رينو لوجان ارخص من تمنها ب 4 تلاف معقوله ؟

[مصطفى خالد]

سلام عليكم

كلمت معرض النهارده و قالى ان تمن الرينو لوجان اتوماتيك فل اوبشن عامله عنده 91 و نص
و كلمت التوكيل قالى انها ب 95 و نص

هو المعرض قالى انها زيرو و جه فى نص الكلام انها ماشيه من 40 ل 50 كيلو

مش كده دى كسر زيرو مش زيرو؟

و لا عادى الى جاب العربيه من المعرض بيلاقهيا ماشيه الكلام ده

اصلى اعرف ان العربيه فى المعرض ماشيه كيلو بالكتير

و مجبتش من معارض قبل كده :)

[AHMED12345678]

الفيصل فى هذا الموضوع
هو العربية مترخصة ولا مش مترخصة

[mohamed_e36]

ممكن تكون اللي في المعرض 2013 واللي التوكيل قصده عليها 2014 والعربيات الزيرو بتلاقيها ماشيه 50 كيلو او اكتر حاجه بسيطه

[gebreel]

40 او 50 كيلو دي مسافة ماتنقلت من المخزن للمعرض عادي

روح شوفها و افحصها كويس اكنك بتشتري مستعمل و لو لقيت كل حاجة تمام يبقى مبروك عليك العربية

[شاهين - بنز]

طبيعي جدا في أي مكان في الدنيا إن السعر في المعرض بيكون أرخص من التوكيل
لإن لو العربية سعرها في المعرض بسعر التوكيل بالضبط محدش نهائيا حيشتري من المعارض وحيقولك أشتري من التوكيل أضمنلي
والعربية مادام تحت ال50 كيلو مفيهاش أي مشكلة

[Mostafa Khalil]

ده سعر تجاري و المسافة طبيعية

[Batman372]

طبيعى جدا فى ظل حاله الركود الشديده ....
اغلب العربيات موجوده اليوم تسليم فورى ...
اهم حاجه تكون لم ترخص ... و مش مشكله انها تكون 2013 ... انت الكسبان :)
تحياتى ...

[assaf]

انا برضه لقيتها في المعارض بسعر يوصل ل 91 الف وممكن تنزل كمان بس الكلام دا عشان موديل 2013
بس سؤال هي كدا كويسه ولا الواحد يستني 2014 يعني ال5 تلاف دول مش يعوضو فرق الموديل عند البيع

[مصطفى خالد]

انا برضه لقيتها في المعارض بسعر يوصل ل 91 الف وممكن تنزل كمان بس الكلام دا عشان موديل 2013
بس سؤال هي كدا كويسه ولا الواحد يستني 2014 يعني ال5 تلاف دول مش يعوضو فرق الموديل عند البيع

ده فين المعرض ده :)

[assaf]

معرض علي مسعد في بورسعيد قالي بالتليفون 90 و معرض الليثي في الزقازيق بس دا قال 91 بس ممكن تنزل معاه لما قلت له علي سعر معرض علي مسعد قالي تعالي بالسعر اللي انت عايزه يعني حنزل معاه

[مصطفى خالد]

معرض علي مسعد في بورسعيد قالي بالتليفون 90 و معرض الليثي في الزقازيق بس دا قال 91 بس ممكن تنزل معاه لما قلت له علي سعر معرض علي مسعد قالي تعالي بالسعر اللي انت عايزه يعني حنزل معاه

معرض فى الزقاويق و معرض تانى فى بورسعيد؟

انت لفيت كل ده عشان العربيه :)

[assaf]

مش للدرجه انا من الشرقيه فكنت شايف معرض الزقازيق و الشغل في بور سعيد فقلت اسئل في بورسعيد و انا في الشغل بس الليثي له فروع في القاهره