طلمبة بنزين ياولاد الحلال

[vito amen]

انا قررت اجيب طلمبة بنزين جديدة بعد معاناة مع الطلمبة بتاعتي غيرت القلب بتاعها 3 مرات فى 5 شهور وبصراحة مش مرتاح لموضوع القلب الاستيراد لانى بحس انه اشتغالة لان كل مرة الطلمبة تبقى حلاوة وشهر ولا اتنين والعربية تقطع منى وفى الاخر تعمل فيا فصل بايخ وتبطل منى فى اماكن غبية واروح يقولو ليا غير طلمبة البنزين !!!!!!!!!!!!!!!!!
ودلوقتى انا مش عارف اجيب الطلمبة جديدة منين ... هل من التوكيل ولا مركز معتمد ولا من حد بيبع قطع غيار ؟؟؟؟؟؟؟؟

افيدونى ضروروى وياريت اعرف التكلفة كمان

[أنصار السنة]

السلام عليكم ، ياسيدي استيراد ايه بس اللى انت كنت بتجيبه لقلب الطلمبة
موتور الطرمبة الاصلي بتاع العربية اسمه بوش ب 250جينه بحد اقصي كمان يعني ممكن تجيبه ب 230 او 220
وعموما الطرمبة موجودة في الحرفيين تقريبا فرنساوي ب 950 جنيه وموجودة طبعا في التوكيل بحوالي 1900 جنيه
خراب بيوت انا عارف بس ربنا يعينك عليها

[vito amen]

السلام عليكم ، ياسيدي استيراد ايه بس اللى انت كنت بتجيبه لقلب الطلمبة
موتور الطرمبة الاصلي بتاع العربية اسمه بوش ب 250جينه بحد اقصي كمان يعني ممكن تجيبه ب 230 او 220
وعموما الطرمبة موجودة في الحرفيين تقريبا فرنساوي ب 950 جنيه وموجودة طبعا في التوكيل بحوالي 1900 جنيه
خراب بيوت انا عارف بس ربنا يعينك عليها

بص هي العربية دلوقتى معايا اللي بيحصل كالتالي اول مابدور العربية يادوب بمشي علي السلانسيه واول مابتدى اتقل على دواسة البنزين العربية ماتجمعش وتبقى مكتومة وفجاة تسحب وتجرى فهل ياترى اغير الطلمبة كاملة ولا اعمل زى مانت قلت واجيب قلب البوش دة واجرب ؟
ولا انت شايف اجيب طلمبة كاملة جديدة وخلاص ولو جبتها من الحرفيين زى مانت بتقول ياترى بتكون كويسة واصلية ولا لأ ؟ عشان فرق السعر بين اللى فى الحرفيين واللى فى التوكيل كبير اوى

[MohammedAladel]

لو كنت ركبت طرمبة بوش أصلية مكنتش هتقطع منك وملهاش صوت نهائى .... غير كدا باقى الطرمبات اللى فى السوق نصب وربنا ينتقم من التجار والميكانيكية اللى بيشتغلوا فيها

[proff]

بص هي العربية دلوقتى معايا اللي بيحصل كالتالي اول مابدور العربية يادوب بمشي علي السلانسيه واول مابتدى اتقل على دواسة البنزين العربية ماتجمعش وتبقى مكتومة وفجاة تسحب وتجرى فهل ياترى اغير الطلمبة كاملة ولا اعمل زى مانت قلت واجيب قلب البوش دة واجرب ؟
ولا انت شايف اجيب طلمبة كاملة جديدة وخلاص ولو جبتها من الحرفيين زى مانت بتقول ياترى بتكون كويسة واصلية ولا لأ ؟ عشان فرق السعر بين اللى فى الحرفيين واللى فى التوكيل كبير اوى

كده العيب مش طلمبه خالص لازم تحطها علي الجهاز

[MohammedAladel]

لازم تغير القلب لبوش ألمانى

[medohai510]

نصيحة تأكد أولاً أن العيب من موتور الطلمبة وليس حساس أو كويل أو فلتر هواء أو بنزين أو غيرة
لما العربية تعمل الحركة دي ثانية أركنها وفك خرطوم البنزين من عند الطلمبة لأن ممكن يكون الموتور سخن وخلي حد يفتح الكونتكت فقط ولو الموتور ضخ البنزين يبقي سليم ودور علي العيب في مكان تاني ولو البنزين خرج بضغط ضعيف أو لم يخرج أساساً لازم تشتري موتور بوش أصلي أو موتور كوري ماركة كويسة وتركبة ولا داعي نهائياً لشراء طلمبة كاملة طالما المؤشر والبلاستيك بتاعك سيلم وسعر الموتور من 200 الي 300 حسب جودته ولازم الميكانيكي الي يفك الطلمبة بتاع رينو وليس غيره (أهم حاجة)

[medo99_pc]

انزل يا باشا على ناصر الكهربائي فى صقر قريش المعادى, هاتلك واحده استيراد تعمل حوالى 800 جنيه

[ahmed elhddad]

انا مركب موتور الإلنترا عندى وشغال تمام زى الفل
بس برده اتأكد من كل دورة البنزين وشوف .. ربنا معاك
على فكرة ابقى جرب منظف دورة البنزين فرق كبير بيبان بعد تلت اربع تيام من استخدامه واتأكد من فلاترك هوا وبنزين وزيت كويس

[ahmadg78]

متهيالى انت طالما غيرت كذا قلب طرمبه و فضل نفس العيب يبقى العيب مش طرمبه
معلومه صغيره بس علشان لو احتجت تغيرها لا قدر الله
ان الطرمبات دى مش بتكون تصنيع رينو لكن رينو و غيرها بيتعاقدوا مع شركات متخصصه يعنى هتلاقى نفس الطرمبه بتركب على انواع عربيات تانيه ( متهيالى الهيونداى النترا فيها نفس الطرمبه بس طبعا مع فرق سعر خرافى )

[vito amen]

انا متشكر اوى اوى على مساعدتكم ليا وتقريبا انا عملت بمعظم كلامكم بس بصراحة في الاخر رحن فرنش موتورز وحطو العربية علي الجهاز وغيرت حاجتين هناك اول حاجة غيرت طلمبة بنزين وغيرت ترس مش فاكر اسمه ترس ايه كدة اللى بيكون جمب الموتور وبصراحة بسم الله ماشاء الله العربية فاقت اوى وسحبها بقى ممتاز
يمكن اكون اتسرعت شوية فى موضوع الطرمبة لما اشترتها وكنت اجرب اشترى قلب بوش زى ما انتم قلتو بس المعانناة والاشتغالاات اللى اخدتها فى موضوع القلب خلتنى مخنوق وقلت عمال ادفع ادفع ولو كنت خدت اللى دفعته وحطيت عليه 500 جنيه اجيب طرمبة واريح دماغى
فعشان كدة اتسرعت واشترها واهو شراها جه بفايدة بأنى غيرت الترس دة اللى فعلا فرق معايا هو والطرمبة بشكل كبير جدا وقدر الله وما شاء فعل ....

بس بقول ايه ماحدش يعرف واحد بتاع عفشة امين وشاطر وكويس اوى اوى انا محتاجه جدا بس بالله عليكم حد يكون كويس اديكم شايفين الاشتغالات بتمل فيا ايه :):):):):)