ايه لازمة النقلة التانية في التاني !!!!

[ahmed elhddad]

سلام عليكم ..
كان عندي استفسار ولاقيت موضوع بيتكلم عن الاستفسار بتاعي «على الرابط ده» ..
الاستفسار هو الاحساس ان في نقلة ما بين الاول والتاني أو التاني والتالت..
أولا انا بحس الاحساس بوضوح خاصة لو حبيت اشد شوية بالعربية وهو أن العربية بحس أنا بتتأخر شوية على ما تفكر تعمل ايه.. بحس ان في نقلة ما بين النقلتين والموضوع ده بيخف شوية على المانيوال باقي الغيارات العربية مستجيبة بشكل طبيعي جدا واحيانا فوق الطبيعي كمان..

سؤال تاني انا كشفت الكشف الدوري على العربية من اسبوعين كده وظهرلي خطأ بحساس الشكمان اللى تحت بعد علبة البيئة بس مافيش اى رسائل خطأ على كومبوتير العربية او حتى لمبة السيرفس تنور والعربية تمام مافيش مشاكل .. اولاً ايه لازمة الحساس ده وازاي يدى خطأ ولمبة السيرفس مطفية ؟؟

[Mamoud salah H]

الحاس دة هياثر علي اتهلاك البنزين وهيزيد بسببه

[besso]

ازاى ظهر خطأ واللمبه مش منوره

ده كده يبقى كان تسجيل قديم موجود فى ال history يعنى

وفعلا هايأثر على استهلاك البنزين

لان بينقل اشاره للكمبيوتر عن مدى جوده الاحترق اللى خارج وعلى اساسه الكمبيوتر بيعدل نسب الخلط بين الهواء والبنزين

[Hany Saad]

الأحساس ده هو بدايه تعشيق حاجة داخل الفتيس أسمها Torque Converter و ده وظيفته مضاعفة العزم.
حساس الشكمان بيقيس مكونات الحرق الخارجة (العادم) و يدى feedback بيها للECU علشان تعديل زمن الأحتراق و مكونات خليط الأحتراق لو لزم الأمر.....كون أنه بايظ يبقى هيدى معلومات غلط و الحرق مش هيبقى مظبوط.....علشان كده الزميل الفاضل تفضل وأشار أن أستهلاك البنزين هيزيد

[ahmed elhddad]

تسلموا يا شباب على الرد .. انا فعلا كنت شاكك في Torque Converter بس طبيعي يعني اني احس بيه بشكل واضح كده ولا مش طبيعي ؟؟

انا برده محتار ان الخطأ ظهر ولمبة السيرفس مش منورة على العموم هاكشف تاني بس في القاهرة بقه المرة ديه ونشوف شكرا يا شباب على الردود :)

[Fancy_man22]

هو الطبيعى ان العربية تعمل كام كم جوا البلد و كام كم على طريق السفر عشان اعرف ان كانت العربية عندى مظبوطة ولا لا
و اية هية الحجات الى بتأثر على حرق العربية لبنزين يعنى اية اية الى لو باظ ف العربية يخليها تحرق بنزين كتير اصل انا سمعت ان سير الكاتينى لو مقدم او مأخر بيحرق بنزين هل دا صح و لو صح الحل اية
اص العربية عندى بتعمل 5.5 كم داخل البلد و على طريق السفر 8.5 او 9 كم بس و غيرت فلتر بنزين زيت ماتور و فلتر زيت و بجوهات بس اسة مغيرتش فاتر الهواء

[ahmed elhddad]

هو الطبيعى ان العربية تعمل كام كم جوا البلد و كام كم على طريق السفر عشان اعرف ان كانت العربية عندى مظبوطة ولا لا
و اية هية الحجات الى بتأثر على حرق العربية لبنزين يعنى اية اية الى لو باظ ف العربية يخليها تحرق بنزين كتير اصل انا سمعت ان سير الكاتينى لو مقدم او مأخر بيحرق بنزين هل دا صح و لو صح الحل اية
اص العربية عندى بتعمل 5.5 كم داخل البلد و على طريق السفر 8.5 او 9 كم بس و غيرت فلتر بنزين زيت ماتور و فلتر زيت و بجوهات بس اسة مغيرتش فاتر الهواء

انت تقصد 5.5 لتر لكل 100 كلم .. صح
المعدلات ديه طبيعية - من وجهة نظري - ولو اني حاسس انك عاكسها يعني 5.5 للطرق السريعة والرقم الأكبر داخل البلد

[Hany Saad]

انت تقصد 5.5 لتر لكل 100 كلم .. صح
المعدلات ديه طبيعية - من وجهة نظري - ولو اني حاسس انك عاكسها يعني 5.5 للطرق السريعة والرقم الأكبر داخل البلد

أعتقد هو يقصد ٥.٥ كم فى اللتر جوه البلد مش ٥.٥ لتر لكل ١٠٠كم .....و ده طبعا أستهلاك عالى جداً جداً .....نفس الشىء للطريق السريعه هو يقصد ٨.٥ أو ٩.٥ كم فى اللتر......أنا العربية عندى على الصحراوي أستهلاكها ٥.٩ لتر / ١٠٠ كم و ده ميزه الميجان بصراحه أنها موفرة جداً على الطرق السريعة

