لوجان ولا ميجان

[semsem85]

انهارده قولت اعدي علي سمير ريان اخد فكرة قبل ما اشتري ميجان وركبت اللوجان عجبتني بس معرفش اي حاجه عنها فقولت اخد رايكم اجيب ميجان ولو هجيب عاوز من موديل 2007 فيما فوق وتكون فتحة سقف لحد 80 ولا ازود 10 كمان واجيب لوجان زيرووو ممكن تفيدوني انهي احسن من كل شي

[عبدالرحمن-جبر]

الميجان احلى فى كل حاجة و 90 تجيبلك واحدة من الاخر

[MUSTFA]

ميجان طبعا يا باشا

[تامر.محمد]

ميجان طبعا
بس هاتتعب شوية لحد ما تلاقي واحدة نضيفة

[FAR!D]

ميجان بلا شك بس 90 كتير اوي 2006 -2007 من 60لحد 70-73 و 2008 لحد 80-83 الف 85 بالكتيييير اوي اكتر من كده يبقى بيع غناوي و تبقى عزيزه عاليه و خاليهالوا يفرح بيها حتى لو حلوه

[Silent~Dream]

يا باشا مش محتاجه طبعا الميجان انا ركبت موديل 2008 ما شاء الله تحفه سحب و عفشه و ثبات بجد ما شاء الله بس لازم حضرتك تدور كويس جدا و تكشف فى التوكيل على كل حاجه
و باذن الله تلاقى حاجه محترمه

[semsem85]

واضح ان كل الاراء بترجح الميجان وانا فعلا معجب بيها جدا وبسوقيتها وقعديتها المريحة لكن اللي مخوفني اني اقع في عربية تتعبني تصليح وقطع غيار عشان كده فكرت في اللوجان انها تكون زيرو وانسي الصيانات وقطع الغيار هو داللي بفكر فيه

[ahmedalaahosny]

اللوجان مع احترامى لاصحاب العربية الا ان خاماتها اقل مايقال عنها انها سيئة جدا خاصة الرفارف من اقل حاجة لو سنت ايدك عليها بتتطبق وبتردها برده بايدك وقطع الغيار متوفرة بالتوكيل ولكنها مرتفعة الثمن نسبياً وبعض القطع مبالغ في اسعارها جداً ، يوجد بعض الأماكن تبيع قطع غيار السيارة ولكن في القاهرة والاسكندرية فقط ولا يوجد بالأقاليم ، وفي اعتقادي أن أسعار قطع الغيار وعدم وجودها خارج التوكيل هو أسوأ عيب في هذه السيارة ويجب أن يتحرك الوكيل بسرعه لحل هذه المشكله خاصة وأن السيارة في السوق منذ اكثر من اربع سنوات وبدأت تدخل سوق المستعمل .

ـ الكلاكس وجود الكلاكس في ذراع الإشارات عيب كبير في هذه السيارة وقد يتسبب في حادث خاصة أثناء لف الدريكسيون ويجب تغيير مكانه وكمان الدراع ده الحمل عليه جامد لانه اشارة وكلاكس ونور ف نفس الوقت وده الللى بيخليه مع الاستخدام اليومى مش هيعمر معاك اكتر من 6 شهور ولو مش مصدق ادخل ع القسم بتاع اللوجان هتلاقى ان دراع النور مغلبهم والبعض قال ممكن ندور على حاجة فرنساوى من البيجو القديم يكون ماشى معاها

ـ التكييف متوسط يعنى ممكن نقول ان الفيرنا تتفوق

ـ كاوتش السيارة الـ Barum سيء ويفضل تغييره

ـ الدريكسيون باور العربية تقيل (تقريباً مفيش باور) ، الفيرنا تتفوق طبعاً

ـ الماتور متوسط الأداء وعزمه ضعيف وصوته عالي (وده طبعاً بالنسبة للماتور الـ 8 صباب ، لأن سمعت ان الأوتوماتيك والسانديروا نزلت بماتور اقوى 16 صباب)

العفشة اينعم قويه بس ناشفه وبتحس بالمطبات
فيه بعض العيوب البسيطه يعني مش مؤثرة قوي في العربية وهي أماكن الأزرار وخامات التابلوه مش قد كده الأبواب تقيله ولازم تترزع علشان تقفل ، الإريال مش هاتعرف تستعمله لأنه خارجي فوق سقف السيارة ولو سبته هاترجع تلاقيه اتسرق ، كوريك العربية ومفتاح صواميل الكاوتش ضعاف جدا الكتف الخلفي للعربية عريض وبيضايق الرؤية وانت راجع بالعربية العيب الغريب من وجه نظرى هو موضوع الازاز مش علشان مش فى الابواب ابسنوتلى لكن علشان الزراير مش متجمعة
يعنى علشان تفتح الازازين اللى ورا من مكان تانى خالص عن اللى قدام (مفاتيح الازاز اللى ورا خلف فرامل اليد على طول)
والمشكلة ان الزرارين دول هما اللى هيستعملهم الركاب اللى ورا برضو يعنى السواق ملهوش وحده مستقلة بيه زى اغلب العربيات التانية ان لم يكن كلها
قله العزل ووضوح صوت الموتور وخصوصا انه اصلا صوته عالى (ماهو كله بتمنه )
زنة اللى فى الدواسات
الكاسيت الاوديو الـ CD الاوديو بتاخد بالدقايق مش بالميجا واخرها 80 دقيقة بس (يعنى الـ CD بتاخد حاجات قليلة جدا)
ولو انى مش بعتبره عيب اوى لان ممكن يتعالج بسهولة جدا بمجرد تغيير الكاسيت ...
فتح الشنطة والتانك من الخارج ودى ممكن التاقلم معاها

