أسعار ومواصفات اللوجان في المغرب.

[yahya123456]

الاسعار ده تبقي العربيه ده غاليه وما عملتش حاجه في السوق انا كنت فاكر العربيه ده حتنزل تتباع ب50 الف مش ب70 الف ليه يبقي الفرق بنها وبين الروماني اللي عليه جمارك كام الف بس يبقي ايه الفرق بقي بس قعدنا نقول من غير جمارك من غير جمارك عادي يعني بس امال انا بسمع ان الجمارك عندنا عاليه ازاي يبقي السياره المتصنعه في اروبا وعليها جمارك فرقها بسيط عن المتصنعه في المغرب بخامات 40 % مغربي وبدون جمارك ازاي يعني تجي ازاي حد قولي ازاي

[farahat]

عشان الجمرك ٣٠ ٪ على العربيات ال-1600cc ، بس الضرايب و فرق سعر اليورو و أرباح التجار كل د بيضاف على سعر العربية ،
يعني في الاخر الجمارك في ال-1600c تمثل ٢٠٪ من التمن النهائي للسيارة تقريباً (على أقصى تقدير و ممكن تكون أقل من كدة كمان لو التاجر كان حاطت ربح كبير من الاصل ساعتها تبقى الجمارك ١٠- ١٥٪ من التمن )

[ahmed1981]

الأسعار مخيبة للآمال

والعجيب أن هذه الأسعار بدون جمارك
ولما نشوف أسعار اللوجان الروماني بجماركها ونجدها مقاربة للمغربي
فهذا نذير فشل للمغربي قبل وصولها لأرض مصر

الواحد كان متوقع أن تكون المغربي المثيلة للروماني سيقل سعرها على الأقل 10 آلاف جنيه للمستهلك
لكن لو الفرق سيكون 2000 أو 3000 فهذا أمر مخيب للآمال

[itsonlyme]

الأسعار مخيبة للآمال

والعجيب أن هذه الأسعار بدون جمارك
ولما نشوف أسعار اللوجان الروماني بجماركها ونجدها مقاربة للمغربي
فهذا نذير فشل للمغربي قبل وصولها لأرض مصر

الواحد كان متوقع أن تكون المغربي المثيلة للروماني سيقل سعرها على الأقل 10 آلاف جنيه للمستهلك
لكن لو الفرق سيكون 2000 أو 3000 فهذا أمر مخيب للآمال

معاك حق. بس برضو نصبر, يمكن توصلنا بنفس الأسعار المذكورة أو أغلى كام ألف باعتبار أن السعر اللي بيشتري بيه التاجر أقل.

ساعتها 7 آلاف جنيه فرق عن الروماني مش بطّال.

[Sharky]

من الاخر يا جماعة لو اللوجان المغربى الفاضية نزلت أغلى من 55 الف و أعلى أوبشنز فيها مازدش عن 65 الف حتبقى منافس قوى لإن من الاخر مافيش عربية سيدان فى الئة دى لكن لو غليت عن كده يبقى ملهاش لازمة تنزل احسن

على فكرة حتى الأن لم نعرف هل حتيجى تبع الوكيل كما قال لى واحد من المبيعات أعرفه فى توكيل رينو و حتبدا من أول يناير 2008 و حتنزل 1400 سى سى فاضية و لم تسعر حتى الان و حتنزل مع 1600 الرومانى

أم حتيجى عن طريق مستور اخر أو عن طريق وكيل جديد على أساس إنها داتشيا رغم تأكيد رجل المبيعات إللى أعرفه فى التوكيل إللى قالى إن رينو شاريه داتشيا و هما إللى المفروض ينزلوها رسمى فى مصر و ماينفعش حد ياخد توكيل داتشيا فى مصر غير هما إلا لو رفضوا

[moh_kamal67]

حلاوة نزول العربية دى السوق ليس فى السيارة او سعرها هى نفسها لان كل العربيات يطبق عليها نفس القواعد على حسب الاوبشن والسعة اللترية
يعنى عربية 1400cc او 1600cc بدون جمارك لازم تفرق عن فئتها المتجمركة
بمعنى هاتعمل هزة حصلت فى السوق فعلا ولا انتم موش ملاحظين
يا اساتذة هناك 2000 جنية تخفيض على العربيات المتجمعة محليا تصل الى 7000 فى العربيات الكبيرة مثل السوناتا
ده بس تحسب من المصنعين والتجار الكبار للدربكة اللى هاتعماها نزول عربية بدون جمارك
الخلاصة احنا المستفيدين لان اسعار كل العربيات هاتتعدل وهاتقل واكتوبر موش بعيد موعد تطبيق اتفاقية الكوميسا ونزولها
تحياتى للجميع

[mahamedaraby]

مش عارف ليه بدأت أحس ان الصفقه دي هاتنزل علينا أغلى من الروماني !!!! لما نحسب تمن الفئه الرابعه على اساس انها الوحيده اللي فيها مكيف بارد وغالباً هاتكون نفس كماليات الكامله اللي موجوده في مصر دلوقتي وتكون وافقه تمنها 66.000 مصري ولسه واقفه هناك في المغرب.

نضيف زي ما استاذ فرحات قال الشحن لمصر + هامش ربح للوكيل + هامش ربح التجار والموزعين !!!!!

تخيلوا تيجي العربيه بعد كل ده بي 70.000 مثلاً و 1400 سي سي !!! مش فاهم اي حاجه والله العظيم .

زود كمان انها مكونات مغربى يعنى الايد العربيه بصمت عليها اكتر من 40 % منها مكونات مغربيه يعنى هنقول الفيرنا دى بطل بالنسبه ليها

[Amr_Moh]

wade7 en nass kteer mesh motafa2la

[MAK_US1977]

العربيه دي منتشره انتشار غير عادي في المغرب وشغاله تاكسي وملاكي بس 90% منها هناك ديزل
انا كنت هناك وكان معايا لوجان ديزل اصلا وكانت تحفه فعلا

موضوع التكيف البارد - المغرب في معظم الاحيان برد حتي في الصيف بتبقا بالليل برد الا بقا اذا نزلتو في الجنوب ناحيه مراكش

[mo7a_mo7a]

الف شكر لصاحب الموضوع ومتنسوش ان دياسعار المستهلك هناك مش اسعار المصنع

[aboabdo]

سالت امس عن سعر السيارة في التوكيل في سور نادي الزمالك قال لي مندوب المبيعات أن الحجز قد بدأ وأن سعر الهاف اوبشن ب 64 ألف والكاملة ب 68 ألف

[itsonlyme]

سالت امس عن سعر السيارة في التوكيل في سور نادي الزمالك قال لي مندوب المبيعات أن الحجز قد بدأ وأن سعر الهاف اوبشن ب 64 ألف والكاملة ب 68 ألف

معنا الكلام ده انها أرخص 7-8 آلاف جنيه فقط عن الروماني. كدا كمان بقى سعرها زي الفرنا بالظبط (بعد التخفيضات الأخيرة لغبور). صدفة غريبة!