اسئلة من مالك جديد للميجان ||

[Hazem Khaled]

السلام عليكم

منتدى مصر موتورز رائع جداً، وانا متابع من زمان لكن عربيتي القديمة مكنش حد هنا بيتكلم عنها عشان كده مكنتش بشارك.

ليا بعض الاسئلة شاكر ليكو تساعدوني فيها

1. هل معدل حرق ٩.٨ لكل ١٠٠ كيلو ده طبيعي؟ ولا ده ليه علاقة بان عندي حساسين شكمان بايظيين؟
2. منين اجيب وصلة ال AUX في القاهرة؟ لقيتها في amzon.com لكن مكلفة لو اشتريتها من بره
3. ازاي اشغل USB على الكاسيت؟ في شوية حلول لقيتها زي XCarLink مثلاً او Yatour وده فيه Bluetooth بيشغل موبيلك اتصالات واغاني كمان، فهل في حاجة زي كده بيتباع في القاهرة؟ ولا اجيب من بره على طول؟
4. عرفت ان لو فصلت البطارية الكاسيت هيتقفل بباسورد، ازاي اعرف الباسورد ده؟
5. البائع قالي ان وحدة UPC محتاجة تتغير وبتعمل حوالي ١٠٠٠ جنية وانها سبب ان الفوجات والنور الواطي مش شغالين، الكلام ده صحيح ولا ممكن تكون تظبيطات إضائة؟
6. قالي بردو ان شريطة الـ Airbag بايظة رغم كده مفيش حاجة منورة عندي في التابلوه تقولي كده، اتاكد ازاي؟ وهل في حد في الحرفيين بيصلحها مش بيغيرها؟

اسف عالاطالة وشكراً للاعضاء الرائعين

[dedo_ryo]

السلام عليكم

منتدى موقع رائع جداً، وانا متابع من زمان لكن عربيتي القديمة مكنش حد هنا بيتكلم عنها عشان كده مكنتش بشارك.

ليا بعض الاسئلة شاكر ليكو تساعدوني فيها

1. هل معدل حرق ٩.٨ لكل ١٠٠ كيلو ده طبيعي؟ ولا ده ليه علاقة بان عندي حساسين شكمان بايظيين؟
   ده لو داخل البلد و في الزحمه بيقي ميه ميه لكن لو عايز تعرف الاستهلاك الحقيقي لازم طريق مفتوح و اديها جري و شوف النظام ايه
   
2. منين اجيب وصلة ال AUX في القاهرة؟ لقيتها في amzon.com لكن مكلفة لو اشتريتها من بره
   اللي سمعته انها مش قد كده بس اللي يفيدك في الموضوع ده الاستاذ احمد استشاري القسم لانها عنده و مجربها و هو اللي يفيدك بجد
3. ازاي اشغل USB على الكاسيت؟ في شوية حلول لقيتها زي XCarLink مثلاً او Yatour وده فيه Bluetooth بيشغل موبيلك اتصالات واغاني كمان، فهل في حاجة زي كده بيتباع في القاهرة؟ ولا اجيب من بره على طول؟
4. عرفت ان لو فصلت البطارية الكاسيت هيتقفل بباسورد، ازاي اعرف الباسورد ده؟
   من السيكيورتي كود اللي في جنب جسم الكاسيت في برنامج بتكتبه فيه و هو يقولك الرقم كام
   
5. البائع قالي ان وحدة UPC محتاجة تتغير وبتعمل حوالي ١٠٠٠ جنية وانها سبب ان الفوجات والنور الواطي مش شغالين، الكلام ده صحيح ولا ممكن تكون تظبيطات إضائة؟
   غالبا دي فيشه النور اللي في علبه فيوزات الكبوت عندك لو تشيك عليها بنفسك هتعرف العيب لانك هتلاقي فيشه سايحه
   
6. قالي بردو ان شريطة الـ Airbag بايظة رغم كده مفيش حاجة منورة عندي في التابلوه تقولي كده، اتاكد ازاي؟ وهل في حد في الحرفيين بيصلحها مش بيغيرها؟
   شريط الايرباج هتسمع طقه و انت بتلف الديريكسيون يمين و شمال و لو عندك مثبت سرعه هتلاقيه مش شغال لان ده اول مؤشر علي قطع الشريط
   

اسف عالاطالة وشكراً للاعضاء الرائعين

[ahmed elhddad]

الأول ربنا يبارلك فيها ويكفيك شرها ..

اضافة الى الكلام اللى قاله صديقنا في البداية وصلة الـ AUX بتشتغل بس على السي دي بلاير Update list مش الـ Tuner list والأخير موجود عندي في العربية موديل 2005 وأعتقد والله اعلم لغاية 2006 بعد كده بيبقى الأول وفي كذا موضوع هنا عن طريقة تصنيع الوصلة ديه بنفسك وطريقتها سهلة مش صعبة

الحاجة التانية بقه ازاى شريط الايرباج مش شغال واللمبة مطفية !!!!!! لازم اللمبة تنور متهيئلي

[Hazem Khaled]

تسلمو يا رجالة، ربنا يكرمكو

ا/ dedo_ryo شاكر لردك الرائع
ا/ ahmed elhddad انا عربيتي 2005 وفيها Update list

انا بالفعل عملت امبارح وصلة ال AUX وشغالة تمام، لكن مش بعرف اغير الاغاني من الطارة :S

اعتقد منطقياً هي ممكن تشتغل لو طورت الوصلة، فهل حد عنده خبرة في الموضوع ده؟

لو مكانش، فهل يكون اجهزة ال Digital CD Changer دي تشتغل على جهازي Update List ولا هتشتغل على Tune list بس ؟ لان الجهاز ده بيعمل Emulation للكاسيت انه CD Changer وبيحسسه الاغاني الي على ال USB كانها من سيديهات، وبالتالي بيشتغل عليه الزراير بتاعة الكاسيت الي في الطارة.

Amazon.com: All Lights Digital Music Changer CD Changer For Renault: Automotive