غيرت جميع قواعد الموتور اليوم فى التوكيل.....إحساس العربية المظبوطة ميتعوضش

[Hany Saad]

رحت النهارده توكيل سموحة علشان أغير قاعدة موتور علوية....كان عندى صوت دردة الصبح و أنا بسخن من مده و كنت فاكر حاجة فى الشكمان
قعدت أتابع و ربط كل حاجة من تحت و برده الصوت زى ما هو و بعدين زاد و أصوات تانية ظهرت

المهم جم يكشفوا و هما عارفين أنى بفهم و بحب أشوف كل حاجة...... لقى شداد الفتيس مشقق خالص و قاعدة الفتيس اللى تحت البطارية مقطوعة......لحسن حظى كانوا اخر ٣ حتت فى التوكيل

نغير يا هندزه.....غير يا برنس

على فكرة شداد الفتيس أتغير و بقى الframe بتاعه معدن مش كاوتش

الأحساس بعد التغيير مش سامع صوت للموتور نوهائى.....بمنتهى الأمانة و الصدق مش بعرف أذا كانت العربية دايره و لا لأ......شتان

مش عارف بأه ده أحساس و لا أيه بس حاسس العربيه سحبها بأه شديد و عايزه تجرى بزيادة
أحساس المطبات و كأنى غيرت مساعدين و ربط العفشة

المحزن بأه أنى أتلزقت ٢٠٤٠ جندى فى المشوار ده.....بس أحساس العربية المظبوطة حلو حلو مفيش كلام

[john55]

مبروك ولا يهمك الفلوس

[تامر.محمد]

مبروك
هو ايه شداد الفتيس ده ؟

[Hany Saad]

مبروك
هو ايه شداد الفتيس ده ؟

شداد الفتيس ده زى دراع بالطول بيربط الجيربوكس فى الشاسيه من تحت. راكب بالطول....الموديل القديم منه كان كله كاوتش فى كاوتش ما عدا جلبتين الرباط معدن

النوع الجديد اللى ركبوه النهارده كله ألامونيوم أو معدن لامع ما عدا الجلب المعدن قاعدة على قواعد كاوتش....طبعا تصميم أقوى و أحسن شوية

[saddam]

صديقي المواطن
مبروك أنا أحيانا عندي عربيات نادرة وملهاش قطع غيار نهائي بروح فاكك قواعد الموتور والفتيس وموديها لواحد وبيصبها مطاط وبيعيشني اللحظة
أنا سعيد عشانك لكن التكلفة مش وطنية خالص ولو كنت عملتها بره التوكيل كان أفضل جدا
المهم حضرتك مبسوط وإحنه مبسوطين عشانك
وبالتوفيق وإلى اﻷمام ومن نصر إلى نصر
ودمتم للنضال

[Fancy_man22]

صديقي المواطن
مبروك أنا أحيانا عندي عربيات نادرة وملهاش قطع غيار نهائي بروح فاكك قواعد الموتور والفتيس وموديها لواحد وبيصبها مطاط وبيعيشني اللحظة
أنا سعيد عشانك لكن التكلفة مش وطنية خالص ولو كنت عملتها بره التوكيل كان أفضل جدا
المهم حضرتك مبسوط وإحنه مبسوطين عشانك
وبالتوفيق وإلى اﻷمام ومن نصر إلى نصر
ودمتم للنضال

باشا معلش انا مش فاهم قصدك فى موضوع بتصب قواعد الفتيس و الماتور دا بجد ينفع و لا هتكون ضعيفة وهل بتكون بنفس كفائه الاصلية و بتعيش يعنى فهمهالى دى

[hugan]

باشا معلش انا مش فاهم قصدك فى موضوع بتصب قواعد الفتيس و الماتور دا بجد ينفع و لا هتكون ضعيفة وهل بتكون بنفس كفائه الاصلية و بتعيش يعنى فهمهالى دى

+11111111
ياريت لو ينفع فعلا القواعد تتعمل عموله وتكون بجوده عاليه
متابع

[Ahmed Amin]

باشا معلش انا مش فاهم قصدك فى موضوع بتصب قواعد الفتيس و الماتور دا بجد ينفع و لا هتكون ضعيفة وهل بتكون بنفس كفائه الاصلية و بتعيش يعنى فهمهالى دى

فكرة أستاذ صدام ممتازة,, وأنا أعرف ناس كتير بتحشي القواعد بدل من تغيرها,, بس مجربتش لسه,

قاعدة زي قاعدة الموتور العلوية دي كلها حديد أصلاً ومفهاش غير حتت كوتشة صغيرة خالص كدا,, ودي اللي ماسكة الجزء الحديد اللي ماسك في جسم العربية بالجزء الحديد التاني اللي ماسك في الموتور,, والكاوتشة اللي ما بينهم هيا اللي بتتاكل وبتتقطع بعد 5 ولا 6 سنين,,

وقاعدة الفتيس اللي بتعمل الدردرة في العربية دي كاوتشة صغيرة كدا والأتنين أصلي يدخلو لهم في ألف جنية,,

يعني أنا لما بتشري قاعدة الموتور العلوية وقاعدة الفتيس السفلية خالص اللي ليها تصميم جديد بيدخلو في ألف ونص لوحدهم,,
ومعظم الحديد بتاعهم بيكون سليم, ومش متاكل غير الكاوتش,,

يعني لو فيه حد عملي حشو كاوتش أو مطاط كويس ليهم مش هيتكلف أكتر من 200 ل 300 جنية لو حاجة محترمة,,

وأنا عن نفسي لما غيرت كان بالأصلي برضه زي Meggieboy,,
بس شايف برضه إن التكلفة كتير ومش لذيذة ومبالغ فيها,,

وألف مبروك علي القواعد الجديدة يا ميجي,,

[hugan]

صديقي المواطن
مبروك أنا أحيانا عندي عربيات نادرة وملهاش قطع غيار نهائي بروح فاكك قواعد الموتور والفتيس وموديها لواحد وبيصبها مطاط وبيعيشني اللحظة
أنا سعيد عشانك لكن التكلفة مش وطنية خالص ولو كنت عملتها بره التوكيل كان أفضل جدا
المهم حضرتك مبسوط وإحنه مبسوطين عشانك
وبالتوفيق وإلى اﻷمام ومن نصر إلى نصر
ودمتم للنضال

فين ياستاذ صدام
بقيه التفاصيل رجاء

[sonybony]

مبروك بس نوع العربيه ايه صحيح

[Hany Saad]

مبروك بس نوع العربيه ايه صحيح

الله يبارد فيك...العربية ميجان ii

[hugan]

استاذ صدام!!!!!!!!!!!!!!!!!!

[drama2501]

فكره ممتازه يا استاذ صدام لكن مين اللى بيصب القواعد ؟؟؟

[amr011111]

فكره ممتازه يا استاذ صدام لكن مين اللى بيصب القواعد ؟؟؟

اللى عاوز الاستاذ صدام يدخل الموضوع تانى يبعتله رساله على الخاص

[amr011111]

المهم جم يكشفوا و هما عارفين أنى بفهم و بحب أشوف كل حاجة......

ألف مبروك
وسؤال جانبى هوه فيه توكيل فى مصر بيسمح ان العميل يقف يدخل الورشه بدل ما الواحد مش بيبقى ايه اللى بيتم فى العربيه