رجاء مساعدة من كل من يمتلك ميجان 2

[amoor881999]

[gdwl]السلام عليكم
[/gdwl]

أنا معروض عليا ميجان 2 موديل 2009 اتوماتيك مع واحد صاحبى لسه شاريها من 6 شهور وعاوز يبيعها عشان هيشترى BMW
المهم أنا خايف أجيبها لأن شغلى بيحتم عليا اللف كتير فى شوارع القاهرة الزحمة وكمان السفر كتير وطبعا كل لما اقول لحد انى عاوز اجيب ميجان يصرخ فى وشى ويقوللى ان اعطالها كتيييييييييييييييييييييير ومش اى حد بيعرف يصلحها وقطع غيارها نااااااااااااااااار وينصحونى بالانسر البومة
أرجو من كل من يمتلك الميجان 2 يقوللى بمنتهى الصراحة العربية دى لو نضيفة هتتعبنى فى اعطالها الكتير ولا هتبقى زى اى عربية تانية خصوصا انى كان معايا النترا 2007 اتوماتيك وكانت مريحانى عالاخر من ناحية الاعطال والصيانة
ولو سمحتم لو حد يعرف عناوين مراكز الصيانة الكويسة ويا ريت لو فى مدينة نصر

[bor=#ff0000]أرجو سرعة الرد وجزاكم الله خيرا[/bor]

[تامر.محمد]

- لو نضيفة مش هاتتعبك في اعطالها الكتير , بس الحاجة الوحيدة اللي تقول لك هي نضيفة ولا لأ .. كشف التوكيل
- مش اي حد بيعرف يشتغل فيها , لو عايزها تفضل بحالة كويسة اه , مش اي حد فعلا , زي كل الاوروبي
- بالنسبة للف , انا باعمل بعربيتي في السنة حوالي 22 الف - 25 الف كيلو جوة القاهرة و اكيد عارف يعني ايه جوة القاهرة :)
- بالنسبة للسفر رحت بيها في يوم واحد : القاهرة - اسكندرية - العجمي - مارينا - القاهرة , شغالة ما بتقولش لأ طالما العربية حالتها كويسة
- قطع غيارها موجودة كتير في صقر قريش في المعادي , و اقل في الحرفيين و شارع دمشق , و متوفرة في التوكيل و المراكز المعتمدة , لو مش ساكن في القاهرة او اسكندرية بلاش منها بصراحة
- قطع غيارها في التوكيل على ما اسمع مش اغلى من قطع غيار البومة في التوكيل
- اعتماديتها مش زي الكوري و الياباني , بس مش الضايعة يعني
- بالنسبة للبومة , اركب دي و اركب دي و هاتحس بفرق الركوبة الشاسع :)
- انا مقيم في مدينة نصر بس باعمل صياناتها كلها يا في صقر قريش , يا عند طارق الميكانيكي (الهرم) , يا في فرينش موتورز (الرحاب , الشروق) يا في التوكيل (المقطم , العبور)


تحت امرك في اي حاجة :)

[amoor881999]

- لو نضيفة مش هاتتعبك في اعطالها الكتير , بس الحاجة الوحيدة اللي تقول لك هي نضيفة ولا لأ .. كشف التوكيل
- مش اي حد بيعرف يشتغل فيها , لو عايزها تفضل بحالة كويسة اه , مش اي حد فعلا , زي كل الاوروبي
- بالنسبة للف , انا باعمل بعربيتي في السنة حوالي 22 الف - 25 الف كيلو جوة القاهرة و اكيد عارف يعني ايه جوة القاهرة :)
- بالنسبة للسفر رحت بيها في يوم واحد : القاهرة - اسكندرية - العجمي - مارينا - القاهرة , شغالة ما بتقولش لأ طالما العربية حالتها كويسة
- قطع غيارها موجودة كتير في صقر قريش في المعادي , و اقل في الحرفيين و شارع دمشق , و متوفرة في التوكيل و المراكز المعتمدة , لو مش ساكن في القاهرة او اسكندرية بلاش منها بصراحة
- قطع غيارها في التوكيل على ما اسمع مش اغلى من قطع غيار البومة في التوكيل
- اعتماديتها مش زي الكوري و الياباني , بس مش الضايعة يعني
- بالنسبة للبومة , اركب دي و اركب دي و هاتحس بفرق الركوبة الشاسع :)
- انا مقيم في مدينة نصر بس باعمل صياناتها كلها يا في صقر قريش , يا عند طارق الميكانيكي (الهرم) , يا في فرينش موتورز (الرحاب , الشروق) يا في التوكيل (المقطم , العبور)


تحت امرك في اي حاجة :)

شكراً يا باشا على سرعة الرد
على فكرة انا بردو ساكن فى مدينة نصر
وعلى فكرة أنا ركبت الميجان وركبت اللانسر وعارف فرق الرفاهية ونفسى بجد اجيب الميجان بس خايف
بس كان ليه استفسار بخصوص معنى إعتمادية الميجان مش ضايعة؟
واستفسار تانى بخصوص انك بتقولى لو مش فى القاهرة او الاسكندرية بلاش اجيبها طيب افرض لو الواحد طلع بيها الساحل او السخنة وباظت لا قدر الله ؟
آسف على الإطالة

[تامر.محمد]

شكراً يا باشا على سرعة الرد
على فكرة انا بردو ساكن فى مدينة نصر
وعلى فكرة أنا ركبت الميجان وركبت اللانسر وعارف فرق الرفاهية ونفسى بجد اجيب الميجان بس خايف
بس كان ليه استفسار بخصوص معنى إعتمادية الميجان مش ضايعة؟
واستفسار تانى بخصوص انك بتقولى لو مش فى القاهرة او الاسكندرية بلاش اجيبها طيب افرض لو الواحد طلع بيها الساحل او السخنة وباظت لا قدر الله ؟
آسف على الإطالة

