شكر وتقدير للمنتدى و اعضاؤه بخصوص فلوانس فيس ليفت

[rumish]

السلام عليكم
انا احمد روميش محاسب ببنك ناصر الاجتماعى
بالرغم ان دى اول مره اشارك فى المنتدى لكن انا متابع جيد جدا لنايل موتورز منذ اكثر من عامين
علشان مطولش عليكم انا عايز اتقدم بالشكر لكل اعضاء المنتدى وخصوصا قسم رينو على الموضوعات الرائعه والتعليقات المفيده اللى ساعدتنى كتير فى قرارى لشراء فلوانس e3 الجديده
انا استلمت من عشرة ايام تقريبا من التوكيل و الحمد لله العربيه تمام وزى الفل بشكل عام وتحت امر الاعضاء فى اى استفسارات

[Hany Saad]

ألف ألف مبروك حضرتك و ربنا يبارك لك فيها......أختيار جيد

[azahranm]

الف مبروك و ربنا يديك خيرها و يكفيك شرها

[esam_ayad]

ألف مبروك علي العربيه الجميله دي
وكنت عايز أسئل حضرتك شوية أسئله:
أولا: عن الطلعه لأني سمعت انها بطيئه في الطلعه بتاعتها ولازم تضغط بنزين زياده علشان تاخد سرعه.
وايه أخبارها في المطبات وعين القط والحفر والشوارع الجميله بتاعة بلدنا؟ هل هي ناعمه ومابتحسش بحاجه لما بتمشي ولا عفشتها ناشفه؟؟
ثالثا: هل الدركسيون كهربا ولا ايه( يعني تقيل مع السرعات العاليه وخفيف علي الواقف والسرعات البطيئه)
وأخيرا ياريت حضرتك تقولنا عن مواصفات العربيه بالتفصيل
وأسف علي الإطاله وشكرا

[Hunting_Eagle]

مبروك عليك و عقبال ما تشتري مرسيدس

[moh158]

ميروك

[moh158]

ألف مبروك علي العربيه الجميله دي
وكنت عايز أسئل حضرتك شوية أسئله:
أولا: عن الطلعه لأني سمعت انها بطيئه في الطلعه بتاعتها ولازم تضغط بنزين زياده علشان تاخد سرعه.
وايه أخبارها في المطبات وعين القط والحفر والشوارع الجميله بتاعة بلدنا؟ هل هي ناعمه ومابتحسش بحاجه لما بتمشي ولا عفشتها ناشفه؟؟
ثالثا: هل الدركسيون كهربا ولا ايه( يعني تقيل مع السرعات العاليه وخفيف علي الواقف والسرعات البطيئه)
وأخيرا ياريت حضرتك تقولنا عن مواصفات العربيه بالتفصيل
وأسف علي الإطاله وشكرا

اولا الطلعة احسن بكتييير من الميجان و الفلوانس القديمة بس مش زي الكوري او الياباني بس معقولة نسبيا

ثانيا بالنسبة للمطبات ما شاء الله ناعمة و عين القطة محسوسة علشان لا مؤاخذة عبارة عن خوازيق مش تنبيه زي بره

ثالثا الدركسيون كهرباء بيتقل مع السرعة و العكس

ارجو ان اكون افدتك

[تامر.محمد]

الف مبروك :)

[mah_khourshid]

الف مبروك واختيار سليم وموفق ان شاء الله

[ibrahim zaki]

ربنا يباركلك و يحفظك من كل شر.

اية اخبار الثبات علي السرعات العالية(فوق 160)؟
العفشة اخبارها اية؟ ولا لسة محتاجة شوية وقت علشان تبان؟!
المطبات و التكسير في الطرق بتحس بية اوي و لا لا؟
حجمها الكبير مريح في القيادة وسط الزحام ولا غلس؟
الترخيص بالستاير سهل ولا بيغلسوا؟
الي اشتري اول فئة ب فتحة سقف شايف ان الفرق الي دفعة مقارنة بالفئة الي قبلها مباشرة يستاهل ولا لا؟
اية وسائل الامان ضد السرقة؟ (اصل انا للأسف اتسرقت عربيتي من تحت البيت و متعقد- ربنا يكتبلي الخير و الاقيها)
اية الانطباع لو حد كان معاة النترا قبلها؟

و شكرا جدا مقدما

[ibrahim zaki]

ربنا يباركلك و يحفظك من كل شر.

