عااااااااااااجل جدا جدا يا وحوش الميجان وارجو منك سرعة الرد

[mohammed85]

يا شباب ارجو منكم سرعة الرد فى الحاجات اللى بسأل عليها :

1- عايز اكشف على حساسات العربية واطمن عليها عشان لو فيه حاجة نص نص تتغير
2- عايز اكشف على علبة البيئة واعرف حالتها ايه
3- عايز مكان كاوتش وجنوط اديله الكاوتشات القديمة ( مع العلم انها جديدة ) واجيب كاوتشات جديدة وادفع الفرق ونفس النظام مع الجنوط وليا استفسار اخر بخصوصا الكاوتش هل ينفع اجيب كاوتش مقاس 17 بجنوط 17 ولا دة هيأثر على العفشة بتاعتي ؟
4- عندى مشكلة فى قلب طرمبة البنزين وحلتها بس الكهربائي قالى على حاجة مهمة انه ممكن يجبلى طرمبة بنزين خليجي جديدة بتركب على عربيات 2000 سي سي وقالى انها ولا هتأثر على اى استهلاك فى البنزين ولما سألته طب ممكن تأثر على اى حاجة فى العربية كهربة مثلا او اى حاجة تانية قالى كأنك مركب فالفابريكة بالظبط

ياريت وحوش الميجان يفيدونى فى كل نقطة والاماكن الموثوق منها جدااااااااااا اللى تريحنى فى كل نقطة عرضتها عليكم
اتمنى سرعة الرد عشان من الاخر كدة معايا قرشين محيرنى وعايز ازنجف العربية واطمن عليها

[medohai510]

1- الكشف علي الحساسات للأطمئنان في فرنش موتورز أو الميكانيكيون العرب أو التوكيل
ولو عايز حد برة التوكيل والمراكز المعتمدة ممكن في صقر قريش أو الحرفيين ناس كثير جداً
2- علبة البيئة عند محل السكمانات لكن يجب أن يكون عنده ضمير فقط
3- لو الكاوتشات جديدة خليها كما هي لأن الكاوتش دلوقتي سعره خيالي علشان غلاء الدولار
ولو الجنوط فيها مشكلات ممكن تتظبط تماماً عند أشرفكو في الحي السادس مدينة نصر أو المطرية أو السواح أو الألف مسكن وأحسن نوع كاوتش بريدج ستون
4- نصيحة بلاش لعب في طلمبة البنزين طالاما أنها كويسة وشغالة وفكها وتركيبها لازم عند ميكانيكي رينو محترف علشان العملية دة ممكن تغرمك كثير جداً وأي موتور طلمبة بنزين يا باني -كوري -هندي .... المهم أنه نوع كويس ومش مضروب بس لو الطلمبة الأصلية مش شغالة كويس
والأماكن الموثوق بها كثير في الحرفيين وصقر قريش (ماأعرفة أنا)
والله الموفق

[vito amen]

1- الكشف علي الحساسات للأطمئنان في فرنش موتورز أو الميكانيكيون العرب أو التوكيل
ولو عايز حد برة التوكيل والمراكز المعتمدة ممكن في صقر قريش أو الحرفيين ناس كثير جداً
2- علبة البيئة عند محل السكمانات لكن يجب أن يكون عنده ضمير فقط
3- لو الكاوتشات جديدة خليها كما هي لأن الكاوتش دلوقتي سعره خيالي علشان غلاء الدولار
ولو الجنوط فيها مشكلات ممكن تتظبط تماماً عند أشرفكو في الحي السادس مدينة نصر أو المطرية أو السواح أو الألف مسكن وأحسن نوع كاوتش بريدج ستون
4- نصيحة بلاش لعب في طلمبة البنزين طالاما أنها كويسة وشغالة وفكها وتركيبها لازم عند ميكانيكي رينو محترف علشان العملية دة ممكن تغرمك كثير جداً وأي موتور طلمبة بنزين يا باني -كوري -هندي .... المهم أنه نوع كويس ومش مضروب بس لو الطلمبة الأصلية مش شغالة كويس
والأماكن الموثوق بها كثير في الحرفيين وصقر قريش (ماأعرفة أنا)
والله الموفق