[i_Am_Legend]

طالما هاتوصل 90 ..هات فلوانس !!!

[semsem85]

اللوجان مع احترامى لاصحاب العربية الا ان خاماتها اقل مايقال عنها انها سيئة جدا خاصة الرفارف من اقل حاجة لو سنت ايدك عليها بتتطبق وبتردها برده بايدك وقطع الغيار متوفرة بالتوكيل ولكنها مرتفعة الثمن نسبياً وبعض القطع مبالغ في اسعارها جداً ، يوجد بعض الأماكن تبيع قطع غيار السيارة ولكن في القاهرة والاسكندرية فقط ولا يوجد بالأقاليم ، وفي اعتقادي أن أسعار قطع الغيار وعدم وجودها خارج التوكيل هو أسوأ عيب في هذه السيارة ويجب أن يتحرك الوكيل بسرعه لحل هذه المشكله خاصة وأن السيارة في السوق منذ اكثر من اربع سنوات وبدأت تدخل سوق المستعمل .

ـ الكلاكس وجود الكلاكس في ذراع الإشارات عيب كبير في هذه السيارة وقد يتسبب في حادث خاصة أثناء لف الدريكسيون ويجب تغيير مكانه وكمان الدراع ده الحمل عليه جامد لانه اشارة وكلاكس ونور ف نفس الوقت وده الللى بيخليه مع الاستخدام اليومى مش هيعمر معاك اكتر من 6 شهور ولو مش مصدق ادخل ع القسم بتاع اللوجان هتلاقى ان دراع النور مغلبهم والبعض قال ممكن ندور على حاجة فرنساوى من البيجو القديم يكون ماشى معاها
ـ التكييف متوسط يعنى ممكن نقول ان الفيرنا تتفوق
ـ كاوتش السيارة الـ barum سيء ويفضل تغييره

ـ الدريكسيون باور العربية تقيل (تقريباً مفيش باور) ، الفيرنا تتفوق طبعاً
ـ الماتور متوسط الأداء وعزمه ضعيف وصوته عالي (وده طبعاً بالنسبة للماتور الـ 8 صباب ، لأن سمعت ان الأوتوماتيك والسانديروا نزلت بماتور اقوى 16 صباب)
العفشة اينعم قويه بس ناشفه وبتحس بالمطبات
فيه بعض العيوب البسيطه يعني مش مؤثرة قوي في العربية وهي أماكن الأزرار وخامات التابلوه مش قد كده الأبواب تقيله ولازم تترزع علشان تقفل ، الإريال مش هاتعرف تستعمله لأنه خارجي فوق سقف السيارة ولو سبته هاترجع تلاقيه اتسرق ، كوريك العربية ومفتاح صواميل الكاوتش ضعاف جدا الكتف الخلفي للعربية عريض وبيضايق الرؤية وانت راجع بالعربية العيب الغريب من وجه نظرى هو موضوع الازاز مش علشان مش فى الابواب ابسنوتلى لكن علشان الزراير مش متجمعة
يعنى علشان تفتح الازازين اللى ورا من مكان تانى خالص عن اللى قدام (مفاتيح الازاز اللى ورا خلف فرامل اليد على طول)
والمشكلة ان الزرارين دول هما اللى هيستعملهم الركاب اللى ورا برضو يعنى السواق ملهوش وحده مستقلة بيه زى اغلب العربيات التانية ان لم يكن كلها
قله العزل ووضوح صوت الموتور وخصوصا انه اصلا صوته عالى (ماهو كله بتمنه )
زنة اللى فى الدواسات
الكاسيت الاوديو الـ cd الاوديو بتاخد بالدقايق مش بالميجا واخرها 80 دقيقة بس (يعنى الـ cd بتاخد حاجات قليلة جدا)
ولو انى مش بعتبره عيب اوى لان ممكن يتعالج بسهولة جدا بمجرد تغيير الكاسيت ...
فتح الشنطة والتانك من الخارج ودى ممكن التاقلم معاها

كلام حضرتك ده عن تجربة فعلا ولا سمع انا ركبتها امبارح في سمير ريان مشوفتش ده خالص غير ان لاحظت بس ان الكرسي ظهره بيلق غير كده قعدتها مريحة وواسعه جدا بس ممكن عشان مجربتهاش معرفش ايه اللي فيها وكده يبقي الميجان احسن علي الاقل قطع غيارها متوفرة خارج التوكيل وان كانت اسعارها مرتفعه شكرا ليك ياباشا

[semsem85]

طالما هاتوصل 90 ..هات فلوانس !!!