بالنسبة لمش ضايعة يعني هي مش العربية اللي هاتمشي معاك 100 الف كيلو ولا 5 سنين ما بتنطقش خالص و كل قطعها شغالة تمام و ما بتقولش بم

يعني انا في سنتين الا شوية و 43 الف كيلو جوة القاهرة غيرت بطاحة و قاعدة موتور (كانت خشنة) و كاوتشة كوبلن لسه مؤخرا و ماكينة زجاج و حتة بلاستيك اسمها دليل زجاج كهربا , و مؤخرا عندي تسريب زيت من اويل سيل كرنك خلفي (هو اسمه كده :))))))) )

و وقفت بيا العربية مرة واحدة ... قطعت بنزين , بس كان المؤشر مش نازل تحت الاحمر , كان قبله على طول , و دي كانت المشكلة

بالنسبة لخارج القاهرة و اسكندرية اظن الزملا هايفيدوك اكتر مني لو حصل مع اي حد فيهم , ظني انا ان اللي ينطبق على العربيات الحديثة زي الالنترا الحالية و السيراتو الحالية و اللي قبلها و باقي الاوروبي ينطبق عليها

[تامر.محمد]

و غيرت ماكينة حزام امان كمان :)))))))

[eng.octooo]

انا من اكبر المشجعين للعربيات الاوروبى وعربيتى اوروبى بس لو حكمنا العقل وانك هاتجيب عربية يوزد وحالتها نظيفة بس شغللك وحياتك هاتتوقف على مشتويرك بيها يبقى اللانسر احسن من ناحيل قلة الاعطال ولو انت برة البيت والميجان وقفت هاتضطر تنقلها بونش لحد بيفهم فيها اما الانسر ممكن اى ميكانيكى على اول الشارع يبصلك عليها ويقولك اية الى فيها
بس ك ركوبة يبقى الميجااااااااان طبعااا


بص من الاخر :

مشاوير جوة البلد : الانسر احسن واخف

مشاوير سفر وطرق سريعة : الميجان اثبت واامن


بس انا لو مكانك هاختار اللانسر لان شغلى معتمد على العربية اما لو مش هاجتجها فى مشاوير للشغل وهاتبقى لخروجاتى واحتياجاتى يبقى الميجان طبعا


ونصيحة سواء جبت دى او دى اكشف عليها وغيرلها البطارية والسيور والفلاتر والزيت اول ما تجيبها وتابع صيانتها وهيا هاتحافظ عليك ان شاء الله

[haisam ali]

انارايى بالظبط زى رأى اخونا eng. octooo مع أنى من أشد المحبيين للفرنساوى والالمانى بس ع كلامك ده انت ماينفعكش غير كورى ويابانى وآسف للاطاله

[amoor881999]

أولا يا جماعة انا متشكر جدا على اهتمامكم وردودكم
بس أنا فعلا العربية طالعة من عينى لان الاوبشنز اللى فيها عالية قوى
بس مقلق جدا من اعطالها لان عربيتى الالنترا لسه مسروقة منى وده اللى بيخلينى ادور على عربية تانية فانا مش ناقص خبطة تانية فى العربية الجديدة
على فكرة زميلى اللى بيبيع الميجان 2009 طالب فيها 75 الف
واسف للاطالة

[monamize4]

الميجان عربية جميلة

لكن منصحكش خالص لو بتدور ع الاعتمادية و قلة الاعطال
لاحظت من معارفى اللى معاهم العربية ان بيقعوا ف مشاكل غريبة
و مش هتكلم كتير عشان كلامى مضايقش حد من ملاكها

[m7mdwagih]

بص يا ريس انا كان معايا لانسر 2006 1600 و بعدها جبت ميجان ماعيا حاليا مميزات الانسر تكيف اقوي و تجميع هايل اي حد يصلحها نجي لعيوبها بقي في الطريق وحشه بتعود تتنطط مع مطبات الهوا فرامل سيئه جدا جدا و الله كان ماعيا قبلها اكسنت كان فراملها احسن منها و قطع غيارها غالية جدا انا بتكلم علي قطع غيار اصلي
نيجي للميجان تكيف كويس طول ما الطريق ماشي في الزحمة علي قدة ثبات هايل قعدة مريحة اعطالها علي حسب الحالة بس هي تنفعك لو بتسافر كتير في السفر جميلة لو جوة البلد معظم مشاويرك هتتعبك
نصيحة مني لو مس هاتجيب مياجن شوف حاجة غير الانسر برضة ابيزا مثلا سوبارو

[AHMED1718]

[QUOTE=amoor881999;3875225264]أولا يا جماعة انا متشكر جدا على اهتمامكم وردودكم
بس أنا فعلا العربية طالعة من عينى لان الاوبشنز اللى فيها عالية قوى
بس مقلق جدا من اعطالها لان عربيتى الالنترا لسه مسروقة منى وده اللى بيخلينى ادور على عربية تانية فانا مش ناقص خبطة تانية فى العربية الجديدة
على فكرة زميلى اللى بيبيع الميجان 2009 طالب فيها 75 الف
واسف للاطالة[


عربية محترمة جدااا جدااا ولو هيا مش ملعوب فيها هتستمتع بيها

بس سورة يعنى السعر ده مش واقعى لل٢٠٠٩ خالص العربية دي اكيد فيها حاجة
ممكن توضح انهو فءة وماشيا اد ايه والصيانات والحالة العامة