فيوزات الميجان2 ... هل من حل ؟

[تامر.محمد]

سلام عليكم
انا ملاحظ ان مشاكل كتير اوي في الميجان ناتجة عن فيوزات بتضرب

مبدئيا كده نظرية عمل الفيوز اللي اعرفها هو حماية جهاز ما من ارتفاع التيار عليه

اذن عندنا كده في العربية مشكلة من اتنين مفترض انها سبب لفرقعة الفيوزات الكتير ده
1- اما ان التيار في العربية بيعلى بصورة غير طبيعية , مش عارف لو دي المشكلة فهل تركيب فولت ستابليزر يحلها ولا ايه
2- اما ان الفيوزات اللي راكبة ذو قدرة احتمال اقل من المفروض , و في الحالة دي مفترض تبديل كل الفيوزات بفيوزات ذات امبير اعلى , او ان نقص قدرة الاحتمال ده ناتج عن عمر افتراضي او جودة اقل مما ينبعي , فلو عمر افتراضي يبقى لازم الفيوزات تدخل على جدول الصيانات و تتغير كل فترة , لو مشكلة جودة فيا اما من فيوزات الفبريكة و بالتالي لازم تتغير و لو مرة بنوع نكون عارفينه , او ده يبقى ناتج عن تغييرها عند كهربائي مثلا , و في الحالة دي هنلاحظ تكرار المشكلة


النقطة اللي بعيد عن سبب بوظان الفيوزات , فيه عندنا فيوزات يبدو انها بتوقف العربية كلها , محتاجين نعرف دي انهي فيوزات بالظبط و هل ممكن تتعامل معاملة خاصة ولا لأ

شاركوني التفكير

[Ahmed Selim]

موضوع زي الفل..........عموماً أنا مش بفهم فى الكهرباء بس هحاول أفكر معاك بصوت عالي.

مبدأياً أنا عندي إعتقاد شخصي أن المشكلة فى الأغلب هتكون عمر إفتراضي أو كفاءة الفيوزات اللى راكبة و جودتها أقل مما يجب.

معتقدش أن تركيب حاجة زي فولت ستابليزر هتكون حاجة سهلة و ظريفة فى الميجان.

أعتقد الحل هو أنك تشتري الفيوزات جديدة من التوكيل و تغيرها كلها بنفسك......أو على الأقل خالص.........تشتري فيوزات بجودة محترمة.

بالنسبة للفيوزات اللى ممكن توقف العربية.........أو بمعنى أخر متخليهاش تدور ( لأن ده اللى حصل معايا )
اللى أعرفه الفيوز اللى تحت البطارية...........و ده الوحيد اللى أعرف انه ممكن يعمل كده.

[semsem85]

سلام عليكم
انا ملاحظ ان مشاكل كتير اوي في الميجان ناتجة عن فيوزات بتضرب

مبدئيا كده نظرية عمل الفيوز اللي اعرفها هو حماية جهاز ما من ارتفاع التيار عليه

اذن عندنا كده في العربية مشكلة من اتنين مفترض انها سبب لفرقعة الفيوزات الكتير ده
1- اما ان التيار في العربية بيعلى بصورة غير طبيعية , مش عارف لو دي المشكلة فهل تركيب فولت ستابليزر يحلها ولا ايه
2- اما ان الفيوزات اللي راكبة ذو قدرة احتمال اقل من المفروض , و في الحالة دي مفترض تبديل كل الفيوزات بفيوزات ذات امبير اعلى , او ان نقص قدرة الاحتمال ده ناتج عن عمر افتراضي او جودة اقل مما ينبعي , فلو عمر افتراضي يبقى لازم الفيوزات تدخل على جدول الصيانات و تتغير كل فترة , لو مشكلة جودة فيا اما من فيوزات الفبريكة و بالتالي لازم تتغير و لو مرة بنوع نكون عارفينه , او ده يبقى ناتج عن تغييرها عند كهربائي مثلا , و في الحالة دي هنلاحظ تكرار المشكلة