هي الفكرة مش معايا التسعين 90 كلهم لكن لو اللوجان كانت تستاهل كنت اتصرفت عشان اجيب زيرو واريح دماغي من قطع الغيار والصيانات لمدة 4 5 سنين لكن اللي معايا في حدود 70 بكتير 75 فكده مفيش غير الميجان وان كان بقارنها بحاجات كتير زي الستريون c4 و المازدا 3 والكيا سيراتو 2006 لحد 2009 والبيجو 307 محتار اي عربية احسن في كل حاجه وان كنت شوفت الميجان وجربتها بنفسي عجباني بس قلقان منها دعواتكم

[تامر.محمد]

هي الفكرة مش معايا التسعين 90 كلهم لكن لو اللوجان كانت تستاهل كنت اتصرفت عشان اجيب زيرو واريح دماغي من قطع الغيار والصيانات لمدة 4 5 سنين لكن اللي معايا في حدود 70 بكتير 75 فكده مفيش غير الميجان وان كان بقارنها بحاجات كتير زي الستريون c4 و المازدا 3 والكيا سيراتو 2006 لحد 2009 والبيجو 307 محتار اي عربية احسن في كل حاجه وان كنت شوفت الميجان وجربتها بنفسي عجباني بس قلقان منها دعواتكم

ميجان 2007-2010 او سيراتو 2006-2009
ال307 على ما باسمع مشاكلها كتير جدا خصوصا فتيسها
المازدا3 حلوة بس ضيقة و مش فخمة و قطع غيارها اغلى حبة محترمين من الميجان و السيراتو
السي4 مش عارف عنها حاجة بصراحة

[semsem85]

ميجان 2007-2010 او سيراتو 2006-2009
ال307 على ما باسمع مشاكلها كتير جدا خصوصا فتيسها
المازدا3 حلوة بس ضيقة و مش فخمة و قطع غيارها اغلى حبة محترمين من الميجان و السيراتو
السي4 مش عارف عنها حاجة بصراحة

استاذ تامر طيب لو بنقارن بين الميجان و السيراتو بما انك راكب ميجان شايف ايهما احسن في الركوبة وقطع الغيار والاعطال والصيانات

[ahmedalaahosny]

كلام حضرتك ده عن تجربة فعلا ولا سمع انا ركبتها امبارح في سمير ريان مشوفتش ده خالص غير ان لاحظت بس ان الكرسي ظهره بيلق غير كده قعدتها مريحة وواسعه جدا بس ممكن عشان مجربتهاش معرفش ايه اللي فيها وكده يبقي الميجان احسن علي الاقل قطع غيارها متوفرة خارج التوكيل وان كانت اسعارها مرتفعه شكرا ليك ياباشا

الكلام ده من قلب قسم اللوجان هنا ف المنتدى خدلك لفة وحضرتك تعرف ان ده من الاخر والخلاصة حكاية الخامات دى مش هتتاكد من كلامى غير مع الاستخدام اليومى مش المنظر من بره لما ترمى العربية ف الشمس او ترييحة بسيطة من واحد خارج من ركنة هتعرف معنى الكلام ده واظن لو حضرتك بصيت على معظم اللوجان اللى ف الشارع هتلاقى الرفارف متطبقة سواء بقى ورا ولا قدام لان خامتها خفيفة انا مش بهاجم العربية اطلاقا بس عيب فعلا ان اللوجان دى تتحط مع الميجان الفرنساوى دى العربية من وجهة نظرى ومن كلام ملاك العربية

[semsem85]

الكلام ده من قلب قسم اللوجان هنا ف المنتدى خدلك لفة وحضرتك تعرف ان ده من الاخر والخلاصة حكاية الخامات دى مش هتتاكد من كلامى غير مع الاستخدام اليومى مش المنظر من بره لما ترمى العربية ف الشمس او ترييحة بسيطة من واحد خارج من ركنة هتعرف معنى الكلام ده واظن لو حضرتك بصيت على معظم اللوجان اللى ف الشارع هتلاقى الرفارف متطبقة سواء بقى ورا ولا قدام لان خامتها خفيفة انا مش بهاجم العربية اطلاقا بس عيب فعلا ان اللوجان دى تتحط مع الميجان الفرنساوى دى العربية من وجهة نظرى ومن كلام ملاك العربية

حضرتك شايف الميجان احسن ولا حاجه تانية من وجهة نظرك