لمبه الزيت فى الكليو

[medo78]

معاى كليو 2003 1400cc لمبه الزيت بترعش لما امشى بيها شويه وبعدين تبدا تنور اكتر لما ادوس على دواسه البنزين تطفى وتشتغل تانى فى السلانسيه
غيرت طرمبه الزيت وفلتر وغيرت كمان الزيت مرتين ونفس الموضوع انا زهقت من الموضوع دة
ايه تانى ممكن اغيرة

واسف على الاطاله

[ahmedfouad]

ممكن يكون فى سلك فى الضفيرة مسرى ولا حاجة

[medohai510]

هل بتكتب علي الشاشة قبل الدوارة oil ok أم لا
وإذا كانت بتكتب كدة احتمال كبير يكون فيه تلامس في أحد سلوك الكهرباء

[medo78]

انا رجعت سلك الضفيرة ونفس المشكله

[abdalla_sheraz]

انا عندي نفس المشكله في سينيك 1 بس لمبة الزيت لما ترعش بترعش معاها لمبة الفرامل stop !!!!!

[sammor_28]

شوف كده ساعه الزيت

وشوف زيت الفرامل

[ahmad_mosa84]

جرب تزود مسمار الاكسيليتير و ان شاء الله المشطلة هتختفي

[alaashabana]

عندي نفس المشكله

انا عندي نفس المشكله و كمان عندي مشكله في كابل الكهرباء الرئيسي و بيفصل رشاشات البنزين و البوجيهات لازم ادوس عليه جامد عشان العربيه تشتغل و فيه عندي رشاش بايظ عايز اغيره يا تري اشتريه منين و لو حبيت اغير كابلات الكهرباء دي اروح اعملهم عند مين

[Shiref_mohamed]

للأسف العيب ده معناه ان سبايك الكرنك تأكلت ..
الحل هو فك كرتيرة الزيت وتغيير طقم سبيكة كرنك ستاندرد وإن شاء الله تظبط ولو مظبطتش كده يبقى عمود الكرنك نفسه ودع .

[i_Am_Legend]

معاى كليو 2003 1400cc لمبه الزيت بترعش لما امشى بيها شويه وبعدين تبدا تنور اكتر لما ادوس على دواسه البنزين تطفى وتشتغل تانى فى السلانسيه
غيرت طرمبه الزيت وفلتر وغيرت كمان الزيت مرتين ونفس الموضوع انا زهقت من الموضوع دة
ايه تانى ممكن اغيرة

واسف على الاطاله

انا عندى نفس المشكلة دى !!
انت عملت فيها ايه ؟

[albasha]

أولا شوف موضوع ساعة الزيت أنا غيرتها إستيراد ب 150 جنيه بس ده لإنها كانت جايبه زيت من كل حته
ثانيا مين الميكانيكي اللي بتتعامل معاه لإنه واضح إنه بيألف لإن طالما المشكله قائمه وهو مقضيها try and error يبقي بيألف