النقطة اللي بعيد عن سبب بوظان الفيوزات , فيه عندنا فيوزات يبدو انها بتوقف العربية كلها , محتاجين نعرف دي انهي فيوزات بالظبط و هل ممكن تتعامل معاملة خاصة ولا لأ

شاركوني التفكير

استاذي الفاضل موضوعك زي ما بيقولوا في الجول بجد انا لحظت اكتر من موضوع كان سبب عطل العربية انها تقف او تتبرجل او ميعرفش حلها الواحد يكون في الاخر هو الفيوزات اللي هي حاجه من وجهة نظري حاجه هبلة لا تذكر بس تعطل الواحد واتفق مع استاذ شريف انه فعلا لو ربنا كرمني واشتريت الميجان ممكن اغير الفيوز كلها وتكون من التوكيل او نظيفة وهنا معرفش هل سعرها هيكون غالي ولا لا او اكيد تتغير بشكل دوري بس ممكن يكون ده الحل

[تامر.محمد]

موضوع زي الفل..........عموماً أنا مش بفهم فى الكهرباء بس هحاول أفكر معاك بصوت عالي.

مبدأياً أنا عندي إعتقاد شخصي أن المشكلة فى الأغلب هتكون عمر إفتراضي أو كفاءة الفيوزات اللى راكبة و جودتها أقل مما يجب.

معتقدش أن تركيب حاجة زي فولت ستابليزر هتكون حاجة سهلة و ظريفة فى الميجان.

أعتقد الحل هو أنك تشتري الفيوزات جديدة من التوكيل و تغيرها كلها بنفسك......أو على الأقل خالص.........تشتري فيوزات بجودة محترمة.

بالنسبة للفيوزات اللى ممكن توقف العربية.........أو بمعنى أخر متخليهاش تدور ( لأن ده اللى حصل معايا )
اللى أعرفه الفيوز اللى تحت البطارية...........و ده الوحيد اللى أعرف انه ممكن يعمل كده.

انا شايفك كده متفق معايا في ان اللي نقدر نعمله يكون في الفيوزات نفسها
بس ما جربناش فيوزات تشيل امبير اكبر
انا شايف رأيك في جودة او عمر بس
لو عمر يبقى ممكن كل 60 الف مثلا نغير الطقم كله من التوكيل
لو جودة يبقى لازم نلاقي حاجة برة

[Ahmed Selim]

انا شايفك كده متفق معايا في ان اللي نقدر نعمله يكون في الفيوزات نفسها
بس ما جربناش فيوزات تشيل امبير اكبر
انا شايف رأيك في جودة او عمر بس
لو عمر يبقى ممكن كل 60 الف مثلا نغير الطقم كله من التوكيل
لو جودة يبقى لازم نلاقي حاجة برة

أنا فى أول كلامي يا باشا قلتلك أن مليش فى الكهرباء......علشان كده مش هقدر أفتى هل أمبير كبير هيكون أحسن ولا لأ :)

و برضه موضوع جودة أو عمر ده أنا بقصد بيه الفيوزات اللى بتشتريها من السوق العادي مش من التوكيل.

أنا بصراحة عامل أكتر من 100 ألف ما شاء الله و محصلش معايا موضوع فيوز يبوظ ده غير مرتين........مرة الفيوز اللى تحت البطارية و كانت العربية جديدة و أتصلت بالتوكيل بعتولي عربية غيرته فى ربع ساعة.
و المرة التانية كان فيوز الأزاز أو الكاسيت على ما أذكر و ده غيرته بنفسي بال spare الموجود فى العربية اللى هو أصلي برضه.

[تامر.محمد]

أنا فى أول كلامي يا باشا قلتلك أن مليش فى الكهرباء......علشان كده مش هقدر أفتى هل أمبير كبير هيكون أحسن ولا لأ :)

و برضه موضوع جودة أو عمر ده أنا بقصد بيه الفيوزات اللى بتشتريها من السوق العادي مش من التوكيل.

أنا بصراحة عامل أكتر من 100 ألف ما شاء الله و محصلش معايا موضوع فيوز يبوظ ده غير مرتين........مرة الفيوز اللى تحت البطارية و كانت العربية جديدة و أتصلت بالتوكيل بعتولي عربية غيرته فى ربع ساعة.
و المرة التانية كان فيوز الأزاز أو الكاسيت على ما أذكر و ده غيرته بنفسي بال spare الموجود فى العربية اللى هو أصلي برضه.