[tahoun33]

انت تقصد 5.5 لتر لكل 100 كلم .. صح
المعدلات ديه طبيعية - من وجهة نظري - ولو اني حاسس انك عاكسها يعني 5.5 للطرق السريعة والرقم الأكبر داخل البلد

لا طبعا يا استاذ

معدلات استهلاك البنزين تنخفض عند السرعات المثالية والتي لا تتحقق اللا على الطرق السريعة ولكني اكرر عند السرعات المثالية ( مثلا 100 كم / ساعة ) وليس 150 كم ,, ولكنها تختلف من سيارة لأخرى
أما في داخل البلد فإن معدل الاستهلاك يرتفع
يعني لو حضرتك بتعمل في داخل البلد 6 كم / 1 لتر
ممكن تعمل في الطريق السريع 10 كم / لتر

ولكن لو فعلا السيارة تعمل 5.5 كم / لتر
أظن ان معدل الاستهلاك مرتفع

والله أعلم

[Fancy_man22]

يا جماعه العربيه بتعمل ٥.٥ كم فى اللتر جوه البلد و ٨.٥ او ٩ كم على طريق السفر على سرعه من ١٣٠ :١٥٠
انا عارف ان الاستهلاك عالى بس ليه اعمل ايه تانى علشان الاستهلاك يقل الى اعرفو ان المجان موفره جدا ف البنزين لكن بالصوره دى انا بفول ٦٠ لتر كل ٣٠٠ كم تقريبا حرام جدا
عاوز حل

[ahmed elhddad]

على فكرة انا توقعت 5.5 لتر لكل 100 كلم لأن 5.5 كلم لكل 1 لتر ده مش معدل مرتفع ده معدل وهمي !!!!!!
يا راجل ده لو التانك مخروم ما يعملش كده ... لا الموضوع ده لازم تشوفلوا حل طبعا وموضوع الحساس يفرق في استهلاك البنزين طبعا صحيح بس ده هايبان لو كشفت على العربية

[ahmed elhddad]

لا طبعا يا استاذ

معدلات استهلاك البنزين تنخفض عند السرعات المثالية والتي لا تتحقق اللا على الطرق السريعة ولكني اكرر عند السرعات المثالية ( مثلا 100 كم / ساعة ) وليس 150 كم ,, ولكنها تختلف من سيارة لأخرى
أما في داخل البلد فإن معدل الاستهلاك يرتفع
يعني لو حضرتك بتعمل في داخل البلد 6 كم / 1 لتر
ممكن تعمل في الطريق السريع 10 كم / لتر

ولكن لو فعلا السيارة تعمل 5.5 كم / لتر
أظن ان معدل الاستهلاك مرتفع

والله أعلم

يا صديقي لو قريت تعليقي كويس هاتلاحظ انى بتكلم على مقياس 5.5 لتر لكل 100 كلم وهاتعرف انى في النقطة ديه بتوقع يكون المعدل المرتفع داخل المدن وفي حالة مقياسي اللى توقعته يبقى الكلام ده صحيح ..
موضوع السرعة المثالية عارفة كويس اوي وعلى فكرة الأيدول بتاع اغلب شركات السيارات 90 كلم/س

[Fancy_man22]

بردو مفيش حل اتقال يا جماعه عاوز حل لموضوع حرق البنزين ده

[aly_elhawary]

بردو مفيش حل اتقال يا جماعه عاوز حل لموضوع حرق البنزين ده

أخى العزيز أسلوب القيادة يؤثر بصورة كبيرة فى استهلاك البنزين يعنى لو كنت تقود بأسلوب رياضى عنيف مثل الضغط المفاجئ على دواسة البنزين والفرامل وبتشد كتير أو بتقف كتير فى إشارات أو فى الزحام والعربية دايرة أو بتمشى فى شوارع مزدحمة وبالتالى تفضل تمشى وتقف كما هو معتاد فى بلدنا الجميلة كل هذا يزيد معدل استهلاك الوقود داخل المدينة
كما ان القيادة فى الطرق السريعة بسرعات عالية أكبر من 120 يزيد استهلاك الوقود وأفضل استهلاك للوقود فى الطرق السريعة يتحقق عند سرعة 90كم/ساعة
وانا تقريباً فى عربيتى (فلوانس 2013 الشكل القديم ) معدلات استهلاكى قريبة من المعدلات التى قمت بذكرها
يعنى داخل البلد تقريباً 6كم لكل لتر بسبب الزحام وكثرة الوقوف ومن ثم الحركة
وعلى الطرق السريعة يكون المعدل تقريباً 9.5 كم لكل لتر بسب السرعة الكبيرة من 130 إلى 170كم/ساعة

[odod]

بردو مفيش حل اتقال يا جماعه عاوز حل لموضوع حرق البنزين ده

انا كنت لسه هعمل موضوع جديد عن الاستهلاك لان عندى برضه الاستهلاك عالى جدا فعلا اللتر بيعمل حوالى 5 كيلو ....
ياريت لو حد يفدنى فى الموضوع ده