محتاج تفسير لحاجات كتيير

[midomagde]

أشتريت عربيه استعمال وفيها شوية مشاكل (ميجان 2005)
1- المروحه ضعيفه لدرجة ان المروحة بتشتغل بعد ما ابطل العربيه
2- العربية بتهدى (بتكن) لوحدها لمدة ممكن توصل لدقيقه وبعدين تشتغل تانى على اى سرعه
3- حاسس ان العربيه بتوصل لدرجة الحراره الطبيعيه بسرعه(ده الصبح اول ما ادور) دقيقتين تقريبا بس المؤشر ما بييرفعش عن تالت شرطه
4- صوت اخر الدركسيون شمال ويمين
5-بعد الوقوف فى الزحمه العربيه بتبطل ومترداش تدور الا بعد نص ساعه مثلا(المارش شغال بس مابتلقطش بنزين)
أرجو المساعده للى حصل معاه حاجه زى كده أو يعرف حلها وشكرا

[saddam]

إنت عندك مشاكل بسيطة حتغيرلي طرمبة البنزين وفلتر البنزين عشان طرمبة البنزين عندك أما بتسخن بتضعف جدا وكده باعت القضية ولازم تغيرها أما موضوع تسخن.بسرعة أول ما تدور فده طبيعي ﻷن ده شغلانة بلف الكوعة عشان تسخن العربية ثم يفتح البلف دورة المياه بإتجاه الراديتير أما ضعف المروحة فهذه يجب أن أراها حتى أفتي بها ولكن موضوع المروحة تفضل دايرة بعد ما تبطل فده طبيعي ﻷنها معمولة على الثرموستات وحلها بسيط أي كهربائي يحترم نفسه تروح وتقله بص أنا عاوز المروحة بتاعتي تفضل شغالة على الثرموستات بس في نفس الوقت عاوزها لما أبطل كونتاكت الكهربا تفصل عنها عشان نحافظ عالبطارية أو لو علقت الثرموستات وركب كتاوت للمروحة في حال وجود ضعف ثم تنظفلي الراديتير مرتين بالجهاز وقبلها تحط ربع ساعة فلاش وهي دايرة ثم تنظف بالجهاز وبعدها تحطلي مياه خضراء نوع غالي ولا تخلط بماء مقطر ولا تخفف ولا تسترخص ثم يا ريت لو.تخدم نفسك وتركبلي مروحة محترمة أمامية مرتبطة مع مروحتك الرئيسة عشان نعرف نشغل تكييفاتنا ونقضيها 160 في الملف ومتقلقش مشاكلك بسيطة إبدأ بيها ودمتم للنضال كل ده نص يوم كفاية

[saddam]

صوت آخر الدركسيون شمال ويمين هل بيطلع معاك وإنت واقف وبتلف دركسيون ولا وإنت واقف ولفيت دركسيون وإبتديت تتحرك لو أولا فده بور لو ثانيا فده كبالن ولو كبالن تطلع على مؤسسة الصغير في شامبليون وهم حيرجعولك الكبالن زيرو بالضمان أما لو بور فعاوزك تشوفه منقص زيت و.متقص زيت تروح تجيبلبي زيت جنك اﻷصفر أبو 50 جنبه فيه ستوب ليك منه فيه وتنزل التعبان القديم بتاعك وتحطلي 2 علبة إي زي آي الصغيرة أوي عاملة نص كف اﻹيد ب 35 الوحده تحطلي إثنين دي بتسهل حركة الفتيس والكورونة والبور ومتقلقش كل مشاكلك سلطة وبسيطة ودمتم للنضال أنا لسه راجع من فاقوس فاتح 3 مكن من عربياتي في اﻷرض ربنا يعينك ويعيننا

[midomagde]

أولا تشكر على المعلومات
والله انت حاسستنى ان كل المشاكل اتحلت ويارب يكون دا اللى فيها
بس للاسف انا فى اسكندريه حنزل أشوف صنايعيه كويسين لان التوكيل كل حاجه عنده غير

[Ahmed Selim]

أشتريت عربيه استعمال وفيها شوية مشاكل (ميجان 2005)
1- المروحه ضعيفه لدرجة ان المروحة بتشتغل بعد ما ابطل العربيه
2- العربية بتهدى (بتكن) لوحدها لمدة ممكن توصل لدقيقه وبعدين تشتغل تانى على اى سرعه
3- حاسس ان العربيه بتوصل لدرجة الحراره الطبيعيه بسرعه(ده الصبح اول ما ادور) دقيقتين تقريبا بس المؤشر ما بييرفعش عن تالت شرطه
4- صوت اخر الدركسيون شمال ويمين
5-بعد الوقوف فى الزحمه العربيه بتبطل ومترداش تدور الا بعد نص ساعه مثلا(المارش شغال بس مابتلقطش بنزين)
أرجو المساعده للى حصل معاه حاجه زى كده أو يعرف حلها وشكرا

1- ده طبيعي متقلقش منه
2- مش فاهم
3- برده طبيعي
4- لو بيحصل و أنت واقف و بتحس الصوت جاي من الموتور من فوق أبقى بص على بطاحات المساعدين و البلي بتاعهم.
لو بتسمع صوت طقطقة طول ما أنت بتلف الدركسيون أو و أنت بتتحرك و الدركسيون ملفوف و الصوت جاي من تحت تبقى كبالن.

و متبصش على موضوع الباور لأن العربية باور كهرباء مفيهاش زيت باور.