ربنا يرجع دكتور هشام بااسلامة بقى يفيدنا سوا :-d
انا عاملة60 و غيرت فيوزين و للاسف من السوق
مرة كان الكاسيت و نور كومبريسور التكييف و السخان الخلفي و المساحات
و التانية فانوس امامي بس دي كنت انا السبب فيها

[hossam_elwani]

الى اعرف ان تصميم لوحة الفيوزات لموديل 2005 و 2006 كان هو الى سىء وخاماته رديئه نوعا ما والللوحه دى اتغيرت من 2007 تماما والمفروض انه تم معالجة كل المشاكل

وبخصوص الفيوزات نفسها اعتقد ان تغييرهم من باب الوقايه افضل

[bedooracle]

تقريبا زيكم فى ان الفيوز الوحيد بتاع الكاسيت و لمبة كومبريسور التكييف معايا ميجان 2009 ماشية 80 الف كيلو و دا كان من الاسبير اللى فى العربية

[Hany Saad]

خلونى أشارك معاكم لو سمحتولى
مبدئيا الفيوز بيضرب من التيار العالى فقط و ليس إلا....الفيوز ملهوش دعوه بالفولت
العربية الفولت بتاعها ثابت عند حوالى 13.5 فولت و هو خرج الدينامو و فعلا فيه فولت أستابيليزر أو كتاوت للدينامو بتخلى الخرج دايما ثابت
الفيوزات مش محتاجة تغيير دورى بتاتا
الفيوزات اللى مع العربية متعايرة تماما مع الأمبير اللى خاص بكل مكون و مناسبة تماما له و لا يجب رفع قيمة الفيوز و الا فقد وظيفته
بمعنى لو فيوز كمبروسر التكييف ٢٠ أمبير ....معنى كده أن أكتر تيار يقدر يستحمله الكمبريسور هو ٢٠ أمبير و بعده هيضرب على طول
الكمبريسور مصمم أن يشيل لغاية ٢٠ أمبير دو ضرر....لو حطينا ٣٠ أمبير اللى هيحصل أن فى حالة عطل الكمبريسور و دخول تيار عالى فيه الكمبريسور هو اللى هيضرب (القطعة الغالية المهمة) و الفيوز مش هيحس بحاجة (القطعة الرخيصة الموضوعه للحماية)

طيب ايه اللى بيخلى الفيوز يضرب:
- قفله فى دايره الكهربا (دخول تيار عالى) زى مثلا فانوس مكسور و دخول ماء على اللمبة و الدويل
-كمبريسور التكييف قافش او تقيل
- قفلة فى الكاسيت نتيجة تعليقة أو ما شابه
- وضع فيوز أقل فى القيمة أو نفس القيمة بس مش أصلى فهيبقى متعاير غلط...يعنى مكتوب عليه ٢٠ أمبير لكنه فعليا أقل من هذا
- فيه حالات نادرة بيضرب فيها الفيوز فى بداية تشغيل المكون الكهربى فقط....زى مثلا أول ما تشغل التكييف و ده نتيجة أن التيار المبدئى بيكون عالى فى الدخول و بعدين بستقر عند القيمة المظبوطة و هنا يجب معالجة هذه الظاهرة إن وجدت و لكنها نادرة
-مفيش فيوز أصلى جاى مع العربية بيضرب علشان عمر أفتراضى أو أن نوعه مش كويس، أعتبر الفيوز سلك كهرباء فى عربيتك كل أختلافه أنه بينصهر لو التيار عدا فيه قيمة تيار معينة....غير كده هو بمثابة سلك....هل ينفع تغير أسلاك الكهربا فى عربيتك بعد عمر أفتراضى معين...أكيد لأ

[تامر.محمد]

كل ده كلام جميل و انا متفق مع كل حرف فعلا منه

لكن لسه ما فسرناش ايه سر ان الفيوزات بتضرب في الميجان2 بصورة مبالغ فيها اوي