السلام عليكم ... انا صاحب الموضوع بس داخل من الاكونت التانى

اولا انا بشكرك جدا على مساعدتى

ثانيا عندى بس شوية استفسارات بخصوص كلامك :

بالنسبة لبتاع الشكمانات ترشحلى مين لانى ماعرفش حد مصدر ثقة الا من خلال موقعكم واللى انتم بترشحوه ليا

بالنسبة لموضوع الحساسات فانا هروح فرنش موتورز بس ياريت لو تقولى تكلفة الحوار دة كام خصوصا انى مش هكشف على العربية كلها انا مجرد عايز اطمن علي الحساسات وبسسسسس فخايف يشتغلونى

بالنسبة للكاوتش انا اللى راكب عندى كاوتش بريللي ماكملش معايا 3 شهور وماشي تقريبا 3 الاف كيلو ولسة جديد بس مش مريحنى فى العربية خالص وبيطلع صوت وللأسف عرفت ان البريدجستون هو الافضل بس كنت خلاص اشتريت وعشان كدة سألت على محل بيبدل كاوتشات قديمة بجديدة بحيث اشترى البريدج وادفع الفرق وكمان اشترى جنوط جديدة بالمرة تركب عليهم

بالنسبة للطرمبة فأحب اقول لحضرتك انى سبق والعربية نتشت مني لحد اما بطلت خالص ويادوب تدور وتبطل فخدتها على ونش ورحت بيها لصقر فطلع العيب قلب طرمبة البنزين المهم غيرتها عند عادل زوايا وجبتها استيراد يادوب قعدت معايا شهر ونص وجابت قلب تانى فغيرت برضو قلب استيراد بس الكهربائي وهو بيغيرو هو اللى قالى على حوار الطرمبة الكاملة الخليجي اللى كلمتك عنها خصوصا انى قلتله بقلك ايه ماتغيرش قلب الطرمبة انا هجيب طرمبة كاملة جديدة فساعتها قالى مدام هتجيب جديد عندى طرمبة خليجى كذا كذا كذا زى ماوضحتلك وعلى الاساس دة ركبلى قلب طرمبة مؤقت لحد مايجيبلى الخليجى

واخيرا بعتذر جدا انى طولت في الكلام بس انا لسة جديد هنا وجايز بقول مواضيع مكررة وبشكرك مرة تانية على مساعدتك

[medohai510]

لا يا باشا أحنا كلنا هنا بنستفيد من تجارب بعض وربنا يهدي الجميع ويكفينا شر العربيات
بالنسبة للشكمانات في المعادي ناس كتير فاهمين في الرينو وفي الحرفيين مطراوي والزقازيقي
وبالنسبة للكشف علي الحساسات فرنش موتورز كويس خاصة أنك بتتكلم مع المهندس علي الجهاز وثمن الكشف حوالي 100 جم وهو بيكشف ممكن تقوله طمني علي الحساسات وفالفات الفتيس والزيت ودرجات الحرارة والكلام دة كله
والله لو الكاوتش مش مسبب مشكلة كبيرة سيبة أحسن من المصروفات الزائدة، ولو معاك شوية فلوس فعلاً يبقي علي راحتك
وأنا رأيي بلاش طرمبة خليجي ولا أي حاجة لأن الموتور هو قلب الطلمبة ولما يتغير معناه أنها كلها أتغيرت ولو الطلمبة مش بتاعت العربية المؤشر بتاع البنزين عمره ما هيتظبط علي المقاييس الصح بتاعت العربية
أهم حاجة يكون الموتور نوع كويس وبس لكن الطلمبة البلاستيك الموجودة في العربية من أحسن الخامات أساسا وعمر ما بتاعت أي نوع تاني هتكون زيها والله الموفق