طبعا دة يعتبر ممتاااااااز جدا الحمد لله .. بالنسبة للفرامل فى الهاى لاين معرفش بس صدقنى الفئة اللى معايا دى اجمل فئة سعر وامكانيات مش هتحتاج الأعلى

[abdo_2812]

ألف مبروك ياباشا، ربنا يديك خيرها ويكفيك شرها