اية اخبار الثبات علي السرعات العالية(فوق 160)؟
العفشة اخبارها اية؟ ولا لسة محتاجة شوية وقت علشان تبان؟!
المطبات و التكسير في الطرق بتحس بية اوي و لا لا؟
حجمها الكبير مريح في القيادة وسط الزحام ولا غلس؟
الترخيص بالستاير سهل ولا بيغلسوا؟
الي اشتري اول فئة ب فتحة سقف شايف ان الفرق الي دفعة مقارنة بالفئة الي قبلها مباشرة يستاهل ولا لا؟
اية وسائل الامان ضد السرقة؟ (اصل انا للأسف اتسرقت عربيتي من تحت البيت و متعقد- ربنا يكتبلي الخير و الاقيها)
اية الانطباع لو حد كان معاة النترا قبلها؟

و شكرا جدا مقدما

[ramymechanics]

ألف مبروك علي العربيه الجميله دي
وكنت عايز أسئل حضرتك شوية أسئله:
أولا: عن الطلعه لأني سمعت انها بطيئه في الطلعه بتاعتها ولازم تضغط بنزين زياده علشان تاخد سرعه.
وايه أخبارها في المطبات وعين القط والحفر والشوارع الجميله بتاعة بلدنا؟ هل هي ناعمه ومابتحسش بحاجه لما بتمشي ولا عفشتها ناشفه؟؟
ثالثا: هل الدركسيون كهربا ولا ايه( يعني تقيل مع السرعات العاليه وخفيف علي الواقف والسرعات البطيئه)
وأخيرا ياريت حضرتك تقولنا عن مواصفات العربيه بالتفصيل
وأسف علي الإطاله وشكرا

باشا الباور بتاع العربية وأنت واقف مييييية بمعنى الكلمة ممكن تلف الدركسيون بصباعك الصغير لدرجة انى اول مرة اركبها حسيت ان الدركسيون بيلف عالفاضى أول ما بتجمع 40 أو 50 كيلو بتحس أن الدركسيون زى مايكون حد ماسكه من ورا ... بالنسبة للمطبات العربية عالية جدا انا كنت على طريق المريوطية وكنا 3 كبار فالعربية وطفلين والشنطة متروسة على آخرها وكنت بعدى المطبات الى عاملة زى الجبل دى من غير ما أحك نهائى الحمد لله ... على فكرة بعد 2000 كيلو بالعربية حاسس أن طلعتها بقت احسن من اﻷول بكتير وبردو مرضية جدا ليا ومحتاجة تعود ولو عاوز استجابة سريعة فالطلعة تقل رجلك على دواسة البنزين شوية وأرفع رجلك شوية وبعدين زود بتلاقيها بتجمع معاك زى ما أنت عاوز

[ramymechanics]

السلام عليكم
انا احمد روميش محاسب ببنك ناصر الاجتماعى
بالرغم ان دى اول مره اشارك فى المنتدى لكن انا متابع جيد جدا لنايل موتورز منذ اكثر من عامين
علشان مطولش عليكم انا عايز اتقدم بالشكر لكل اعضاء المنتدى وخصوصا قسم رينو على الموضوعات الرائعه والتعليقات المفيده اللى ساعدتنى كتير فى قرارى لشراء فلوانس e3 الجديده
انا استلمت من عشرة ايام تقريبا من التوكيل و الحمد لله العربيه تمام وزى الفل بشكل عام وتحت امر الاعضاء فى اى استفسارات

ألف مليون مبروك يا كبير ويا رب يديك خيرها ويكفيك شرها ويا رب يكون تقريرى واحد من الحاجات الى خليتك تجيبها وربنا يستر والعربية تبيض وشنا قدامك

[devil_storm]

اية اخبار التكييف؟؟؟
ايه اخبار نعومة الفتيس و هل النتشة لسه موجوده و لا راحت؟؟

[Abdulrahman M]

ألف مبروووك ...
بس هو فيها مساعد للركن ؟ park assist

+

tفيها حساسات ؟