التوكيل عايز العربية 3 اسابيع علشان شوية حكات

[amigo_magdos]

السلام عليكم,
انا معايا فلوينس 2012 و عامل تامين مع التوكيل.
رحت علشان اصلح شوية حكات في العربية قالي ان الدنيا زحمة و لازم تسيب العربية 3 اسابيع.
طلبت منهم يدوني تاريخ اجي اسيب العربية فيه و اخدها بعدها بكام يوم, قالي مينفعش اقولك على تاريخ.
تعالى كمان اسبوعين كده و شوف الزحمة عاملة ايه !!!
دلوقتي مش عارف اعمل ايه معاهم ؟

[shawke hamed]

متسبهاش خليها اسبوعين معاك وبعدين روح لكن متسيبش عربيتك لوحدها

[A.Saad]

شكوى للشركة الام

[amigo_magdos]

ما هوا التوكيل مش راضي يديني معاد كام اسبوعين. عايزني اعدي اشوف فيه زحمة ولا مافيش.
اصلا المكان هماك وسط الجبل, حر و شمس و رملة. ياعني لو سبتها اسبوعين هتتبهدل.
و امشي ازاي من غير عربية 3 اسابيع !!!

[amigo_magdos]

حد معاه ميل الشركة الام ؟
حد جرب اصلا يبعتلهم قبل كده ؟

[Ahmed Selim]

أدخل على الصفحة دي و أبعتلهم..........بس في حالتك أقصى حاجة ممكن يساعدوك بيها أنهم يحجزولك ميعاد تروح تودي العربية على الشغل على طول.

[amigo_magdos]

أدخل على الصفحة دي و أبعتلهم..........بس في حالتك أقصى حاجة ممكن يساعدوك بيها أنهم يحجزولك ميعاد تروح تودي العربية على الشغل على طول.

انا مش عايز اكتر من كده, و كلمت الشكاوي اكتر من مرة و مافيش فايدة !

[خالد]

أبعت شكوى للشركة الأم فى فرنسا وهتتفرج هيعملوا معاك أيه !!!!
مدير الفرع بنفسه هيتصل بيك ويحددلك ميعاد وهيحاول يرضيك ، أنا جربت رينو فرنسا وعملت شكوى لما ماطلونى فى الكاسيت اللى كان بايظ ومش عارفين يصلحوه وبعد الشكوى لفرنسا غيروه لواحد جديد ، بس نصيحة ماتتنازلش وماتسيبش العربية فترة طويلة أقصى حاجة يومين ، وجرب موضوع فرنسا وهتدعيللى

[amigo_magdos]

1000 شكر يا رجالة.
انا بعت شكوى لفرنسا.
بعدها خدمة العملاء هنا في مصر كلمتني و قالولي اروح الاحد علشان اعمل مقايسة و يحدد مواعيد مضبوطة.
لما ارجع من التوكيل الاحد ان شاء الله هاقولكم عملت ايه.