هل الرينو البصمة قابلة للسرقة زى الألنترا والسيراتو ؟؟

[ramymechanics]

باعتبار الرينو من الرواد فى موضوع الكارت الذكى من أيام الميجان وأنا بشترى الفلوانس كنت مرعوب من حكاية مفتاح البصمة دى خصوصا بعد فيديو سرقة الألنترا الشهير وسرقات السيراتو المعروفة للجميع وكمان النهاردة الموضوع دة

http://www.nilemotors.net/Nile/381823-a.html

أنا عملت الموضوع دة بسأل رجالة الرينو أيه هى وسائل حماية الرينو وهل الكارت الذكى دة أمان واشمعنى السرقات دى متكررة بشدة فالسيراتو والألنترا وهل هى قابلة للتظبيق مع الرينو ؟؟

وطبعا اولا وأخيرا ... فالله خير حافظا وهو أرحم الراحمين

[mohamed hussei]

هو مش مفروض بيبئا في ريموت معاك لما يبئا في نطاق عربية متر ونص علشان العربية تشتغل غير كدة مش هتشتغل ؟

[ramymechanics]

يا باشا أنا عارف ... أنا أقصد هل من السهل اختراق النظام دة زى السيراتو والألنترا ؟؟؟

[M I D O]

مش عارف لية مبقتش بالع اي عربية بصمة

[2CODE]

الفكره مش في العربيات يا فندم الفكره هل العربية بتنزل بمفتاح مشفر ولا لأ يعني هل فيها ايموبليزر ولا لأ

وفي حالة البصمة بيصعب عليهم جداً سرقتها فمتخفش

انما تخاف من "اي" عربية مفيهاش ايموبليزر والسرقة اللي بتحصل دي في الموديلات القديمة "السيراتو الشكل القديم والالنترا اللي مفيهاش ايموبليزر" انما دلوقتي كل العربيات نازل فيها ايموبليزر اساسي وانت بصمة يعني متخفش من ده كله

[ramymechanics]

مش عارف لية مبقتش بالع اي عربية بصمة

والله انا كنت بقول زيك كدة لحد ما جبتها بصراحة جامدة اوووووووووووى ... انت بتلغى المفتاح دة من حياتك هو فجيبك كارت وبس .. تقرب من العربية تحط ايدك عالأكرة تفتح .. تدوس عالزرار تدور والمرايات تفتح ... تبعد عن العربية تقفل وتضم المرايات .. فعلا مريح بدرجة مستفزة

[mohamedxsayed]

انا ان مكتش العربيه بمفتاح مركبهاش
وصيانتها ارخص لو لاقدر الله لو الكونتاكت باظ

[mohamed hussei]

ياباشا النترا عربية مكنش فيها ايمو بليزر هيبئا فيها مفتاح بصمة اشك وبعدين دي رينو يعني توكيل مختلف 180 درجة هي وعربية مع احترامي لملاك النترا وهيونداي

[ramymechanics]

انا ان مكتش العربيه بمفتاح مركبهاش
وصيانتها ارخص لو لاقدر الله لو الكونتاكت باظ

والله أنا كنت بقول زيك بالمللى واما كنت بفكر اجيب سبورتاج مرضتش افكر فى الهاى لاين عشان البصمة ... بس يا باشا مفيش كونتاكت أساسا عشان يبوظ فالعربية

ووالله تانى موضوع الكارت دة جامد جدا وأنا وافقت عليه بس اما لقيت ان الميجان نازلة كدة من زمان وعمرنا ما سمعنا عن ميجان اتسرقت وهى واقفة أبدا الحمد لله

[mostafa magdy]

زي ما الناس المحترمه قالت لحضرتك
السياره فيها أمبوبيليزر و متخفش منه الكارت بتاعك بيبقي مشفر و محدش أشتكي من سرقه رينو زي الكوري كده
و حتي الكوري الجديد خلاص عرفوا اللعبه و نزلوا عربيات بمانع سرقه ...

[Shiref_mohamed]

من الاخر صعب جدا جدا عربية رينو تتسرق

[mohamedxsayed]

والله أنا كنت بقول زيك بالمللى واما كنت بفكر اجيب سبورتاج مرضتش افكر فى الهاى لاين عشان البصمة ... بس يا باشا مفيش كونتاكت أساسا عشان يبوظ فالعربية

ووالله تانى موضوع الكارت دة جامد جدا وأنا وافقت عليه بس اما لقيت ان الميجان نازلة كدة من زمان وعمرنا ما سمعنا عن ميجان اتسرقت وهى واقفة أبدا الحمد لله

العربيه الوحيده الى ركبتها ببصمه او بمفتاح زكى كانت انفنتى فى السعوديه كانت بتاعت صديق والدى وكنت موديها الصيانه ليه عاوز اقولك كان شكلى وحش اوى فاليوم ده من اللخبطه

[Astra Lover]

للاسف ياجماعة مفيش حاجة امان 100%,انا شفت الفيديو وعايز اعرف رايكو
emergency start Laguna II 2004 without card - YouTube

[ramymechanics]

للاسف ياجماعة مفيش حاجة امان 100%,انا شفت الفيديو وعايز اعرف رايكو
emergency start Laguna II 2004 without card - YouTube

أيه البتاعة اللى فى أيده دى هو دة محور الموضوع وبعدين العربية اللى بيفتحها دى 2004 يعنى موديل 9 سنين فاتوا أيام ما كان لازم تحط الكارت فى slot عشان يشتغل ... بس معاك حق مفيش حاجة مضمونة وربنا هو الحافظ وعالم احنا بنجيب القرش ازاى

[azahranm]

انا ان مكتش العربيه بمفتاح مركبهاش
وصيانتها ارخص لو لاقدر الله لو الكونتاكت باظ

علي فكرة من فتره برده كان في ناس بتقول مركبشي عربية اوتوماتيك انا اركب مانيوال علشان احس اني سايق و علشان فتيس الوتوماتيك بيبوظ
بس سبحان الله الناس دي كلها دلوقتي راكبة اوتوماتيك
هي مجرد تكنولوجي جديده يا صديقي و البوظان ده بتاع ربنا