ارجو المساعدة من الخبراء رينو ميجان ولا لوجان

[ahmad_saieed]

السلام عليكم و رحمة الله

انا مش هطول عليكم يا اخوانى انا بس محتاج مساعدة من خبراء رينو ميجان و لوجان
انا كان معايا عربية رينو كليو 2003 و بصراحة كانت عربية كويسة جدا و هى اللى حبيبتنى فى الرينو و الحمد لله ربنا وفقنى فى بيع الكليو علشان حابب اجدد و اجيب رينو برضو بس انا محتار بصراحة بين الرينو ميجان و لوجان مع العلم المبلغ اللى معايا فى حدود ال 55 الى 60 الف فا ياريت تنصحونى يا جماعة انهى الاحسن فى الاتنين و انا عارف انها بتتوقف على حالة العربية بس انا بتكلم على ميجان و لوجان كعربية و ليست كحالة
و انا اسف على الاطالة بس انا بجد محتار و مش عارف اقرر بين العربيتين

[mohammed dodda]

ميجان وش طبعاااااا بس جيبها مانيوال

[ahmad_saieed]

شكرا على الرد السريع بس حضرتك عارف ان معظم الميجان اتوماتيك فا اية رأى حضرتك فى الاوتوماتك ؟؟؟ فى مشاكل كتير يعنى ولا اية ؟.؟؟

[تامر.محمد]

فرق الركوبة بينهم شااااااااسع

[ahmad_saieed]

يعنى انهو الاحسن يا استاذ تامر فى الركوبة
معلش اصل انا مش عارف دى ولا دى مركبتش عربية فيهم بصراحة فا مش عارف انهو الاحسن بس انا عارف ان الرينو عربية كويسة

[ahmad_saieed]

و ياريت اعرف اية عيوب الاوتوماتيك

[mohammed dodda]

حضرتك ممكن تراجع الموضوعات المثبتة عن مميزات وعيوب الميجان 2 ومشاكل الاوتوماتيك او استنى شوية لغاية لما الرجالة ملاكها يدخلوا وهما هيفيدوك بمنتهى الامانة

[gawad_ahmed]

هات اتوماتيك ولو عايز اى مساده اتصل بى 01229894988 ...

[osamaos20022]

أنا بصفتي معاي العربيتين الميجان تكسب في كل حاجه بس مفيش ميجان نمره واحد اقل من ٧٠ اللوجان تكييفها أحسن استهلاك البنزين اقل بس مش في فخامة الميجان من الاخر ميزانيه ٥٥ الي ٦٠ هات لوجان موديل قريب هتدفع ٦٧ الي ٧٠ هات ميجان حاله كويسه

[ahmad_saieed]

شكرا يا gawad_ahmed يعنى حضرتك عندك الميجان الاوتوماتيك و شغالة معاك كويس مفيش منها مشاكل فى الفيتيس ؟؟

[ahmad_saieed]

شكرا يا استاذ اسامة على الرد بس انا شفت على موقع كونتاكت اسعار الرينو ميجان و كان فى حاجات كويسة بالسعر دا و الله اعلم برضو انا مشفتهمش بس قرأت المزايا اللى فيها و فى حاجات هاى لاين بانوراما ب 60 الف برضو بس عموما حضرتك بترشح الميجان

[creative_art]

لو عايز تحس ب advance اركب الميجان طبعا ،،، انت راجل كنت راكب كليو لو ركبت لوجان هتحس باحساس مش لطيف ... هي عربيه لذيذه وعمليه بس مفيهاش دلع وراحة الميجان

[ahmad_saieed]

شكرا يا كرياتيف على الرد و من الواضح ان الميجان احسن من اللوجان بكتير من حيث الراحة و المميزات و ياريت برضو اللى عندة رأى تانى يقولو ان لسة انشاء الله هنزل على يوم الجمعة السوق هتفرج و لو حاجة عجبتنى انشاء الله هشتريها

[أسامه طياره]

كنت هشتري ميجان وكنت هموووووووت عليها لما ركبتها وكنت هجيب الهاتش باك وكانت تحفه بس ناس كتير حظرتني منها بسبب عدم توافر قطع الغيار وان العربيه كلها فبر ومش صاج لكن الحقيقه مجربتهاش وممكن يكون كان ده مجرد اجتهادات وفتي من الناس !! اسأل حد جرب الميجان واللوجان افضل

[تامر.محمد]

كنت هشتري ميجان وكنت هموووووووت عليها لما ركبتها وكنت هجيب الهاتش باك وكانت تحفه بس ناس كتير حظرتني منها بسبب عدم توافر قطع الغيار وان العربيه كلها فبر ومش صاج لكن الحقيقه مجربتهاش وممكن يكون كان ده مجرد اجتهادات وفتي من الناس !! اسأل حد جرب الميجان واللوجان افضل

الكلام كله غير صحيح فعلا

يعنى انهو الاحسن يا استاذ تامر فى الركوبة
معلش اصل انا مش عارف دى ولا دى مركبتش عربية فيهم بصراحة فا مش عارف انهو الاحسن بس انا عارف ان الرينو عربية كويسة

الميجان طبببببببعاااااااااااااا , مفيش مقارنة اساسا بين العربيتين
اللوجان خلاصتها انها ابسط فمفروض اعتماديتها اعلى شوية , غير كده مفيش , اركب دي مرة و دي مرة اصلا مش هاتحتاج تفكر

بص , عموما الميجان ملخصها , تكشف كويس جدا لما تكون بتشتري و لازم العربية تكون حالتها كويسة + انك تواظب على الصيانات و لازم تكون في التوكيل او عند صنايعي بتاع ميجان + انك تعاملها على انها عربية ب150 الف مش عربية جايبها ب70 الف

لو فقدت اي نقطة من دول يبقى بلاش الميجان