بوجيهات ١٠٠ ألف كيلو فى موتور الفلوانس الفيس ليفت

[Hany Saad]

النهارده و أنا فى توكيل رينو قعدت أطقس عن أخبار الفلوانس الفيس ليفت....الجديد فى الموضوع
الموتور نازل فيه بوجيهات عمرها الأفتراضى ١٠٠ ألف كيلومتر
التكييف مش ياباني و مش بتاع التيدا و لكنه معدل و محسن و كفائته أعلى من الفلوانس القديم
حبيت أوضح النقط دى للمقبل على الشراء أو لسه بيفكر

[Silent~Dream]

شكرا على التوضيح و المعلومات

[تامر.محمد]

التكييف مش ياباني فعلا ؟؟؟؟

[amr011111]

التيدا برضه بوجيهاتها بتتغير كل 100 ألف كم

[Hany Saad]

التكييف مش ياباني فعلا ؟؟؟؟

ده على حسب كلام اللى فى التوكيل....بس الملاحظ أن لسه معلوماتهم ضعيفة جداً عن السيارة....يعنى لسه منزلهمش جدول الصيانات الدورية بتاعتها و مش عرفين أيه يتغير أمتى مع أن العربية باعت كتير جداً
أعتقد هما من كام شهر كانوا أخدوا كده دوره تعريفية خفيفة عن مميزات السيارة عن الموديل السابق لأنى قابلت بنفسي المهندس المسؤول عن التدريب و أتناقشت معاه....بس واضح أن لسه متعمقوش فيها

[Hany Saad]

التيدا برضه بوجيهاتها بتتغير كل 100 ألف كم

تمام حضرتك....أنا عندى المعلومة دى من ملاك التيدا أصدقائى موديل ٢٠١٣....و بما أن موتور الفلوانس و التيدا واحد فكده الكلام بيأكد بعضه

[saddam]

صديقي المواطن
شكرا على نقل التجارب والخبرات والمعلومات والعربية الفلوانس وطنية وجميلة ومحترمة وبتزيد مبيعاتها وننتظر منك كل جديد
وبالتوفيق وإلى اﻷمام ومن نصر إلى نصر
ودمتم للنضال

[Mohamed.Hany]

التيدا برضه بوجيهاتها بتتغير كل 100 ألف كم

الكوروﻻ من 2010 وهي بوجيهاتها كل 100 الف

[elmkaneeki]

خدوا الموتور وسابوا التكييف ؟!
اشك

[esam_ayad]

شكرا علي المعلومات
وكل يوم بعد يوم بتتقدم الفلوينس في ترتيب الخيارات المتاحه قدامي بعد الإلنترا والسيراتو الجديده.

[ramymechanics]

باشا التكييف فيه أوبشن fast بيتلجلك العربية فى دقيقتين ... النهاردة فى الجو الحر دة واحد صاحبى ركب معايا معاه مازدا 3 قالى شغل التكييف شغلته على fast بعد دقيقتين بيقولى هدى التكييف شوية أنا بردت