مشكلة سحب فى ميجان II وال rpm بيرفع

[aMoR3g]

الموضوع بإختصار شديد . انا كان حصل معايا مشكلة فى العربية عصاية الفتيس كانت باظت واتغيرت
بعدها بكام يوم مشيت حاسس ان العربية مظبوطة

بعدها بكام يوم ظهرلي check injectionالمهم روحت الحرفيين عشان اظبطها

دخلت العربية اعطال المهندس قالى الدينامو عاوز يتغير عشان مش بتاعها .. الميكانيكي قالى مش بتاعها ازاي ومين اللى قالك كدة قالى روح قيس الفولت اللى خارج من الدينامو لقيته 14.5 قالى كدة مظبوط 100%

المهم خرجت جربت العربية تاني بعد ما نضف البوجيهات وصورتله العدادات


قالى ده كدة طقم دبرياج
اتمني الافادة

[AHMADALY1999]

هى مانيوال ؟
الصورة ديى و انت على الخامس ؟
لو فعلا كدا يبقى اكيد طقم دبرياج كلامه صح
دا غير رسالة check injection عملت فيها ايه ؟ راحت ؟ لان معناها بتقولك افحص منظومة الحقن ( خاصة الرشاشات )

[saddam]

صديقي المواطن
قطعا طقم دبرياج
أنا لو عربيتي المحرك يقرا 4000 دورة والعربية لسه مجابتش.سرعة 100 ممكن تجيني أزمة قلبية مستديمة وجلطة شهرية شديدة اللهجة فأرجوك إلحقها
أما الدينمو فده.شحن فوق.الممتاز مائل للعالي
وبالتوفيق وإلى اﻷمام
ودمتم.للنضال

[aMoR3g]

العربية مانيوال فعلا
انا على الغيار الرابع في الصورة دي

[aMoR3g]

الميكانيكي بيقولي امشي عليها لحد ما طقم الدبرياج يقطع خالص والعربية مش هتتضر ومتقلقش
انا قولتله انا جايلك بعد العيد اغيره ... مبحبش امشي بالعربية فيها تكة

[aMoR3g]

بالمناسبة تشيك انجيكشن اختفت

[vito amen]

صديقي المواطن
قطعا طقم دبرياج
أنا لو عربيتي المحرك يقرا 4000 دورة والعربية لسه مجابتش.سرعة 100 ممكن تجيني أزمة قلبية مستديمة وجلطة شهرية شديدة اللهجة فأرجوك إلحقها
أما الدينمو فده.شحن فوق.الممتاز مائل للعالي
وبالتوفيق وإلى اﻷمام
ودمتم.للنضال

هو المفروض كل نقلة الار بى ام يكون فيها عند رقم كام مع العلم ان عربيتى اتوماتيك
يعني مثلا امتا اعرف ان عندى حاجة غلط فى الار بي ام وان عندى طقم دبرياج

[shawkylotfy]

شىء طبيعى انك على الرابع وسرعة 100 الار بى ام يبقى 3.5 او 4 حضرتك اديها الخامس وهتلاقيها على 2.5 ار بى ام ......... هو فى عض معاك فى العيارات ؟

[AHMADALY1999]

لا كدا مش طقم دبرياج انا كنت فاكرك على الخامس