5- ممكن يكون ليها أكتر من سبب منهم طرمبة البنزين ضعفت شوية و لما بتسخن مش بتشتغل صح.

[محمد العادل]

عشان تعرف العيب من البطاحات أو من الكبالن
دوس على start لمدة 5 ثوانى بدون فرامل لحد ما الباور يتحرر وأنت واقف بدون أدارة المحرك
أنزل من العربية خلى حد يقعد وانت انزل عند أحدى العجلات
وخلى حد يقعد ويلف الدركسيون يمين وأسمع الصوت جاى منين من عند السوستة ولا من تحت وممكن تحط إيدك كمان عشان تعرف أكتر

بالنسبة لبلى البطاحة لو خشن أو الشحم خلصان هتحس بطقة أثناء الدوران أو خبطة كدا مش بتستمر بتبقى فى مكان معين ممكن تبقى فى أول ما تيجى تلف ممكن تبقى فى الآخر

الخبطة دى لو انت قاعد عند العجلة هتلاقى معاها السوستة بتنطر من مكانها بصورة واضحة والصوت هيبقى مسمع قوى

نفس الكلام أمسك الكوبلن بإيدك من ورا العجلة هتعرف العيب منين إن شاء الله

ياريت تراجع كاوتشات الكبالن ووصلات الدركسيون من تحت لو واحدة مقطوعة ولاحاجة

[محمد العادل]

طرمبة البنزين ممكن تكون السبب برضه .... وغالبا الطرمبة الاصلية البوش لما تكون تعبانة بيبقى ليها صوت وونة كدا عالية زى صفارة

ولو هى اللى بايظة متغيرهاش غير بطرمبة بوش أصلية من توكيل A-part

[midomagde]

ياجماعه متشكر جدا جدا على المعلومات القيمه
بالنسبه للاستاذ احمد عبد المقصود
1- المروحه كده طبيعى انها تشتغل بعد ما ابطل (لانها ضعيفه)صح كده
2- العربيه وانا ماشى على اى سرعه وبدوس بنزين و الار بى ام بيعلى وكله تمام الاقى مره واحده كأن دواسة البنزين فصلت لمدة ثوانى ممكن توصل لدقيقه وتبدا تجمع تانى (ولما كشفت فى التوكيل قالى: حساس ضغط الزيت فى الفتيس عاوز يتغير)
3- تمام
4- الصوت ده وانا واقف بس تقريبا زى ما حضرتك وا/محمد عادل بتقولوا
5- فى حاجه نسيت اقول عليها الار بى ام بيعلى لواحد وشرطه (1200) اول مادوس وانا على d او r و اول ما جيب p او n يهدى لوحده على واحد الا شرطه(800)
وشكرا تانى مره على المعلومات

[midomagde]

ايه يا جماعه عاوزين ارائكم؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[Ahmed Selim]

ياجماعه متشكر جدا جدا على المعلومات القيمه
بالنسبه للاستاذ احمد عبد المقصود
1- المروحه كده طبيعى انها تشتغل بعد ما ابطل (لانها ضعيفه)صح كده
2- العربيه وانا ماشى على اى سرعه وبدوس بنزين و الار بى ام بيعلى وكله تمام الاقى مره واحده كأن دواسة البنزين فصلت لمدة ثوانى ممكن توصل لدقيقه وتبدا تجمع تانى (ولما كشفت فى التوكيل قالى: حساس ضغط الزيت فى الفتيس عاوز يتغير)
3- تمام
4- الصوت ده وانا واقف بس تقريبا زى ما حضرتك وا/محمد عادل بتقولوا
5- فى حاجه نسيت اقول عليها الار بى ام بيعلى لواحد وشرطه (1200) اول مادوس وانا على d او r و اول ما جيب p او n يهدى لوحده على واحد الا شرطه(800)
وشكرا تانى مره على المعلومات

1- مش ضعيفة............هى تصميمها كده.
2- مش فاهم بالظبط اللى بيحصل......بس لو التوكيل قال كده يبقى غيره علشان مع الوقت هيبوظ أكتر و هيعمل مشاكل فى الفتيس.
3- تمام
4- غالباً هتلاقيه بطاحات إن شاء الله.
5- مش فاهم قوي بس أعتقد أنه عادي لو أنا فاهم صح.

[midomagde]

كانت المشكله فى حاجه اسمها حساس الكرنك وانا جبته جديد ب 400 جنيه +المصنعيه والمشاكل اللى بحكى فيها كلها راحت

[Ahmed Selim]

مبروك عليك التصليح....

بس أنت قصدك المشاكل رقم 2 و 5 هما اللى أختفوا طبعاً......بس الباقي ملهوش علاقة

[proff]

كانت المشكله فى حاجه اسمها حساس الكرنك وانا جبته جديد ب 400 جنيه +المصنعيه والمشاكل اللى بحكى فيها كلها راحت

بعد ازنك انت اشتريته من فيين؟؟ و امتي؟؟

[midomagde]

ايوه المشكله رقم 2و5 وبالنسبه للمروحه قالى طالما مؤشر الحراره ثابت فا سيبها لغاية ماتجيب اخرها بس خد بالك
و الصوت اللى فى الدركسيون طلع الاسكترا وقالى سيبها برده(هى تعمل كام تقريبا المروحة والاسكترا لو مش معضله اغيرهم بالمره؟؟؟؟)

[midomagde]

بعد ازنك انت اشتريته من فيين؟؟ و امتي؟؟

انا ساكن جنب الاسكندرية مش القاهرة خالص